ဝိတ်လည်းကျစေပြီး ကျန်းမာရေးနဲ့လည်းညီညွတ်တဲ့ ဆေးဖက်ဝင်အစားအစာများ

သင့်ရဲ့ထမင်းပန်းကန်ထဲသို့ ထည့်သွင်းတဲ့ အစားအစာတွေပေါ်မူတည်ပြီး သင့်ရဲ့ကိုယ်အလေးချိန် အတက်အကျ ရှိနိုင်ပါတယ်။ ဝိတ်ကျချင်တဲ့သူများအတွက်တော့ အစားအစာရွေးချယ်မှုဟာ အင်မတန်အရေးကြီးတဲ့ အခန်းကဏ္ဍတစ်ခုဖြစ်ပါတယ်။ ဝိတ်ချဖို့အတွက် အသည်းအသန်ကြိုးစားနေရတယ်ဆိုရင်တော့ အခုဖော်ပြပေးမယ့် ဆေးဖက်ဝင်အစားအစာများကို သင့်ရဲ့ထမင်းပန်းကန်ထဲ များများထည့်စားပေးဖို့ လိုပါလိမ့်မယ်။

ဂျင်း

လေ့လာတွေ့ရှိချက်များအရ ဂျင်းဟာ ခန္ဓာကိုယ်အလေးချိန်ကို လျော့ချပေးနိုင်တယ်လို့ သိရှိရပါတယ်။ အထူးသဖြင့် ဝမ်းဗိုက်ရှိ အဆီပိုများကို ဖယ်ရှားပေးပါတယ်။ ဂျင်းဟာ ခန္ဓာကိုယ်ရဲ့ဇီဝကမ္မဖြစ်စဉ်ကို တိုးမြှင့်ပေးပြီး အဆီစုပ်ယူမှုနှင့် အစားအလွန်အကျွံ စာချင်စိတ်ကို လျော့ချပေးပါတယ်။

ဂျင်ဆင်း

လေ့လာတွေ့ရှိချက်တစ်ခုအရ ကိုရီးယားဂျင်ဆင်းကို တစ်ရက်လျှင် နှစ်ကြိမ်ခန့် သောက်သုံးပေးခြင်းက ကိုယ်အလေးချိန်ကို လျော့ချပေးတယ်လို့ လေ့လာတွေ့ရှိရပါတယ်။ ကိုရီးယားဂျင်ဆင်းဟာ ဝိတ်ကျဖို့တင်မကဘဲ ကျန်းမာရေးအတွက်လည်း အထူးကောင်းမွန်တဲ့ ဆေးဖက်ဝင်သစ်သီးသစ်မြစ်တစ်ခုပါ။

နနွင်းမှုန့်

ဟင်းခပ်အမွှေးအကြိုင်တစ်ခုဖြစ်တဲ့ နနွင်းမှုန့်ထဲမှာပါဝင်တဲ့ Curcumin ဓာတ်ဟာ ဝိတ်ကျဖို့အတွက် ကူညီပေးပြီး ခန္ဓာကိုယ်ရှိ အဆီပိုများကို ဖယ်ရှားပေးနိုင်ပါတယ်။

ငရုတ်ကောင်းမှုန့်

ငရုတ်ကောင်းမှုန့်ကတော့ အိမ်တိုင်း အိမ်တိုင်းမှာ မရှိမဖြစ် အသုံးပြုတဲ့ ဟင်းချက်အမွှေးအကြိုင်တစ်ခုဖြစ်ပါတယ်။ သူ့မှာလည်းပဲ ကိုယ်အလေးချိန်လျော့ချပေးဖို့ရန်အတွက် ကူညီပေးတဲ့ Piperine ဓာတ်များ ပါဝင်ပါတယ်။

သစ်ကြမ်းပိုးခေါက်

သစ်ကြမ်းပိုးခေါက်ဟာ Antioxidants များ ကြွယ်ဝစွာပါဝင်တဲ့အတွက်ကြောင့် ကျန်းမာရေးအတွက် များစွာအကျိုးကျေးဇူးပြုပါတယ်။ သူသည် ဝိတ်ကျဖို့ရန်အတွက် ကူညီပေးရုံသာမကဘဲ သွေးတွင်းသကြားဓာတ်ကိုလည်း ထိန်းညှိပေးတဲ့အတွက်ကြောင့် ဆီးချိုသမားများအတွက် အထူးသင့်တော်ပါတယ်။