အခုဆိုရင် ရာသီတိုင်းလိုလို ပူအိုက်နေပေမယ့် နွေရာသီဆိုရင် ဘယ်လိုနေရထိုင်ရမှန်းမသိအောင် ပိုပြီးအိုက်စပ်စပ်နဲ့ ချွေးတွေလည်း ပိုပြီးထွက်ပါတယ်နော်။ အဲ့ဒီထဲကမှ ချိုင်းချွေးထွက်တဲ့သူတွေဆိုရင်တော့ ချွေးနံပိုပြင်းလာတာကို ကြုံတွေ့ရတော့ ပိုဆိုးတာပေါ့။ ဒါကြောင့် ဒီလိုပူအိုက်စပ်နေတဲ့နွေရာသီမှာ ချိုင်းချွေးနံ့နံတာကို သိသိသာသာသက်သာစေမယ့်နည်းလမ်းလေးတွေကိုတော့ မဖြစ်မနေသိထားဖို့ လိုမယ်နော်။
သံပယိုရည်နဲ့ Baking Soda
သံပယိုရည်နဲ့ Baking Soda ကို နည်းနည်းစီရောပြီး ချိုင်းမှာလိမ်းပေးပါ။ ၁၅ မိနစ်လောက်ထားပြီး ရေဆေးချလိုက်ပါ။ ဒီနည်းလမ်းကတော့ ချိုင်းချွေးနံ့နံတာကို သက်သာစေပါတယ်။ တစ်ပတ် တစ်ခါလောက်ပဲ လုပ်ပေးပါ။
ရှားစောင်းလက်ပတ်
ရှားစောင်းလက်ပတ်ဂျယ်လ်ကိုလည်း ဂျိုင်းမှာသုတ်လိမ်းထားလို့ရပါတယ်။ ရှားစောင်းလက်ပတ်ကလည်း ဂျိုင်းချွေးနံ့နံတာကို သက်သာစေပါတယ်။
ရေပုံမှန်ချိုးပေးပါ
နောက်ထပ်လုပ်ရမှာတွေကတော့ အင်္ကျီကို တစ်ရက်ထက်ပိုမဝတ်ပါနဲ့။ ရေကို တစ်နေ့ ၂ ခါလောက်ချိုးပါ။ တစ်ကိုယ်ရည်သန့်ရှင်းမှုကို ဂရုစိုက်ပါ။ ဒါမှ ချိုင်းချွေးနံ့နံတာက ပိုဆိုးမလာမှာပါ။
