ဆံပင်ပုံစံပြောင်းချင်တဲ့ မိန်းကလေးတွေအတွက် ကိုယ့်မျက်နှာနဲ့လိုက်ဖက်တဲ့ ဆံပင်ပုံစံကို ရွေးချယ်နည်း

သင်က လက်ရှိဆံပင်စတိုင်နဲ့ အချိန်ကြာလာတာကြောင့် ရိုးလာတာပဲဖြစ်ဖြစ်၊ စိတ်သစ်ဆံပင်သစ်နဲ့ စတင်ချင်တာပဲဖြစ်ဖြစ် ဆံပင်ပုံစံချိန်းတဲ့အခါ ကိုယ်နဲ့ အဆင်ပြေတာကို ရွေးချယ်သင့်ပါတယ်။ မဟုတ်ရင် ပြောင်းလိုက်မှ အရင်ထက် ပိုကြည့်မကောင်းဖြစ်ပြီး နောင်စိတ်နဲ့ စိတ်မချမ်းမသာဖြစ်နေပါလိမ့်မယ်။ ကိုယ့်မျက်နှာနဲ့လိုက်ဖက်တဲ့ ဆံပင်စတိုင်ကို မရွေးခင် ကိုယ့်မျက်နှာပုံစံကို သိနေဖို့လိုပါတယ်။ သင်က သင့်မျက်နှာပုံစံကို သိပြီးသားဆိုရင် အောက်ဖော်ပြပါအချက်တွေကို ဆက်မဖတ်ဘဲ ကျော်သွားနိုင်ပါတယ်။

Round Shape- သင့်ဆံကြောင်းက ဝိုင်းဝိုင်းလေးသွားပါတယ်။ သင့်မျက်နှာအမြင့်နဲ့ အလျားက အရွယ်အစားတူနေပြီး သင့်မေးရိုးက ဝိုင်းဝိုင်းလေး သွားပါတယ်။

Oval Shape- သင့်နဖူးက မြင့်ပါတယ်။ သင့်မျက်နှာမှာ အကျယ်ဆုံးနေရာက ပါးစောင်အကွာအဝေးပါ။ သင့်မျက်နှာက မကျယ်ဘဲ ပိုရှည်နေတတ်ပါတယ်။

Square Shape- သင့်ဆံကြောင်းက ရှည်ပြီးတော့ မျက်နှာဘေးဘက်က တစ်ဖြောင့်တည်းသွားပါတယ်။ သင့်ပါးစောင်အကွာအဝေးက သင့်နဖူး၊ မေးရိုးနဲ့ အကျယ်တူသလောက်ရှိပါတယ်။ သင့်မေးရိုးက လေးထောင့်ပုံစံ ဖြစ်ပါတယ်။

Long shape- သင့်ဆံကြောင်းက တစ်တန်းတည်းသွားပြီး မျက်နှာဘေးဘက်ကလည်း တစ်တန်းတည်းသွားပါတယ်။ မေးရိုးက လေးထောင့်ပုံဖြစ်ပြီး သင့်မျက်နှာက မကျယ်ဘဲ နှစ်ဆပိုရှည်နေတတ်ပါတယ်။

Heart Shape- သင့်နဖူးက မေးရိုးထက် ပိုကျယ်ပြီးတော့ သင့်ဆံကြောင်းက ဝိုင်းဝိုင်းလေး သွားပါတယ်။ သင့်မေးစေ့က ချွန်ချွန်လေးဖြစ်နေပါတယ်။