အားလုံးပဲမင်္ဂလာပါနော်။ မတ်တပ်ရပ်ရင်ဖြစ်ဖြစ်၊ ထိုင်ရင်ဖြစ်ဖြစ်၊ လမ်းလျှောက်ရင်ဖြစ်ဖြစ် လက်ပြင်ကုန်းပြီး ကိုယ်ဟန်အနေအထားမမှန်နေရင် ကိုယ့်ကိုယ်ကိုယုံကြည်မှုမရှိသလိုဖြစ်ပြီး တစ်မျိုးကြည့်ရဆိုးစေပါတယ်။ တခါတလေကျရင် သတိမထားမိပဲ့နဲ့ လက်ပြင်ကုန်းကုန်းကြီးနဲ့ နေမိတတ်ကြတာကို ကြုံဖူးကြမှာပါ။
ကိုယ်ဟန်အနေအထားလည်းလှချင်တယ်၊ လက်ပြင်ကုန်းတာကိုလည်း သက်သာချင်တယ်ဆိုရင်တော့ လွယ်ကူတဲ့ဒီလေ့ကျင့်ခန်းလေးကိုသာ Tryကြည့်လိုက်ပါ။
၁။ Upper Trapezius Stretch
သင့်ရဲ့ ပုခုံးလေးတွေကို လျှော့ထားပါ။ အရင်ဆုံး ဖျာတစ်ခုအပေါ်မှာထိုင်တာ (သို့) မတ်တပ်ရပ်နေပါ။
ခေါင်းကို မတ်မတ်ထားပါ။ အခုပုံမှာပြထားသလို ညာဖက်လက်ကို ဘယ်ဘက်နားနားထားပေးပြီး ဘယ်ဖက်လက်ကို ပုခုံးပေါ်တင်ပေးထားပါ။
ညာဖက်နားကို ညာဖက်ပုခုံးဆီ ဖြည်းဖြည်းချင်းရွှေ့လိုက်ပြီး ဘယ်ဖက် ပုခုံးကို ကိုယ်မနိုင်သလောက် မြင့်ပေးလိုက်ပါ။ ပြီးရင် စက္ကန့် ၃၀ လောက်နေပြီး နဂိုပုံစံအတိုင်းပြန်နေပါ။ အဲဒီနောက် ပုခုံးကျောကိုလျှော့ပေးပါ။ နောက်တစ်ဖက်ကို ပြောင်းလုပ်ပါ။
၂။ Superman
အခုပုံမှာပြထားသလို Superman လိုနေပေးရမှာပါနော်။ အဲဒီအတိုင်း ၅ စက္ကန့်ကနေ ၁၀ စက္ကန့်အထိနေပေးပါ။ ၁၀ ကြိမ်လုပ်ပါ။
၃။ Bridge
အခုပုံမှာပြထားသလိုပဲ လက်ကိုကြမ်းပြင်ပေါ်ချပြီး ဒူးထောင်ကာခြေထောက်ချထားပါ။ အဲဒီနောက် ခန္ဓာကိုယ်အလယ်ပိုင်းကို ကြွပေးလိုက်ပါ။ ပြီးရင် ပြန်ချပြီး ၁၅ ကြိမ်လုပ်ပါ။
၄။ Reverse Shoulder Stretch
အကြောလျှော့ပေးသလို လုပ်ပေးရမှာဖြစ်ပါတယ်။ အခုပုံမှာပြထားသလိုပါပဲ။ အဲဒီအတိုင်း ၁၀ စက္ကန့်ကနေ ၁၅ စက္ကန့်အထိနေပေးပါ။ ပြီးရင် မတ်တပ်ပြန်ရပ်ပြီး ထပ်လုပ်ပါ။ အကြိမ်၂၀ လုပ်ပါ။
၅။ Foam Roller Exercise For Upper Back
အောက်မှာဒလိတ်တုံးလေးထားထားလိုက်ပြီး သင့်ရဲ့ကျောပြင်နားမှာ ထားထားပါ။ ပြီးရင်လက်နှစ်ဖက်ကို နောက်ပစ်ထားပြီး ခန္ဓာကိုယ်ကို ကြွလိုက်ပါ။ စက္ကန့် ၃၀ ကနေ ၄၅ စက္ကန့်အထိ နေပေးပါ။
၆။ Cat-Cow
အခုပုံမှာပြထားသလိုပါပဲ။ အရင်ဆုံး လေးဖက်ထောက်နေပါ။ ကြောင်လိုမျိုး ကြောပြင်းကို ကုန်းလိုက်ပြီး ဗိုက်ချပ်ထားပါ။ ၁၀ စက္ကန့်လောက် ခဏအဲဒီအတိုင်းနေပြီး ဒုတိယပုံမှာပြထားသလိုပြန်နေပါ။ ၁၅ ကြိမ်လုပ်ရမှာပဲ့ ဖြစ်ပါတယ်နော်။
Source: Brightside.me
