မင်္ဂလာပါ…. ပျိုမဒီတို့ရေ….. အော်စကာဆုဆိုတာ တစ်ကမ္ဘာလုံးက သရုပ်ဆောင်တွေရဲ့အိပ်မက်တစ်ခုပါ။ အကြီးဆုံးဆုပေးပွဲမှာ မျက်ရည်စက်လက်နဲ့ပြောကြတဲ့ မိန့်ခွန်းတွေ ၊ ကြွားဝါလွန်းတဲ့အလှအပတွေနဲ့ ပြည့်နေတဲ့ ဆုပေးပွဲပါ။ အထူးသဖြင့် ဖက်ရှင်ပေါ့။
တစ်ကမ္ဘာလုံးက အကောင်းဆုံးရုပ်ရှင်တွေ သရုပ်ဆောင်တွေကို ပေးတဲ့ဆုပေးပွဲဖြစ်လို့ တက်ရောက်လာကြတဲ့ လူတွေကလည်း အလှဆုံး အကောင်းဆုံး အမိုက်ဆုံးဆိုတဲ့ ဝတ်စုံတွေနဲ့ ပွဲတက်လေ့ရှိကြပါတယ်။ ဒါပေမယ့် ဒီလိုတက်လာတဲ့လူတွေထဲမှာ ထူးထူးဆန်းဆန်းနဲ့လူပြောချင်စရာ ဝတ်စုံတွေနဲ့ တက်လာတဲ့လူတွေလည်း ရှိတတ်ပါသေးတယ်။
Cher
Cher က ဂန္တဝင်ဝတ်စုံဒီဇိုင်နာ Bob Mackie က ဖန်တီးထားတဲ့ ဝတ်စုံနဲ့ပတ်သက်ပြီး နောင်တရမိကြောင်း နောက်ပိုင်းမှာ ပြောခဲ့ပါတယ်။
Celine Dion
John Galliano ဒီဇိုင်းထုတ်ထားပြီး 1999 အော်စကာဆုပေးပွဲအတွက် Celine Dion ဝတ်ဆင်ခဲ့တဲ့ နောက်ပြန်ဝတ်စုံကတော့ ကျယ်ကျယ်ပြန့်ပြန့် လှောင်ပြောင်ခံခဲ့ရပါတယ်။
Bjork
Icelandic ပေါ့ပ်စတား Bjork ဟာ 2001 ခုနှစ်မှာ သူမဝတ်ဆင်ခဲ့တဲ့ဝတ်စုံကြောင့် နာမည်ဆိုးနဲ့ အကျော်ကြားဆုံး အော်စကာဆုရှင် ဖြစ်ခဲ့ပါတယ်။
Halle Berry
2002 မှာ Halle Berry ဝတ်ခဲ့တဲ့ဝတ်စုံက အဲ့အချိန်တုန်းက လျှပ်ပေါ်လော်လီတယ်လို့အများက ဆိုခဲ့ကြပါတယ်။ ဒါပေမယ့် အခုချိန်မှာတော့ သူ့ဝတ်စုံက အလှဆုံးတစ်ခုအဖြစ် သတ်မှတ်ခံထားရပါပြီ။
Gwyneth Paltrow
2002 ခုနှစ်မှာ Gwyneth Paltrow က gothy Alexander McQueen ရဲ့ စွပ်ကျယ်စတိုင်လ် ၊ အနက်ရောင်စကတ် ၊ အနက်ရောင် Eye မိတ်ကပ်များနဲ့ ဝတ်စုံကို ရွေးချယ်လိုက်တဲ့အခါ ဝေဖန်သူတွေရဲ့ပြောဆိုမှုကို ခံခဲ့ရပါတယ်။
