အုတ်ဂျုံဆိုတာကတော့ ကွေကာအုတ်လုပ်တဲ့အမှုန့်ပါနော်။ အုတ်ဂျုံတွေကို စူပါမားကတ်တွေမှာ အလွယ်တကူ ဝယ်ယူလို့ရပါတယ်။ အုတ်ဂျုံနဲ့ပေါင်းတင်ဖူးသူတိုင်း အုတ်ဂျုံနဲ့ပေါင်းတင်တာ ဘယ်လိုအကျိုးရှိတယ်ဆိုတာကိုသိကြမှာပါနော်။ အုတ်ဂျုံဟာ မျက်နှာပေါ်ကဆဲလ်သေတွေ၊ အညစ်အကြေးတွေကို သန့်စင်ပေးပြီး အသားအရေကို ကြည်လင်ဝင်းစေပါတယ်။
ဆဲလ်သေတွေကို ဖယ်ရှားပေးရုံသာမက အဆီပိုတွေကိုလည်း ဖယ်ရှားပေးပြီး သင့်အသားအရေကို သဘာဝအတိုင်း နုပျိုစေမှာဖြစ်ပါတယ်။
အုတ်ဂျုံ−နနွင်း Mask
ပါဝင်ပစ္စည်းများ
ထောင်းထားတဲ့ အုတ်ဂျုံမှုန့် − စားပွဲတင်ဇွန်း ၂ ဇွန်း
နနွင်းမှုန့် − လက်ဖက်ရည်ဇွန်း ၁ ဇွန်း
Jojoba အဆီ − လိုအပ်သလို
ပြင်ဆင်ပြုလုပ်နည်း
၁။ ပါဝင်ပစ္စည်းသုံးမျိုးလုံးကို ပန်းကန်လုံးတစ်ခုထဲ ပေါင်းထည့်လိုက်ပြီး အနှစ်ဖြစ်လာအောင် မွှေပေးပါ။
၂။ ရလာတဲ့အနှစ်ကို မျက်နှာအနှံ့လိမ်းပေးပြီး မိနစ် ၂၀−၃၀ အတွင်း အဆင်ပြေသလို ထားပေးပါ။
၃။ အချိန်ပြည့်ပြီဆိုရင် ရေနွေးနွေးလေးနဲ့ မျက်နှာသစ်ပြီး တဘက်နဲ့အသာလေး ပုတ်ပြီးသုတ်ပေးပါ။
၄။ Noncomedogenic Moisturizer ကို လိမ်းပေးပါ။ ဒီနည်းလမ်းကိုတော့ တစ်ပတ်လျှင် ၃ ကြိမ်ပြုလုပ်ပေးနိုင်ပါတယ်။
အုတ်ဂျုံမှုန့်-ဒိန်ချဥ်
ပါဝင်ပစ္စည်းများ
အုတ်ဂျုံ − စားပွဲတင်ဇွန်း ၂ ဇွန်း
Plain ဒိန်ချဥ် − ပျစ်နှစ်တဲ့အနေလောက်ရစေမယ့် ပမာဏ
ပြင်ဆင်ပြုလုပ်နည်း
၁။ အုတ်ဂျုံစားပွဲတင်ဇွန်း ၂ ဇွန်းနဲ့အတူ ဒိန်ချဥ်ကို ရောလိုက်ပါ။ Mask မသုံးခင် မျက်နှာကို သေချာပြောင်စင်အောင်သုတ်ပါ။
၂။ အုတ်ဂျုံနဲ့ဒိန်ချဥ်ရောထားတဲ့အနှစ်ကို မျက်နှာမှာလိမ်းပြီး ၁၅ မိနစ်ထားပါ။
၃။ အချိန်ပြည့်ပါက ရေနွေးနွေးလေးနဲ့ မျက်နှာပေါ်က Mask ကို ရေသန့်စင်ပြီး Noncomedogenic Moisturizer ကို လိမ်းပေးပါ။
အုတ်ဂျုံ-နို့
ပါဝင်ပစ္စည်းများ
ထောင်းထားသော အုတ်ဂျုံမှုန့် − စားပွဲတင်ဇွန်း ၂ ဇွန်း
နို့ − စားပွဲတင်ဇွန်း ၂ ဇွန်း
သစ်ကြံပိုးခေါက် − လက်ဖက်ရည်ဇွန်း 1/4
ပြင်ဆင်ပြုလုပ်နည်း
၁။ ပါဝင်ပစ္စည်းသုံးမျိုးလုံးကို ပန်းကန်လုံးတစ်ခုထဲ ပေါင်းထည့်လိုက်ပြီး အနှစ်ဖြစ်လာအောင် မွှေပေးပါ။
၂။ မျက်နှာနဲ့လည်ပင်းကို မိတ်ကပ်၊ အညစ်အကြေး၊ ဖုန်မှုန့်၊ အဆီ စတာတွေမကျန်စေအောင် အရင်ပြောင်စင်အောင်သစ်ပေးပါ။
၃။ ပြီးရင်တော့ အုတ်ဂျုံနဲ့နို့အနှစ် Mask ကို မျက်နှာနဲ့လည်ပင်းတစ်ဝိုက် လိုက်လိမ်းပေးပြီး မိနစ် ၂၀ ထားပါ။
၄။ မိနစ် ၂၀ ကြာပြီးရင်တော့ ရေနွေးနွေးလေးနဲ့ နူးညံ့တဲ့တဘက်လေးနဲ့ အသာလေးပုတ်ပြီး ခြောက်အောင်သုတ်ပါ။
၅။ Noncomedogenic Moisturizer ကို လိမ်းပေးပါ။
Source: FabHow
By MyStyle Myanmar