Home-Made Face Mask အတွက် လိုအပ်တဲ့ ပစ္စည်းတွေက သင့်အိမ်မှာပဲ အလွယ်တကူ ရနိုင်တဲ့ ပစ္စည်းတွေပါ။ Mask တွေရဲ့ ကောင်းကျိုးက အသားအရေကို ချွေးပေါက် ပိုကျဉ်းစေတာ၊ အရေးအကြောင်း အစက်အပြောက် ပျောက်စေတာ၊ အသားအရေ စိုပြေပြီး ချောမွေ့တောက်ပစေတာ စတာတို့ ဖြစ်ပါတယ်။ ဒီတစ်ခေါက်မှာတော့ အသားအရေ ထိန်းသိမ်းဖို့ တကူးတက Spa ကို သွားစရာမလိုဘဲ အိမ်မှာပဲ လုပ်နိုင်တဲ့ DIY Mask တွေကို ဖော်ပြပါရစေ။ သင်လိုချင်တဲ့ ရည်ရွယ်ချက်အလိုက် အောက်ဖော်ပြပါ Mask တွေကို သုံးနိုင်ပါတယ်။ ဒီတော့ ကြည့်လိုက်ရအောင်-

ပင်ပန်းနွမ်းနယ်တဲ့ အသားအရေကို ပြန်လည် တည်ငြိမ်စေဖို့

ဒီအတွက် လိုအပ်တဲ့ပစ္စည်းတွေကတော့-
၁။ ပျားရည် တစ်ဇွန်း
၂။ အုန်းဆီ တစ်ဇွန်း
၃။ ထောပတ်သီး လေးပုံပုံရင် တစ်ပုံ
၄။ Lavender Oil ၂ ဇွန်း

Photo Source: Amanda K. by the Bay

ဒီပါဝင်ပစ္စည်းတွေ အားလုံးကို ရောမွှေကာ မျက်နှာပေါ် လိမ်းပေးရပါမယ်။ အရင်ထက် အသားအရေ တင်းရင်းပြီး တည်ငြိမ်စိုပြေလာတာကို ခံစားမိပါလိမ့်မယ်။

အသားအရေ စိုပြေပြီး အာဟာရပြည့်ဝဖို့

အသားအရေ စိုပြေလာဖို့ ပြုလုပ်ပေးနိုင်တဲ့ ပါဝင်ပစ္စည်းတွေကတော့-

၁။ ထောပတ်သီး တစ်ဝက်
၂။ ပျားရည်တစ်ဇွန်း
၃။ အုတ်ဂျုံ တစ်ဆုပ်စာ တို့ပဲ ဖြစ်ပါတယ်။ ဒါတွေအားလုံးကို ရောမွှေပြီး မျက်နှာပေါ် ၁၅ မိနစ် တင်ပေးရပါမယ်။ ဒါပြီးရင်တော့ ဆေးချနိုင်ပါပြီ။

Photo source: Nutrition Stripped

ဒီပါဝင်ပစ္စည်းတွေက အသားအရေကို အဆီမပြန်စေဘဲ စိုပြေစေမှာပါ။ ဒါ့အပြင် ဝက်ခြံအမာရွတ်တွေကို ပါးသွားစေပါလိမ့်မယ်။

အသားအရေ အရောင်မညီတာအတွက်

Photo Source: Spinach for Breakfast –

ဒိန်ချဉ်တစ်ဇွန်း၊ ပျားရည် တစ်ဇွန်းနဲ့ နနွင်းမှုန့် တစ်ဇွန်းတို့ကို ရောမွှေပေးရပါမယ်။ ဒီ Mask က အသားအရေ ညီညာစေမယ့်အပြင် ပျားရည် ပါဝင်မှုကြောင့် အရင်ထက် အသားအရေ စိုပြေလာပါလိမ့်မယ်။

ချွေးပေါက်ကျဉ်းလာဖို့

ချွေးပေါက်ကျယ်တာက ပျိုမေအများစုမှာ ဖြစ်တတ်တဲ့ ပြဿနာပါ။ ဒီပြဿနာအတွက် ဖြေရှင်းနိုင်မယ့် ပါဝင်ပစ္စည်းတွေကတော့-

ကြက်ဥအကာ တစ်လုံး
ပျားရည်တစ်ဇွန်း
သံပယိုရည် အနည်းငယ်

Photo Source: The Kitchen McCabe

ကြက်ဥအနှစ်နဲ့ သံပယိုရည်က အသားအရေကို တင်းရင်းစေတဲ့ ဂုဏ်သတ္တိရှိပြီး ချွေးပေါက်ပိုကျဉ်းစေပါတယ်။

အဆီပြန်တတ်တဲ့ အသားအရေအတွက်

Photo Source: Stylecraze

ထောပတ်သီး တစ်ဝက်နဲ့ ကျိတ်ထားတဲ့ သခွားသီးကို ရောမွှေပေးရပါမယ်။ သခွားသီးက အသားအရေကို ရေဓာတ်ဖြည့်ပေးပြီး ထောပတ်သီးက အဆီပြန်တာကို ထိန်းညှိပေးပါတယ်။ ဒီနှစ်ခု ပေါင်းတဲ့အခါ အဆီပြန်သူတွေအတွက် ကွက်တိဖြစ်သွားပါတယ်။

By MyStyle Myanmar