တချို့ မိန်းကလေးတွေက ကိုယ်လုပ်စရာ ရှိတာ လုပ်တတ်ပြီး ဘယ်သူ့ကိုမှ ရင်ဆိုင်ရမှာ မကြောက်တတ်ကြပါဘူး။ ဒါ့အပြင် ဒီလို မိန်းကလေးတွေက အချစ်ရေးနဲ့ ပတ်သက်ရင် သိပ်မနာကျင်တတ်ဘဲ ကိုယ့်အလုပ်မှာ ကိုယ် အောင်မြင်နေသူတွေ ဖြစ်လေ့ရှိပါတယ်။ တစ်ခုခု လုပ်ဖို့လည်း သူတို့က မရှက်တတ်ပါဘူး။ ပြောရရင် “I don’t care” စတိုင် မိန်းကလေးတွေ မျိုးပါ။ ဒါ့အပြင် ကိုယ်ဝတ်ချင်တာဝတ်ပြီး ဘယ်သူ့ အကြောင်းမှ ခေါင်းထဲ မထည့်သူတွေ ဖြစ်ပါတယ်။ သင်က ဒီလို မိန်းကလေး တစ်ဦး ဖြစ်ချင်တယ်ဆိုရင် အောက်ဖော်ပြပါ အချက်တွေကို သိထားသင့်ပါတယ်။

၁။ ဘယ်အရာမှ ကြောက်စရာမလို၊ ရှက်စရာမလိုတာကို သိထားပေးပါ

ဘယ်အရာပဲဖြစ်ဖြစ် တစ်ခုခုအပေါ် ထားတဲ့ သင့်အတွေး၊ သင့်ခံယူချက်နဲ့ပဲ ဆိုင်ပါတယ်။ စိတ်ထဲ ကြောက်စရာ မရှိဘူးလို့ မှတ်ရင် ဘာမှ ကြောက်ဖို့ မကောင်းပါဘူး။ ဘာမှ ကြောင်အမ်းအမ်း ဖြစ်စရာ မရှိဘူးလို့ ယုံထားရင်လည်း ဒီသဘောတရားပါပဲ။ ဒီလိုပဲ ဒီလောကကြီးမှာ ဘာမှ ရှက်စရာ မရှိဘူးလို့ ယုံကြည်ထားသင့်ပါတယ်။

၂။ အစားထိုးလို့ရတယ်

ဘယ်သူ့ကိုမှ ဂရုမစိုက်တဲ့ မိန်းကလေးတွေက ကိုယ့်မိသားစုက လွဲရင် ကျန်တာ အစားထိုးလို့ ရတယ်ဆိုတာ သိထားကြပါတယ်။ ဥပမာ ရည်းစား၊ Crush ဆိုတာ အစားထိုးလို့ရတာ သိထားပြီး အခင်ဆုံး သူငယ်ချင်း ဆိုတာကလည်း အစားထိုးလို့ရတာကို သိထားပါတယ်။ ဒီအချက်ကို သိထားရင် ဘယ်သူ့ကိုမှ တွယ်ကပ်နေစရာ မလိုတော့ပါဘူး။

၃။ အကောင်းဆုံး လက်စားချေခြင်း

လူတစ်ယောက်ယောက်က သင့်ကို ဒုက္ခပေးသွားတယ်၊ စိတ်အနှောင့်အယှက် ပေးသွားတယ်၊ သင့်အကြောင်း နောက်ကွယ်မှာ အတင်းပြောနေမယ်၊ သင့်ကို ဘာရည်ရွယ်ချက်မှ အတိအကျမရှိဘဲ ကဲ့ရဲ့ နေမယ်ဆိုရင် အကောင်းဆုံး လက်စားချေခြင်းကတော့ ဘာမှပြန်မလုပ်တာပါ။ သူ့ဘဝနဲ့ သူ သွားလိမ့်မယ် ဆိုပြီး လွှတ်ထားလိုက်တာ အကောင်းဆုံးပါ။ သင်က ဘာမှ မလုပ်ဘဲ နေရင် ဟိုဘက်က ပိုတောင် အားမလို အားမရဖြစ်ပြီး တနုံ့နုံ့ ဖြစ်နေပါလိမ့်မယ်။ ဒီလိုဆိုရင် ဘယ်သူ့အကြောင်းမှလည်း ခေါင်းထဲ ထည့်စရာ မလိုတော့ပါဘူး။

၄။ အနည်းဆုံး ဂရုစိုက်တဲ့ သူက သိပ်မခံစားရဘူး

ဘယ်အရာပဲ ဖြစ်ဖြစ် သိပ်ဂရုမစိုက်သူတွေက စိတ်ခံစားချက် နာကျင်တဲ့ နေရာမှာလည်း အနည်းဆုံး နာကျင်ရသူတွေ ဖြစ်ပါတယ်။ ဂရမစိုက်လေ မနာကျင်လေပါပဲ။ ဒါကြောင့် သင့်အနေနဲ့လည်း ဘယ်သူ့မှ ဂရုမစိုက်ဘူးလို့ ခံယူချက် ထားသင့်ပါတယ်။

Photo Source: Pinterest

By MyStyle Myanmar