နတ်ဆိုးလို့ပြောပေမယ့် နာမည်နဲ့မလိုက်အောင် ချောပြီး ချစ်ဖို့ကောင်းတဲ့အပြုံးလေးတွေ ပိုင်ဆိုင်ထားတဲ့ My Demon ကားထဲက မင်းသားချော Song Kang က လတ်တလောမှာတော့ K Drama ချစ်သူတွေကြား ရေပန်းစားနေတဲ့သူပါ။
Song Kang က ဒီဇာတ်လမ်းတွဲမှာတင်မကဘဲ အရင်က ရိုက်ကူးခဲ့တဲ့ Love Alarm (2019–2021), Sweet Home (2020-2024), Navillera (2021), Nevertheless (2021) စတဲ့ ဇာတ်လမ်းတွဲတွေမှာကတည်းက ချစ်ဖို့ကောင်းတဲ့အပြုံးလေးတွေနဲ့ ပရိတ်သတ်ကို ဖမ်းစားနိုင်ခဲ့သူပါ။
April 23, 1994 မှာ မွေးခဲ့တဲ့သူက အခုဆို ၂၉ နှစ်ရှိနေပြီမလို့ လူပျိုကြီးပေါက်စလို့တောင် ဆိုရတော့မလားပါပဲ။
2017 ခုနှစ် Romantic Comedy ရုပ်မြင်သံကြားစီးရီး The Liar and His Lover မှာ ဇာတ်ပို့သရုပ်ဆောင်အနေနဲ့ ပွဲဦးထွက်သရုပ်ဆောင်ခဲ့ပြီး အဲ့နှစ်ထဲမှာဘဲ မိသားစုဒရာမာ Man in the Kitchen မှာ ပါဝင်သရုပ်ဆောင်ခဲ့ပါတယ်။
2018 ခုနှစ် ဇူလိုင်လမှာတော့ Song က စိတ်ကူးယဉ်ရုပ်ရှင် Beautiful Vampire ဇာတ်လမ်းတွဲနဲ့လည်း ပရိတ်သတ်အသိမှတ်မှုကို ရခဲ့ရပါတယ်။
အနုပညာလှုပ်ရှားမှုတွေ ဆက်တိုက်လုပ်လာတဲ့ Song က အခုနောက်ဆုံးပြသနေဆဲဖြစ်တဲ့ Netflix ဇာတ်လမ်းတွဲ My Demon မှာ မင်းသမီးချော Kim Yoo-jung နဲ့အတူ ပရိတ်သတ်တွေရဲ့ ချစ်ခြင်းကို သိမ်းပိုက်နေပြန်ပါပြီ။
