ဒီနေ့မှာတော့ ပျိုမေတိုင်းအတွက် အသုံးဝင်စေမယ့် အလှအပရေးဆိုင်ရာတစ်ခုဖြစ်တဲ့ တင်းတိတ် ဝက်ခြံတွေနဲ့ အမဲစက်တွေကို သက်သာလျော့ပါးလာစေမယ့်အပြင် ပျိုမေတို့ရဲ့ အသားအရေလေး ကြည်တောက်စိုပြေစေမယ့် သဘာဝနည်းလမ်းကောင်းတစ်ခုကို လက်တို့ပြပါရစေနော်…
တရုတ်နံနံပင်မှာ ဗီတာမင်နဲ့သတ္တုဓါတ်တွေ ကြွယ်ဝစွာပါဝင်ပါတယ်။ ဒါ့အပြင် မဂ္ဂနီနဲ့ ပိုတက်ဆီယမ်ဓါတ်တွေလည်း ပါဝင်နေပါသေးတယ်။ ဒါ့ကြောင့် ပင်ပန်းနွမ်းနယ်တာ၊ ဆီးနဲ့ဆိုင်တဲ့ရောဂါတွေ၊ ဖျားနာတာ၊ ကျောက်ကပ်နဲ့ဆိုင်တဲ့ရောဂါတွေ၊ ဆီးချိုနဲ့ မျက်လုံးရောင်ရမ်းတာတွေအတွက်ပါ အထူးကောင်းမွန်တဲ့ သဘာဝအပင်တစ်မျိုးလည်း ဖြစ်ပါတယ်။
ကဲ…တရုတ်နံနံပင်ကို အသုံးပြုပြီး အပြစ်အနာဆာကင်းပြီး စိုဝင်းတောက်ပတဲ့ မျက်နှာအသားအရေလေးကို ရယူလိုက်ကြရအောင်…
ပါဝင်ပစ္စည်း
တောက်တောက်စင်းထားတဲ့ တရုတ်နံနံပင် စားပွဲတင်ဇွန်း ၂ ဇွန်း
သံပိုယိုသီးအရည် လက်ဖက်ရည်ဇွန်း ၁ ဇွန်း (သို့) ပန်းသီးရှလကာရည်လက်ဖက်ရည်ဇွန်း ၁ ဇွန်း
ရေ ၂၀၀ မီလီလီတာ
ပြင်ဆင်ခြင်း
ရေကို ဆူအောင်တည်းပြီး တရုတ်နံနံပင်ကိုထည့်ကာ ၁၅ မိနစ်လောက် တည်းထားပေးပါ။ ပြီးရင် အအေးခံထားပါ။ အရည်အေးလာတဲ့အခါ သံပုယိုသီးအရည် (သို့) ပန်းသီးရှလကာရည် ထည့်ပေးပါ။ နောက်ဆုံး ခွက်တစ်လုံးထဲ ထည့်ထားပြီး ရေခဲသေတ္တာထဲမှာ ထည့်ထားပြီး အသုံးပြုပေးပါ။
အသုံးပြုခြင်း
အဲဒီအရည်ကို မနက်တစ်ကြိမ် နဲ့ ညနေတစ်ကြိမ် လိမ်းပေးပါ။
မျက်နှာမှာတင်သာမက ခန္ဓာကိုယ်အနှံ့လိမ်းပေးလို့ရပါတယ်။ အဲဒီလိုတစ်လလောက် ပုံမှန်လိမ်းပေးရင် အသားအရေဖြူဖွေးလာမယ့်အပြင် အမဲစက်ကင်းစင်ပြီး ပြစ်မျိုးမှဲ့မထင် အလှပိုင်ရှင်လေးဖြစ်လာမှာ အသေချာပါပဲ့။
