“10 Things I Hate About You” ဇာတ်လမ်းထွက်ရှိခဲ့တာ အခုဆိုရင် နှစ်ပေါင်း ၂၁ နှစ်ကြာသွားပါပြီ။ ဒါက တကယ့်ကို မယုံနိုင်စရာပါပဲ။ ဒီဇာတ်လမ်းထဲက Patrick သီဆိုခဲ့တဲ့ “Can’t Take my Eyes Off You” သီချင်းက တကယ်ရင်ထဲရောက်ခဲ့တာပါ။ သင်က ဒီဇာတ်လမ်းကို ကြည့်ဖူးတယ်ဆိုရင် ဒီအချိန်ထိမေ့နိုင်ဦးမှာမဟုတ်ပါဘူး။ ၂၁ နှစ်ကြာသွားပြီနောက် ဒီဇာတ်လမ်းထဲက သရုပ်ဆောင်တွေက ဘာတွေပြောင်းလဲသွားကြလဲ။ ဘာတွေလုပ်နေကြလဲ သိချင်တယ်ဆိုရင်တော့ ဆက်ကြည့်လိုက်ပါနော်-
1. Julia Stiles
Kat (ကတ်) နေရာက သရုပ်ဆောင်ခဲ့တဲ့ Julia Stiles ကတော့ လက်ရှိမှာ Mini Series ဖြစ်တဲ့ Riviera ရဲ့ Third Season မှာသရုပ်ဆောင်ဖို့ ပြင်ဆင်နေပါပြီ။ သူမက ဒီ ရှုတင်းအတွက် မေလမှာ အာဂျင်တီးနားကို သွားရမှာပါ။ Stiles က Jennifer Lopez နဲ့ အတူ Hustlers ဆိုတဲ့ဇာတ်လမ်းမှာလည်း တွဲဖက်သရုပ်ဆောင်ခဲ့ပါတယ်။ Stiles က ၂၀၁၇ မှာ Preston Cook နဲ့ လက်ထပ်ခဲ့ပြီး ကလေးအမေဖြစ်နေပါပြီ။
2. Larisa Oleynik
ကတ်ရဲ့ ညီမလေး Bianca (ဘီရန်ကာ) အနေနဲ့ သရုပ်ဆောင်ခဲ့တဲ့ မင်းသမီး Larisa Oleynik ကတော့ Law & Order, Pretty Little Liars, Mad Men စတဲ့ ဇာတ်လမ်းတွေမှာ သရုပ်ဆောင်ထားပါသေးတယ်။
3. Joseph Gordon-Levitt
ကတ်ရဲ့ ညီမဖြစ်သူ ဘီရန်ကာကို သဘောကျတာကြောင့် အမဖြစ်သူ ကတ်ကို ပတ်ထရစ်နဲ့ ရည်းစားဖြစ်အောင် မြှောက်ပင့်ပေးခဲ့တဲ့ Cameron (ကမ်မရွန်) ကတော့ 10 Things ပြီးနောက် ဆက်ရိုက်တဲ့ဇာတ်လမ်းတွေကလည်း အောင်မြင်ခဲ့ပါတယ်။ 500 Days With Summer or Christopher Nolan’s Inception စတဲ့ ဇာတ်လမ်းတွေနဲ့လည်း Joseph ကို ရင်းနှီးကြမှာပါ။
4. Andrew Keegan
10 Things ရဲ့ ဗီလိန်ကောင်ချောလေး Joey (ဂျိုဝီ) အနေနဲ့ သရုပ်ဆောင်ခဲ့တဲ့ Andrew ကတော့ The Broken Hearts Club ဆိုတဲ့ ဇာတ်လမ်းမှာ ထပ်မံပါဝင်ခဲ့ပါတယ်။ စီးရီးတွေ ဇာတ်လမ်းတွေ အမြောက်အမြားမှာလည်း သရုပ်ဆောင်ခဲ့ပါသေးတယ်။
5. David Krumholtz
ကမ်မရွန်ရဲ့ သူငယ်ချင်း Michael (မိုက်ကယ်) အနေနဲ့ သရုပ်ဆောင်ခဲ့သူ David က စီးရီးဇာတ်လမ်းတစ်ပုဒ်ဖြစ်တဲ့ Numb3rs နဲ့လည်း နာမည်ကျော်ခဲ့ပါသေးတယ်။
6. Gabrielle Union
Chastity အနေနဲ့ သရုပ်ဆောင်ခဲ့သူ Gabrielle ကတော့ 10 Things ပြီးနောက် ဇာတ်လမ်းအများအပြားမှာ ပါဝင်ခဲ့ပါတယ်။ America’s Got Talent ရဲ့ Season 14 မှာလည်း ဒိုင်လုပ်ခဲ့ပါသေးတယ်။
7. Daryl Mitchell
ကျောင်းဆရာ Mr.Morgan အနေနဲ့ သရုပ်ဆောင်ခဲ့တဲ့ Daryl ကတော့ NCIS: New Orleans , Fear the Walking Dead စတဲ့ဇာတ်လမ်းတွေမှာ သရုပ်ဆောင်ခဲ့ပါသေးတယ်။ စိတ်မကောင်းစရာတစ်ခုက နိုဝင်ဘာလ ၂၀၀၁ ခုနှစ်မှာတော့ Daryl က မော်တော်ဆိုင်ကယ် အက်ဆီးဒင့်ကြောင့် အောက်တစ်ပိုင်းသေသွားခဲ့ပါတယ်။
8. Larry Miller
ကတ်နဲ့ ဘီရန်ကာရဲ့ စည်းကမ်းတင်းကျပ်တဲ့ ဖခင်အနေနဲ့ သရုပ်ဆောင်ခဲ့တဲ့ Larry ကိုတော့ တခြားဇာတ်လမ်းတွေနဲ့လည်း ရင်းနှီးကြမှာပါ။ Second Act, Get Smart, The Princess Diaries စတဲ့ဇာတ်လမ်းတွေမှာလည်း သရုပ်ဆောင်ထားပါသေးတယ်။
9. Allison Janney
10 Things ထဲမှာ ကျောင်းအုပ်ဆရာမအနေနဲ့ သရုပ််ဆောင်ခဲ့တဲ့ Allison က နှစ်တွေကြာတော့ 10 Things ဇာတ်လမ်းကို မေ့သွားပုံပါပဲ။ ဒီနှစ်အစောပိုင်းလောက်မှာ 10 Things ရဲ့ Fan တစ်ဦးက ဇာတ်လမ်းထဲက ကျောင်းအုပ်ဆရာမ Perky ကို သဘောကျကြောင်း ပြောထားတာကို Allison က မမှတ်မိတော့ဘူးလို့ Reply ပြန်ထားပါတယ်။
10. Heath Ledger
10 Things ထဲက အဓိကဇာတ်ဆောင် ပတ်ထရစ် (Patrick) က သူ့ရဲ့ မျက်လုံး၊ အပြုံး၊ ပါရမီမျိုးစုံနဲ့ကို ကြည့်ရှုသူတိုင်းရဲ့ ရင်ထဲ ဝင်ရောက်ခဲ့ပါတယ်။ စိတ်မကောင်းစရာက ပတ်ထရစ်အနေနဲ့ သရုပ်ဆောင်ခဲ့တဲ့ မင်းသား Heath Ledger ဟာ ၂၀၀၈ ခုနှစ်မှာ လောကကြီးကနေ ထွက်ခွာသွားခဲ့ပါတယ်။ Heath ကို Batman ဇာတ်လမ်းထဲမှာ Joker အနေနဲ့လည်း ရင်းနှီးကြမှာပါ။
သင့်အနေနဲ့ 10 Things ထဲက ဘယ် သရုပ်ဆောင်ကို သဘောအကျဆုံးလဲ ပြောပြခဲ့ပါဦး။ စာရေးသူကတော့ Patrick (Heath Ledger) ပါ။
Source: Brightside.me
By MyStyle Myanmar
