တက္ကသိုလ်ကျောင်းသူ ဆယ်ကျော်သက်တွေပဲဖြစ်ဖြစ် အပြင်မှာ အလုပ်လုပ်နေပြီဖြစ်တဲ့ ပျိုမေတို့ပဲဖြစ်ဖြစ် မိမိရဲ့ မိန်းကလေး သူငယ်ချင်းတွေကြားမှာ စတိုင်လ်ကျပြီး ပေါ်လွင်နေစေဖို့ ဘယ်လိုဝတ်ဆင်ရမလဲဆိုတာကို မျှဝေပေးချင်ပါတယ်။
စကတ်လေးတွေဝတ်ပါ
မိန်းကလေးလည်းဆန်စေပြီး သင့်ကိုလည်း ချစ်စရာကောင်းလှပစေတဲ့ စကတ်လေးတွေကို ဝတ်ဆင်လို့ရပါတယ်။ အရောင်တွေ အများကြီးမဟုတ်ဘဲ ရိုးရိုးရှင်းရှင်း အရောင်နဲ့သာ ဝတ်ဆင်ပါ။ လိုက်ဖက်တဲ့အရောင်လေးတွေနဲ့ တွဲဖက်ဝတ်ဆင်ပါ။
Jumper Dress လေးတွေဝတ်ပါ
Jumper Dress လေးတွေက သင့်ကို မိန်းကလေးဆန်စေပြီး ဖက်ရှင်ပိုကျစေပါတယ်။ အဝတ်အစားအတွက်လည်း တကူးတက အချိန်ကုန်ခံပြီး စဉ်းစားနေစရာမလိုပါဘူး။ အချိန်သိပ်မရတဲ့ နေ့တွေမျိုးမှာ ဒီလို ဖက်ရှင်လေးက ရိုးရိုးလေးနဲ့ စတိုင်လ်ကျနေစေမှာဖြစ်ပါတယ်။
ဒီလိုအင်္ကျီမျိုးဝတ်ပါ
ပုခုံးကျယ်ကျယ်အင်္ကျီတွေ၊ လက်မှာ အပေါက်ပါတဲ့အင်္ကျီတွေ၊ ဇာပုံစံပါတဲ့ အင်္ကျီတွေ ၊ ဖဲပြားပုံပါတဲ့ အင်္ကျီ တွေ စသဖြင့် ဝတ်ဆင်ကြည့်ပါ။ အဲဒီလိုဝတ်ပေးတာဟာ သင့်ကို ချစ်စရာလည်း ကောင်းစေပြီး ဖက်ရှင်ကျစေပါတယ်။
