မျက်နှာအသားအရေပေါ်မှာ ချွေးပေါက်တွေကျယ်နေတယ်ဆိုတာ တော်တော်လေးကိုကြည့်ရဆိုးတဲ့ အရာတစ်ခုပါပဲ။ ချွေးပေါက်တွေဘာကြောင့် ဖြစ်လာတာလဲဆိုတဲ့ မေးခွန်းကိုဖြေရမယ်ဆိုရင်တော့ အသားအရေအမျိုးအစားပေါ်မူတည်နေတာပါ။ အသက်အရွယ်နဲ့လည်းဆိုင်သလို နေပူထဲကိုသွားလာနေတဲ့သူတွေမှာ အတွေ့များပါတယ်။
မျက်နှာမှာချွေးပေါက်တွေ ကျယ်နေမယ်ဆိုရင် အဆီပြန်တာတွေဖြစ်ပြီး၊ မိတ်ကပ်သားကိုလည်း ကြာရှည်မခံတာမျိုးတွေ ဖြစ်တတ်ပါတယ်။ ချွေးပေါက်ကျယ်နေတာတွေကိုဘယ်လိုပြန်ကုသကြမလဲ။ နည်းလမ်းကောင်းလေးတွေရှိပြီးသားပါနော်။
ရှားစောင်းလက်ပတ်ဂျယ်
Photo Source: Audrey Yap
ရှားစောင်းလက်ပတ်ဂျယ်က သင့်အသားအရေအတွက် ကောင်းမွန်တဲ့အထောက်အပံ့တွေ အများကြီးပေးနိုင်ပါတယ်။ ရှားစောင်းလက်ပတ်ဂျယ်ကိုညဘက်အိပ်ခါနီးမှာလိမ်းတာအကောင်းဆုံးပါ။ မလိမ်းခင်မှာ မျက်နှာကိုသေချာသန့်စင်ပေးဖို့တော့ လိုမယ်နော်။ ဒါမှလည်း ရှားစောင်းလက်ပတ်ရဲ့ အားသာချက်တွေကို အသားအရေက သေချာစုပ်ယူသွားနိုင်မှာပေါ့။
လိမ်းထားပေးပြီး ညဘက်မှာအိပ်စက်အနားယူလိုက်ပါ။ မနက်ဖက်မှာတော့ ရေအေးလေးနဲ့ သေချာဆေးကြောပေးမယ်ဆိုရင်တော့ ချွေးပေါက်တွေကို တဖြည်းဖြည်းကျဉ်းလာစေမှာပဲဖြစ်ပါတယ်။
တိုနာ
Photo Source: Wiki Ayurveda
တစ်ချို့ တိုနာကိုသုံးဖို့ သိပ်မလိုဘူးလို့ထင်နေကြပါတယ်။ အမှန်ကတော့ မျက်နှာအသားအရေပေါ်မှာရှိနေတဲ့ ချွေးပေါက်တွေကိုကျဉ်းစေဖို့အတွက် အကူအညီပေးနိုင်ပါတယ်။ သင့်အသားအရေနဲ့ အဆင်ပြေမယ့် တိုနာအမျိုးအစားကို ရွေးချယ်ဝယ်ယူပြီး နေ့ရောညပါ အသုံးပြုပေးဖို့ လိုအပ်ပါတယ်။
နေလောင်ခံခရင်မ်
Photo Source: stylecaster.com
နေလောင်ခံခရင်မ်ကို လိမ်းနေကျမဟုတ်ဘူးဆိုရင် ဒီအကျင့်ကိုအခုကစပြီး ပြင်လိုက်တော့နော်။ နေပူထဲကိုသွားတဲ့အခါမှာ မျက်နှာအသားအရေမှာလည်း နေလောင်ခံကာကွယ်ဆေးကို မလိမ်းဘူးဆိုရင် သင့်အသားအရေပျက်စီးစေတဲ့အပြင် ချွေးပေါက်တွေကိုကျယ်လာစေပြီး ဝက်ခြံတွေကိုပါဖြစ်လာစေနိုင်ပါတယ်။
ဒီအချက်တွေကတော့ ချွေးပေါက်ကျယ်တာတွေကို လျော့နည်းစေဖို့အတွက် လိုက်နာသင့်တဲ့အချက်တွေဖြစ်ပြီး ကောင်းမွန်တဲ့အသားအရေမျိုးကို ရရှိပိုင်ဆိုင်ဖို့အတွက်ဆိုရင် တကယ်ကိုလိုအပ်ပါတယ်။
Featured Image Source: Labelle
