ကိုယ့်ချစ်သူက ကိုယ့်ကို ဘယ်လောက်ချစ်သလဲ ကိုယ့်မှာ ကမ္ဘာ့အကောင်းဆုံး ချစ်သူတစ်ယောက် ပိုင်ဆိုင်ထားတယ်ဆိုတာကို ဘယ်လိုသိနိုင်မလဲ။
အခုဖော်ပြမယ့် လက္ခဏာများကို သင့်ချစ်သူဆီမှာ တွေ့ရတယ်ဆိုရင်တော့ သင်ဟာ ကမ္ဘာ့ကံအကောင်းဆုံး လူသားတစ်ယောက်ပဲဖြစ်ပါတယ်။
သဝန်မတိုဘူး
သဝန်တိုခြင်းဟာ တခါတရံမှာ သင်တို့ရဲ့သမီးရည်းစားဆက်ဆံရေးကို ဖျက်ဆီးနိုင်ပါတယ်။ သင့်အပေါ်တွင် သဝန်မတိုခြင်းဟာ သင့်အပေါ်တွင် အပြည့်အဝယုံကြည်ထားကြောင်း ဖော်ပြနေတာဖြစ်ပြီး ဒီအချက်က သင်တို့အချစ်ရေးအတွက် ကောင်းတဲ့အချက်တစ်ခုပဲဖြစ်ပါတယ်။
စိတ်ရှည်တယ်
လူတိုင်းက စိတ်မရှည်တတ်ကြပါဘူး။ ပုံမှန်စိတ်ရှည်တတ်တဲ့သူဆိုရင်တောင် သူတို့ချစ်သူကို အနိုင်ယူချင်တဲ့အခါ စိတ်ရှည်သည်းခံတတ်တဲ့ အမူအကျင့်တောင် ပျောက်သွားပြီး စိတ်တိုစိတ်ဆတ်လွယ်သယောင် ပြုမူတတ်ပါတယ်။
ဒါပေမဲ့ သင့်ချစ်သူက သင့်အပေါ်မှာ စိတ်ရှည်သည်းခံတတ်တယ်ဆိုရင်တော့ သင်ဟာ ကံအကောင်းဆုံးလူသားတစ်ယောက်ပဲဖြစ်ပါတယ်။
သင့်ကို အမြဲတမ်း အားပေးတယ်
ဘဝက အနိမ့်အမြင့် အတက်အကျ တစ်လှည့်စီဖြစ်နေတာပါ။ ဒီလိုအနိမ့်အမြင့်အတက်အကျတွေကြားထဲမှာ သင့်ကို အမြဲတမ်းအားပေးဖော်ရပါသလား။ သင့်ကို စိတ်မပျက်ဘဲ အမြဲတမ်း အားပေးဖော်ရနေမယ်ဆိုရင်တော့ သင့်ချစ်သူက သင့်အပေါ်မှာ အင်မတန်ချစ်ကြောင်း ဖော်ပြနေတဲ့အချက်တစ်ခုပဲဖြစ်ပါတယ်။
သင့်အပေါ် သစ္စာစောင့်သိတယ်
သစ္စာရှိခြင်းကို ပုံသဏ္ဍာန်အမျိုးမျိုးဖြင့် တွေ့မြင်နိုင်ပါတယ်။ တွေ့သမျှ အမျိုးသမီးတိုင်းနဲ့ အီစီကလီမရိုက်ဘဲ သင့်အပေါ်တွင်သာ သစ္စာစောင့်သိတဲ့ ချစ်သူကို သင့်ဘက်ကလည်း တန်ဖိုးထားချစ်ခင်ဖို့ လိုအပ်ပါတယ်။
သင့်ကို ပြောင်းလဲဖို့ မကြိုးစားပါ
ကိုယ့်ကို တကယ်ချစ်တဲ့သူက ကိုယ့်ရဲ့ပုံစံကို အရှိအတိုင်း လက်ခံတတ်ကြပါတယ်။ ဒီလိုမှမဟုတ်ဘဲ ကိုယ့်ကို ပြောင်းလဲဖို့ကြိုးစားနေမယ်ဆိုရင် သင့်ချစ်သူက သင့်ကို ချစ်တာထက် သူကိုယ့်သူ ပိုချစ်တာပါ။ ဒါ့ကြောင့် သူ(မ)အဆင်ပြေဖို့အတွက်ကိုသာ ရှေးရှုပြီး သင့်ကိုပြောင်းလဲဖို့ ကြိုးစားနေတာပါ။
