MyStyle Myanmar စာဖတ်ပရိတ်သတ် အားလုံး မင်္ဂလာပါ။ ဒီတစ်ခေါက်မှာတော့ အဆီပြန်တဲ့ Oily Skin ပိုင်ရှင်တွေအတွက် အသားအရေ ထိန်းသိမ်းနည်း တစ်ခုကို မျှဝေ ပေးပါရစေ။ မျက်နှာက အဆီပြန်တတ်တယ်ဆိုရင် ဝက်ခြံ ဖြစ်ဖို့လည်း လွယ်ပါတယ်။

သင်က ဝက်ခြံ ထွက်တတ်သူ ဆိုရင် သင့်ဆံပင်နဲ့ မျက်နှာကို မထိအောင် ထားသင့်ပါတယ်။ အဆီပါတဲ့ Cosmetics တွေကို ရှောင်သင့်ပါတယ်။ အခု ဖော်ပြထားတဲ့ အသားအရေ ထိန်းသိမ်းနည်း က မျက်နှာအတွက် လုပ်ပြီးရင် ကျန်တာကို စားလို့တောင် ရပါတယ်။ ဘာလို့လဲဆိုတော့ စတော်ဘယ်ရီသီးနဲ့ အသားအရေ ထိန်းသိမ်း ရမှာမို့လို့ပါ။

နည်းလမ်းကို သင် စိတ်ဝင်စားနေပြီလို့ ယူဆမိပါတယ်။ ဒီတော့ နည်းလမ်းကို ကြည့်လိုက်ရအောင်နော်-

လိုအပ်တဲ့ ပစ္စည်းတွေကတော့

စတော်ဘယ်ရီသီး

Photo Source: Stylecraze

စတော်ဘယ်ရီက အရေပြား ပေါ်က ဆဲလ်သေတွေကို ဖယ်ရှားပေးပြီး အသားအရေကို သန့်စင်ပေးပါတယ်။ ဗီတာမင်စီ ပါဝင်တာကြောင့် အသားအရေကို တောက်ပစေပါတယ်။ အဆီပြန်တတ်သူတွေ အတွက် သင့်တော်တဲ့ အသီးတစ်မျိုးပါ။

ဒိန်ချဉ်တစ်ဇွန်း

Photo Source: Organic Authority

ဒိန်ချဉ်မှာ Zinc ဓာတ် ပါဝင်ပြီး အဆီပြန်ခြင်းကို ထိန်းချုပ်ပေးပြီး ဝက်ခြံဖြစ်ခြင်းကို တိုက်ထုတ်ပေးပါတယ်။

ပျားရည်တစ်ဇွန်း

Photo Source: Pinterest

ပျားရည်က အသားအရေကို အစိုဓာတ်ပေးပြီး ဘတ်တီးရီးယားတွေကို သေစေနိုင်ပါတယ်။ ဝက်ခြံ ဖြစ်တတ်သူတွေအတွက် သင့်တော်တဲ့ သဘာဝ ပစ္စည်းတစ်မျိုးပါ။

ပြုလုပ်ပုံ

  • စတော်ဘယ်ရီသီး အကြီး တစ်လုံးကို အပူပေးပြီး ချေပေးရပါမယ်။
  • ပြီးနောက် ဒီထဲကို ဒိန်ချဉ်တစ်ဇွန်းနဲ့ ပျားရည် တစ်ဇွန်း ရောထည့်ပေးရပါမယ်။

အနှစ် ရလာပြီးနောက်မှာတော့ မျက်နှာပေါ် လိမ်းနိုင်ပါပြီ။ ခြောက်သွားတဲ့ အချိန် ရေဆေးချနိုင်ပါတယ်။

သင့်မျက်နှာက ရေဆေးချပြီးနောက် မှာ အရသာရှိတဲ့ မွှေးရနံ့တစ်ခု စွဲကျန်ရစ်မှာပါ။

By MyStyle Myanmar