အလှအပအတွက် နေ့စဉ်အသုံးပြုနေတဲ့ နုတ်ခမ်းနီကြောင့် နုတ်ခမ်းသားတွေ ခြောက်သွေ့ပျက်ဆီးပြီး ညိုမဲနေပြီ။ ဆေးလိပ်သောက်လွန်းလို့ နှုတ်ခမ်းတွေ ညိုနေတာပဲ။
ဒါတွေကို ဘယ်လိုဖြေရှင်းကြမလဲ။ နှုတ်ခမ်းသားနူးညံံ့စိုပြေနေစေပြီး တစ်ပတ်အတွင်း ပန်းသွေးရောင်သန်းစေမဲ့ နည်းလမ်းလေးတစ်ခုကို စာဖတ်သူတို့ကို ပြောပြချင်ပါတယ်။
ပါဝင်ပစ္စည်း
နိုကိုဥအသေး ၁ လုံး
မုန်လာဥနီအသေး ၁ လုံး
ပျားရည် စားပွဲတင်ဇွန်း ၂ ဇွန်း
သံလွင်ဆီ စားပွဲတင်ဇွန်း ၁ ဇွန်း
ဘယ်လိုလုပ်မလဲ
နိုကိုဥနဲ့ မုန်လာဥနီကို ဖျော်စက်ထဲထည့်ပြီး ကြိတ်လိုက်ပါ။
ပြီးရင် ပျားရည်နဲ့ သံလွင်ဆီထည့်ပြီး ထပ်မွှေပါ။
ပြီးရင် ဝါဂွမ်းလေးနဲ့ယူပြီး နှုတ်ခမ်းသားပေါ်မှာ လိမ်းပေးပါ။
တစ်ရက်ကို ၂ ကြိမ် (မနက်တစ်ကြိမ် ညအိပ်ယာမဝင်ခင်တစ်ကြိမ်) လုပ်ပေးရမှာပါ။ တစ်ညလုံးထားပြီဒ မနက်ခင်မှာ ရေနဲ့ဆေးချပါ။ ပြီးရင် နုတ်ခမ်းမှာလိမ်းလို့ရတဲ့ Vaseline အဆီကို လိမ်းပေးထားပါ။ တစ်ပတ်လောက်လုပ်ရင် နုတ်ခမ်းသားသိသိသာသာ ကောင်းမွန်လာပါလိမ့်မယ်။
နောက်တစ်နည်း
နှုတ်ခမ်းသားအရမ်းညိုနေရင်တော့ သံပုရာသီး (သို့) သံပုယိုသီး အနည်းငယ်ထည့်ပြီးလုပ်ပေးရမှာပါ။
