အခုနောက်ပိုင်းမှာ DIY လုပ်တာလေးတွေက ပြန်လည်ခေတ်စားလာတာကြောင့် မိန်းကလေးတွေအတွက် ပိုက်ဆံမကုန်ပဲ အင်္ကျီဒီဇိုင်းအသစ်ရနိုင်မယ့် နည်းလမ်းကို မျှဝေပေးချင်ပါတယ်။ ကိုယ့်မှာရှိတဲ့ အင်္ကျီပုံစံရိုးရိုးကြီးတွေ၊ ကိုယ်မဝတ်ချင်လို့ ချောင်ထိုးထားတဲ့ အင်္ကျီအဟောင်းတွေကို Off Shoulder အင်္ကျီအဖြစ်နဲ့ ဒီလိုလေးတွေ ပြောင်းလဲကြည့်လိုက်ပါ။
ကိုယ်ကျပ်အင်္ကျီအရှည်ဆိုရင် ကိုယ်ဝတ်မယ့် crop top ပုံစံအတိုလောက်ရအောင် ၃ ပိုင်း ညှပ်ရပါမယ်။ ပြီးရင် အလယ်အပိုင်းကို ယူပါမယ်။
လက်လုပ်ဖို့အတွက် လက်ရှည်က လက်အောင်နားကို ပုံမှာပြထားတဲ့အတိုင်း ညှပ်ပါမယ်။
အားလုံးညှပ်ပြီးရင် ကိုယ်ထည်အလယ်အပိုင်းနဲ့ ညှပ်ထားတဲ့လက်နဲ့ကို တွဲပြီး အပ်ချည်နဲ့ပဲ ချုပ်လိုက်ရုံပါပဲ။
ဒါဆိုရင်တော့ ရိုးရိုးအင်္ကျီကနေ Off Shoulder အင်္ကျီအဖြစ် ပြောင်းသွားပါပြီ။
ရိုးရိုးအင်္ကျီအကျပ် လက်တိုကိုလည်း Off Shoulder အဖြစ်နဲ့ ပြောင်းလဲနိုင်ပါတယ်။ အရင်ဆုံး ပုံမှာပြထားတဲ့အတိုင်း လက်အပေါ်ပိုင်းကနေစပြီး လည်ပင်းနားတစ်ဝိုက်ကို ညှပ်ထုတ်လိုက်ပါ။ ပြီးရင်တော့ ကိုယ်ဝတ်ချင်တဲ့ crop top အတိုလောက် ညှပ်ထုတ်လိုက်ရုံပါပဲ။
ဒါဆိုရင်တော့ ရိုးရိုးအင်္ကျီကနေ Off Shoulder အင်္ကျီလေးကို ရရှိသွားပြီပဲဖြစ်ပါတယ်။
ရိုးရိုးတီရှပ်ကိုလည်း ဒီဇိုင်းဆန်းတဲ့ Off Shoulder အဖြစ်နဲ့ ပြောင်းလဲနိုင်ပါတယ်။ လုပ်ရမယ့်ပုံစံကတော့ ပထမပုံမှာပြထားတဲ့အရာအတိုင်း ညှပ်ပေးလိုက်ရုံပါပဲ။ ဒါဆိုရင်တော့ ဒီဇိုင်းဆန်းတဲ့ Off Shoulder အင်္ကျီလေး ဖြစ်သွားပါပြီ။
