Hip Dips ဆိုတာက တင်ဘေးမှာ ချိုင့်နေတဲ့ နေရာကို ခေါ်ပါတယ်။ Hip Dips ရှိတာက ရှက်စရာ မဟုတ်တဲ့အပြင် ပျိုမေအများစုမှာ ရှိတတ်ပါတယ်။ သင်က သင့်ခန္ဓာကိုယ်ပုံစံကို လက်ခံကာ ဒါကို ပိုကျန်းမာအောင် လုပ်ခြင်းက ပျော်ရွှင်ကျေနပ်မှု ရှိဖို့ နည်းလမ်းပါပဲ။
ဒီတစ်ခေါက်မှာတော့ Hip Dips ဖြစ်တာကို ထိထိရောက်ရောက် လျော့ပါးစေကာ ခန္ဓာကိုယ် ပိုလှလာစေမယ့် လေ့ကျင့်ခန်းတွေကို ဖော်ပြလိုက်ပါတယ်။
Hip Thrust Pulses
Source: TikTok
ခြေထောက်နှစ်ဘက်ကို စုထားကာ ဒူးထောင်ပြီး အိပ်နေပေးရပါမယ်။ ပြီးနောက် တင်ပါးကို မကာ အပေါ်ကို ပင့်တင်ပေးရပါမယ်။ ပြီးရင်တော့ ကပ်နေတဲ့ ဒူးကို ခွာပေးရပါမယ်။ ပြီးနောက် ပြန်ကပ်ကာ နဂို ဒူးစုပြီး ကြမ်းပြင်နဲ့ ကပ်တဲ့ အနေအထားဆီ ပြန်သွားရပါမယ်။ ဒီဟာကို တစ်ကျော့ပြန် ပြန်လုပ်ရပါမယ်။ ဒီလေ့ကျင့်ခန်းကို ၁၅ ခါ နှစ်ကြိမ် လုပ်ရပါမယ်။
Laying Fire Hydrant
Photo Source: Centrolens
ဘေးစောင်းအနေအထားနဲ့ လှဲကာ တံတောင်နဲ့ ထောက်ပေးရပါမယ်။ ပြီးနောက် အပေါ် ရောက်နေတဲ့ ခြေထောက်ကို ဒူးကွေးကာ အပေါ် ပင့်တင်ပေးရပါမယ်။ ပြီးနောက် တခြား ဆန့်ကျင်ဘက်ဆီ လှဲပြီး ဒီပုံစံအတိုင်းပဲ လုပ်ပေးရပါမယ်။ တစ်ဘက်စီကို ၂၅ ခါနဲ့ ၂ ကြိမ်စီ လုပ်ပေးရပါမယ်။
Fire Hydrants
Photo Source: GifImage.Net
ဒူးထောက်ကာ ခန္ဓာကိုယ်ကို ကုန်းထားပေးရပါမယ်။ ပြီးနောက် ညာခြေထောက်ကို ဒီအနေအထားနဲ့ပဲ ဘေးဘက် ကားပေးရပါမယ်။ ဘယ်ဘက်ကိုလည်း ဒီကုန်းလျက် အနေအထားနဲ့ ဘေးဘက် ကားရပါမယ်။ ဘယ်ညာ တစ်လှည့်စီကို ၁၅ ခါ ၂ ကြိမ် လုပ်ပေးရပါမယ်။
Side Leg Raises
Photo Source: Diet
ဘေးစောင်း အနေအထားနဲ့ အိပ်ကာ ခြေထောက်ကို ဆန့်ထားပေးရပါမယ်။ ပြီးနောက် အပေါ်မှာ ရှိတဲ့ ခြေထောက်ကို ပင့်တင်ပေးရပါမယ်။ ခြေထောက်ကို ပင့်တင်တဲ့အခါ တစ်ဖြောင့်တည်းပဲ ထားပေးရပါမယ်။ ဘယ်ဘက်နဲ့ ညာဘက်ကို တစ်လှည့်စီ လုပ်ပေးရမှာ ဖြစ်ပြီး ၂၅ ခါ ၂ ကြိမ် လုပ်ရပါမယ်။
By MyStyle Myanmar
