မင်္ဂလာပါနော်။ အဆီပြန်တတ်ပြီး ချွေးပေါက်ကျယ်တဲ့သူတွေ၊ ဆားဝက်ခြံရှိနေတဲ့သူတွေအတွက် နည်းလမ်းကောင်းတစ်ခုကို မျှဝေပေးချင်ပါတယ်။
ဆားဝက်ခြံဟာ နှာခေါင်း၊ ပါး၊ မေးရိုးစတာတွေမှာ အဓိကအားဖြင့် ရှိတတ်ပါတယ်။ အထူးသဖြင့် ချွေးပေါက်ပိတ်ဆို့ပြီးဖြစ်လာတာပါ။
ယျေဘုယျအားဖြင့် ကြည့်ရင်တော့ လူကို အန္တရာယ်မရှိသလို မနာကျင်စေပေမယ့် အလှအပကြိုက်တဲ့သူတွေအတွက်တော့ တကယ့်ကို စိတ်အနှောင့်အယှက်ဖြစ်စရာပါပဲ။
မျက်နှာပေါင်းတင်တဲ့ ခရင်မ်ကို ဝယ်စရာမလိုဘဲ ချွေးပေါက်ကျယ်တာ သက်သာပြီး ဆားဝက်ခြံတွေကို ဖယ်ရှားပေးမယ့် သဘာဝနည်းလမ်းကိုမျှဝေပေးချင်ပါတယ်။
ပါဝင်ပစ္စည်း
ဂျယ်လီမှုန့် စားပွဲတင်ဇွန်း တစ်ဝက်
ရေနွေး စားပွဲတင်ဇွန်းတစ်ဇွန်း
ကျောက်မီးသွေးမှုန့် စားပွဲတင်ဇွန်းတစ်ဝက်
ပြုလုပ်နည်း
ပါဝင်ပစ္စည်းတွေကို ရောလိုက်ပါ။ ပြီးရင် သေချာလေးမွှေပေးပါ။
မလိမ်းခင်မှာ မျက်နှာကို ရေနွေးလေးနဲ့ သေချာလေးသစ်လိုက်ပါ။
ပြီးသွားရင်တော့ စောစောကရောထားတာကို ဆားဝက်ခြံရှိတဲ့နေရာမှာလိမ်းပေးလိုက်ပြီး ခြောက်အောင်ထားပါ။
ခြောက်သွားရင် ခွာချလိုက်ပါ။ ပြီးရင်တော့ ရေနွေးနွေးလေးနဲ့ ဆေးချလိုက်ပြီး ရေအေးအေးနဲ့ တစ်ခါ ထပ်ဆေးပါ။
ပြီးရင် အုန်းဆီ (သို့) ခရင်မ်တစ်ခုခု လိမ်းပေးထားပါ။
တစ်လကို ၃ ကြိမ် ကနေ ၄ ကြိမ်အထိ လုပ်ပေးနိုင်ပါတယ်။
