မင်္ဂလာပါနော်။ တောက်ပဖြူဖွေးတဲ့ သွားလေးတွေကို အားလုံးပိုင်ဆိုင်ချင်ကြပါတယ်။ သွားလေးတွေ ဖြူဖွေးနေရင် မိမိကိုယ်ကို ယုံကြည်မှုရှိစေပါတယ်။ ဒါ့ကြောင့် ဒီတခါမှာတော့ သွားလေးတွေ ဖြူဖွေးစေမယ့် နည်းလမ်းလေးကို မျှဝေပေးချင်ပါတယ်။
သံပယိုသီး (သို့) သံပရာသီး နဲ့ Baking Soda (မုန့်ဖုတ်ဆိုဒါ) ကိုသုံးပေးရမှာပါ။ သံပယိုသီး (သို့) သံပရာသီး က သွားမှာကပ်နေတဲ့ အညစ်အကြေးတွေကို ဖယ်ရှားပေးနိုင်သလို၊ သွားပိုးစားခြင်းကိုလည်း သက်သာစေပါတယ်။ ဒါ့အပြင် သွားဝါခြင်း ခံတွင်းရနံ့ ဆိုးခြင်းကို သက်သာစေပါတယ်။
မုန့်ဖုတ်ဆိုဒါကလည်း သွားမှာကပ်ညှိနေတဲ့ ဆဲလ်သေတွေ အညစ်အကြေးတွေကို ဖယ်ရှားပေးနိုင်ပြီး သွားတွေကို ဖြူဝင်းစေပါတယ်။
ပါဝင်ပစ္စည်း
သံပယိုသီး (သို့) သံပရာသီး
မုန့်ဖုတ်ဆိုဒါ (Baking Soda)
ပါဝင်ပစ္စည်း (၂) မျိုးကို ဆတူရောပြီး သွားတိုက်တံပေါ် တင်ပေးကာ သွားတိုက်ပေးလိုက်ပါ။
နောက်တစ်နည်းကတော့ သွားကို အရင်ဆုံး တဘက်တစ်ခုနဲ့ သုတ်ပေးလိုက်ပြီး ပါဝင်ပစ္စည်းနှစ်မျိုးရောထားတာကို သွားတိုက်တံပေါ်တင်ကာ သွားတိုက်ပေးပါ။ ပြီးသွားရင် ၃ မိနစ်လောက်ထားပြီး ပလုတ်ကျင်းလိုက်ပါ။
သင့်သွားကို ဖြူဝင်းစေမှာဖြစ်ပြီး တစ်ပတ်ကို ၂ ကြိမ်လောက်အသုံးပြုနိုင်ပါတယ်။
