လူတိုင်း ပြုံးတတ်၊ ရယ်တတ်ကြတာမို့ အချိန်ကြာလာတဲ့အမျှ အရေးကြောင်းလေးတွေ ဖြစ်ပေါ်လာတတ်ပါတယ်။ မျက်နှာပေါ်က ကြွက်သားတွေရဲ့ ချုံ့ချည် ဆန့်ချည် လှုပ်ရှားမှုတွေကြောင့် အခုလို အရေးကြောင်းလေးတွေ ဖြစ်ပေါ်လာရတာဖြစ်ပြီး သဘာဝနည်းလမ်းလေးတွေနဲ့တော့ ကုသလို့ရပါတယ်နော်။
သင့်အသားအရေတွေကိုပုံမှန် ဂရုစိုက်တာမျိုးမလုပ်ဘူးဆိုရင်တော့ အချိန်မတန်ခင်မှာပဲ အိုမင်းရင့်ရော်သလို ထင်ရစေမှာပါ။ ဒါကြောင့် မိမိအိမ်မှာပဲ အလွယ်တကူပြုလုပ်ပေးလို့ရတဲ့ သဘာဝနည်းလမ်းတွေကို မျှဝေပေးချင်ပါတယ်။
၁။ ပါဝင်ပစ္စည်း
မုန်လာဥနီ
ဒိန်ချဉ်
သံပုယိုရည်
ပြုလုပ်နည်း
အရင်ဆုံး မုန်လာဥနီ အသေးတစ်လုံးကိုအခွံနွှာလိုက်ပြီး အတုံးလေးတွေလှီးလိုက်ပါ။ ပြီးရင် ကြိတ်စက်ထဲထည့်ပြီး ကြိတ်လိုက်ပါ။ အဲဒီနောက် ဒိန်ချဉ် စားပွဲတင်ဇွန်း ၅ ဇွန်း၊ သံပုယိုရည် စားပွဲတင်ဇွန်း ၁ ဇွန်းထည့်ပြီး ထပ်ကြိမ်လိုက်ပါ။ အဲဒီနောက် ပန်းကန်တစ်လုံးထဲထည့်ပြီး မျက်နှာပေါ်မှာလိမ်းပေးလို့ရပါပြီ။
ညအိပ်ယာမဝင်ခင် လုပ်ပေးတာပိုကောင်းပါတယ်။ မျက်နှာပေါ်မှာလိမ်းပေးပြီး မိနစ် ၃၀ လောက်ထားပါ။ ပြီးရင် ရေနွေးလေးနဲ့ဆေးချလိုက်ပါ။ အဲဒီနောက် တိုနာနဲ့ ညအိပ်ခရင်မ်လိမ်းပေးပြီး အိပ်ယာဝင်ပေးပါ။
ညတိုင်းလိုလိုလုပ်ပေးမယ်ဆိုရင် သင့်အသားအရေလေး ကြည်လင်စိုပြေလာစေမှာဖြစ်ပါတယ်။
၂။ ပါဝင်ပစ္စည်း
ရှားစောင်းလက်ပက်အနှစ် စားပွဲတင်ဇွန်း ၂ ဇွန်း
သံပုယိုရည် စားပွဲတင်ဇွန်း ၂ ဇွန်း
ပြုလုပ်နည်း
အရင်ဆုံးခွက်တစ်လုံးထဲမှာ ပါဝင်ပစ္စည်းနှစ်မျိုးလုံးကိုရောလိုက်ပါ။ ပြီးရင်သေချာမွှေပေးပြီး လေအလုံပိတ်အဖုံးပါတဲ့ ပုလင်းထဲထည်ပြီး သိမ်းထားနိုင်ပါတယ်။ ၄ ပတ်တိတိ ခံပါတယ်နော်။
ကိုယ်လိုအပ်သလောက် ပမာဏကိုပဲ မျက်နှာပေါ်မှာ လိမ်းပေးနိုင်ပါတယ်။ လိမ်းပေးပြီးရင် ၁၅ မိနစ်၊ မိနစ် ၂၀ လောက်ထားပြီး ရေဆေးချပေးလိုက်ပါ။ တစ်ပတ်ကို ၂ ကြိမ်လုပ်ပေးနိုင်ပါတယ်။
