ပျိုမေတို့အားလုံးမင်္ဂလာပါ။ ဆားဝက်ခြံက သင့်ရဲ့ အလှအပအတွက် အနှောင့်အယှက်ဖြစ်စေတဲ့အရာတစ်ခုပါပဲ။ မိတ်ကပ်လိမ်းတဲ့အချိန် ဆားဝက်ခြံဖုတွေနဲ့ အနှောင့်အယှက်ဖြစ်စရာပါပဲ။ သင်က စိတ်ရှုပ်ဖို့ကောင်းတဲ့ ဆားဝက်ခြံတွေကို အိမ်မှာနေရင်း ဖယ်ရှားချင်ရင်တော့ ဒီနည်းလမ်းတွေကို အသုံးပြုနိုင်ပါတယ်။
နည်းလမ်း ၁- သံပယိုသီးနဲ့ Sea Salt
Photo Source: Zee News
ပြုလုပ်ပုံ
- Sea Salt တစ်ဇွန်းနဲ့ သံပယိုရည် ဇွန်းဝက်ကို ရောပေးရပါမယ်။ ပြီးနောက် ဒီထဲကို ရေတစ်ဇွန်းရောပေးရပါမယ်။
- ပါဝင်ပစ္စည်းတွေကို ရောပြီး ဆားဝက်ခြံပေါ် ၂ မိနစ် ကနေ ၃ မိနစ် စက်ဝိုင်းပုံစံ ပွတ်ပေးရပါမယ်။
- ၁၀ မိနစ်ကနေ ၁၅ မိနစ် အခြောက်ခံပြီး ရေနွေးနွေးနဲ့ မျက်နှာသစ်ချရပါမယ်။
- ပြီးနောက်မှာတော့ ချွေးပေါက်ကျယ်တာတွေ ကျဉ်းသွားဖို့ ရေအေးနဲ့ ထပ်ဆေးပေးရပါမယ်။
- အစိုဓာတ်ထိန်းခရင် လိမ်းပေးဖို့လည်း မမေ့ပါနဲ့နော်။
- ဒီ Mask ကို တစ်ပတ်တစ်ကြိမ်ပြုလုပ်နိုင်ပါတယ်။ သံပယိုသီးက အသားအရေကို ထိခိုက်နိုင်ချေရှိတာမို့ Sensitive နဲ့ Dry Skin သမားတွေ သတိထားသင့်ပါတယ်။
နည်းလမ်း ၂- အုတ်ဂျုံ၊ သံပယိုရည်၊ ဒိန်ချဉ်
Photo Source: BeBeautiful
ဒါကတော့ Sensitive Skin သမားတွေအတွက် သင့်တော်ပါတယ်။
ပြုလုပ်ပုံ
- အုတ်ဂျုံနှစ်ဇွန်းနဲ့ ဒိန်ချဉ်သုံးဇွန်း၊ သံပယိုသီး တစ်ခြမ်းအရည်ကို ရောပေးပါ။
- ဆားဝက်ခြံပေါ်တင်ပြီး ၁၀ မိနစ်ထားပေးပါ။
- ရေဆေးချပြီးနောက် အစိုဓာတ်ထိန်းခရင် လိမ်းပေးရပါမယ်။
နည်းလမ်း ၃- ပျားရည်၊ နွားနို့
Photo Source: The Healthy
ပြုလုပ်ပုံ
- Raw Honey တစ်ဇွန်းနဲ့ နွားနို့တစ်ဇွန်းကိုရောပေးရပါမယ်။ ဒီအရောကို ၅ စက္ကန့် ကနေ ၁၀ စက္ကန့်လောက် အပူပေးရပါမယ်။
- ပူလွန်းတဲ့အထိ အပူမပေးသင့်ပါဘူး။ သေချာရောမွှေပြီးနောက် ဆားဝက်ခြံပေါ်တင်ပေးပါ။ ပြီးနောက် တစ်ရှူး ဒါမှမဟုတ် ဝါဂွမ်းလုံးနဲ့ အပေါ်က အုပ်ပေးပါ။
- ၁၅ မိနစ်ကနေ မိနစ် ၂၀ ထားပြီး သေချာဂရုတစိုက် ခွာပေးသင့်ပါတယ်။
- ရေဆေးချပြီး အသားအရေထိန်းသိမ်းပေးပါနော်။ ဒါကို တစ်ပတ်တစ်ကြိမ်ပြုလုပ်နိုင်ပါတယ်။
နည်းလမ်း ၄- သစ်ကြမ်းပိုးခေါက်မှုန့်၊ ပျားရည်
Photo Source: Crystal Secret
ပြုလုပ်ပုံ
- ပျားရည်တစ်ဇွန်းနဲ့ သစ်ကြမ်းပိုးမှုန့် တစ်ဇွန်းကို ရောပေးရပါမယ်။
- နှစ်မျိုးကိုရောပြီး ဆားဝက်ခြံပေါ် လိမ်းပေးပါ။ ပြီးနောက် တစ်ရှူး ဒါမှမဟုတ် ဝါဂွမ်းလုံးနဲ့ အပေါ်ကနေ အုပ်ပေးပါ။ ၅ မိနစ်ကနေ ၁၀ မိနစ်ထားပြီး ခွာပေးပါ။ တစ်ပတ်တစ်ကြိမ်ပြုလုပ်နိုင်ပါတယ်။
နည်းလမ်း ၅- Green Tea
Photo Source: Lifeberrys.com
ပြုလုပ်ပုံ
- Green Tea လဘက်ခြောက်ထုပ်တစ်ထုပ်၊ ရေသုံးပုံ တစ်ပုံနဲ့ သကြားသုံးဇွန်းလိုအပ်ပါတယ်။
- လဘခြောက်ထုပ်ကို ရေနွေး သုံးပုံတစ်ပုံထဲထည့်ပြီး နှပ်ထားရပါမယ်။ သကြား နှစ်ဇွန်းကို ခွက်တစ်ခွက်ထဲထည့်ပြီး လဘခြောက်ရေတစ်ဇွန်းကိုပါ ဒီထဲထည့်ရပါမယ်။ သကြားတစ်ဇွန်းထပ်ထည့်ပြီး ထပ်မွှေရပါမယ်။
- အရောကို ဆားဝက်ခြံပေါ် စက်ဝိုင်းပုံစံ မွှေပေးရပါမယ်။ ၁၀ မိနစ် ကနေ ၁၅ မိနစ်ထိထားပေးရပါမယ်။
- ရေအေးနဲ့ဆေးချပြီး အစိုဓာတ်ထိန်းခရင် လိမ်းပေးရပါမယ်။
By MyStyle Myanmar
