မင်္ဂလာပါနော်။ ကျန်းမာဖြူဝင်းတဲ့ အသားအရေကို လူတိုင်းပိုင်ဆိုင်ချင်ကြပါတယ်။ သင့်အသားအရေဟာ သဘာဝပတ်ဝန်းကျင်၊ လေထုညစ်ညမ်းမှု၊ ဓာတုပစ္စည်းတွေ၊ နေရောင်ခြည်ထိတွေ့မှုတွေ၊ အာဟာရဓာတ်ညီညွတ်မျှတအောင်မစားတာတွေနဲ့ အသားအရေထိန်းသိမ်းမှုမရှိတာတွေကြောင့် သင့်အသားအရေ တဖြည်းဖြည်းထိခိုက်ပျက်စီးလာပါတယ်။
ဒါ့ကြောင့် အသားအရေကို ဂရုစိုက်ပေးဖို့လိုပါတယ်။ ကျန်းမာဖြူဝင်းပြီး အားလုံးပိုင်ဆိုင်ချင်ကြမယ့် အသားအရေလေး ရရှိစေဖို့အတွက် နည်းလမ်းကောင်းတစ်ခုကို မျှဝေပေးချင်ပါတယ်။
ပါဝင်ပစ္စည်း
ရှားစောင်းလက်ပတ် စားပွဲတင်ဇွန်း ၃ ဇွန်း
နှင်းဆီရည် စားပွဲတင်ဇွန်း ၃ ဇွန်း (နှင်းဆီပန်းကိုရေသေချာဆေးလိုက်ပြီး ရေနွေးထဲ ခဏ ထည့်စိမ်ထားလိုက်ပါ။ ပြီးရင်နှင်းဆီပွင့်လေးတွေ ဆည်ထုတ်လိုက်ပါ။ ဒါဆိုရင် နှင်းဆီရည်ရပါပြီနော်။)
သံလွင်ဆီ စားပွဲတင်ဇွန်း ၁ ဇွန်း
သံပရာရည် စားပွဲတင်ဇွန်း ၁ ဇွန်း
စန္ဒကူးနံ့သာမှုန့် စားပွဲတင်ဇွန်း ၁ ဇွန်း
ပြုလုပ်နည်း
ပါဝင်ပစ္စည်းအားလုံးကို ခွက်တစ်လုံးထဲ သေချာထည့်ပြီး မွှေလိုက်ပါ။ ပြီးရင်တော့ အလုံပိတ်ဘူးထဲမှာ သေချာထည့်ထားပါ။ မျက်နှာကိုအရင်သန့်စင်ပေးပြီးမှ လိမ်းပေးပါ။
အိပ်ယာမဝင်ခင် ၁၅ မိနစ်လောက်လိမ်းထားပေးပြီး မျက်နှာသစ်ချလိုက်ပါ။
သင့်အသားအရေကို ပိုပြီးကြည်လင် ဖြူဝင်းစေမှာဖြစ်ပါတယ်။
Photo: www.fabhow.com
Source: www.trendcrown.com
