အခုနှစ် ၂၀၂၃ မှာတော့ အရင်နှစ်တွေလိုပဲ အားလုံးချစ်ကြတဲ့ အနုပညာရှင်တွေထဲကမှ ၂၀၂၃ ရဲ့ အမိုက်ဆုံး အမျိုးသမီးအနုပညာရှင် (၅) ဦး စာရင်းကတော့ ထွက်ပေါ်လာပါပြီ။ ဘယ်သူတွေဖြစ်မလဲ ကိုယ်ချစ်တဲ့ဆယ်လီတွေ ပါမလားဆိုတာ ကြည့်လိုက်ရအောင်။
Rihanna
အားလုံးသိကြတဲ့ အမေရိကန်အမျိုးသမီး အဆိုတော် သရုပ်ဆောင်နဲ့ ထုတ်လုပ်သူ Rihanna ပါ။ Rihanna က ရုပ်သံဇာတ်လမ်းတွဲတချို့မှာလည်း ပါဝင်ခဲ့ဖူးပြီး မယုံနိုင်လောက်အောင် အဆိုကောင်းတဲ့ အဆိုတော်တစ်ယောက်လည်းဖြစ်ပါတယ်။ သူမကို မသိတဲ့သူ မရှိသလောက်ရှားပြီး ခုခေတ်မှာ လူကြိုက်အများဆုံး နာမည်ကြီးအနုပညာရှင်တွေထဲက တစ်ယောက်ဆိုရင် အားလုံးက ငြင်းမယ်မထင်ပါဘူး။
Megan Fox
Megan Fox ကတော့ အမေရိကန်မင်းသမီးနှင့် မော်လ်ဒယ်ဖြစ်ပါတယ်။ Megan Fox က အနုပညာလောကထဲကို ၂၀၀၁ ခုနှစ်က စတင်ဝင်ရောက်လာတာဖြစ်ပြီး တီဗွီစီးရီးတွေနဲ့ ရုပ်မြင်သံကြား ဇာတ်လမ်းတိုတွေမှာ သူမရဲ့သရုပ်ဆောင်ဘဝကို စခဲ့တာဖြစ်ပါတယ်။
‘Confessions of a Teenage Drama Queen’ ကတော့ သူမရဲ့ပွဲဦးထွက် ရုပ်ရှင်ဇာတ်ကားပဲဖြစ်ပါတယ်။ ဘာပဲဖြစ်ဖြစ် အသက် ၃၇ နှစ် အရွယ်သာရှိသေးတဲ့ Megan Fox ကို ၂၀၂၃ အတွက် အမိုက်ဆုံးအမျိုးသမီးအနုပညာရှင်အဖြစ် ပရိသတ်တွေက ရွေးချယ်လိုက်ပါတယ်။
Adriana Lima
Adriana Lima ကတော့ စူပါမော်ဒယ်လ်လောကနဲ့ ရင်းနှီးသူတွေဆိုရင် မသိသူ ခပ်ရှားရှားပါပဲ။ Adriana Lima က ကမ္ဘာ့အမြင့်ဆုံး အနုပညာကြေးရခဲ့ဖူးတဲ့ စူပါမော်ဒယ်လ်တွေထဲက တစ်ဦးဆိုလည်း မမှားပါဘူး။
အသက်အရွယ်အားဖြင့် ၄၂ နှစ်ရှိပြီဖြစ်တဲ့ Adriana Lima ကို Forbes မဂ္ဂဇင်းက ရွေးချယ်တဲ့ အကောင်းဆုံးအနုပညာရှင် ၁၀၀ မှာလည်း ရွေးချယ်ခံခဲ့ရဖူးပါတယ်။
Beyonce
Beyonce ကတော့ အခုချိန်ထိ ဘယ်သူမှ မကျော်နိုင်သေးတဲ့ Queen of Pop တစ်ဦးပါ။ ဒါ့အပြင် စီးပွားရေးလုပ်ငန်းရှင်အမျိုးသမီးလည်း ဖြစ်ပါတယ်။ Beyonce က သူမရဲ့အဆိုတော်လမ်းကြောင်းကို အသက် ၁၆ နှစ်အရွယ်ကတည်းက စတင်ခဲ့တာဖြစ်ပါတယ်။ Destiny’s Child အဖွဲ့နဲ့ ပွဲဦးထွက်ခဲ့တာဖြစ်ပြီး ထိုမှတဆင့် အခုချိန်ထိ အောင်မြင်ကျော်ကြားတဲ့သူတစ်ဦး ဖြစ်လာခဲ့တာပါ။
Margot Robbie
နောက်ဆုံးတစ်ယောက်ကတော့ ဆွဲဆောင်မှုရှိပြီးလှပတဲ့ ဩစတြေးလျလူမျိုး မင်းသမီးဖြစ်တဲ့ Margot Robbie ပါ။ Margot Robbie ကို လူသိများစေခဲ့တဲ့ ဇာတ်ကားတွေကတော့ Barbie, Suicide Squad, I, Tonya, The Wolf of Wall Street စတာတွေပဲဖြစ်ပါတယ်။ အထူးသဖြင့် ၂၀၂၃ ခုနှစ်တုန်းကမှ ထွက်ရှိထားခဲ့တဲ့ Barbie ဇာတ်ကားကတော့ အများစုသိကြမှာပါ။
