နေအိမ်ဧည့်ခန်းတွေမှာ အမြဲနေရာယူထားတဲ့ TV တွေ ဘယ်လောက်ထိ တိုးတက်ပြောင်းလဲလာပြီလဲ

ဘယ်သူပဲဖြစ်ဖြစ် TV ကြည့်ရတာကို မနှစ်သက်တဲ့သူဆိုတာကတော့ တော်တော်လေးကိုရှားမှာပါ။ ဒါကလည်း အရင်ကတည်းက TV ဆိုတာဟာ နေအိမ်ဧည့်ခန်းတွေမှာ အမြဲတမ်းနေရာယူထားပြီး မိသားစုနဲ့ အချိန်ကုန်ဆုံးမှု အများဆုံး အရာဝတ္ထုတစ်ခုလည်း ဖြစ်နေတာကြောင့်ပါ။

ယခင်တုန်းကတော့ TV တွေဟာ CRT (Cathode-ray Tube) အမျိုးအစားတွေဖြစ်ပြီး အရွယ်အစားအရလည်း တော်တော်လေးကို ကြီးမားသလို ထူလည်းထူတဲ့အတွက် အလေးချိန်ကလည်း သိသိသာသာကို လေးပါတယ်။ အဲ့ဒီအချိန်တုန်းကတော့ CRT TV တွေဟာ Antenna ကနေတစ်ဆင့် ရုပ်သံလိုင်းကထုတ်လွှင့်တဲ့ ရုပ်ရှင်တွေ၊ အစီအစဥ်တွေကို ကြည့်ရှုနိုင်ခဲ့တာဖြစ်ပါတယ်။

အဲ့ဒီနောက်ပိုင်းမှာတော့ မြန်မာနိုင်ငံမှာ “အောက်စက်” ဆိုပြီးလူသိများတဲ့ VHS (Video Home System) နဲ့ CD/DVD Player တွေ ခေတ်စားလာခဲ့ပြီး TV တွေကလည်း CRT TV ကနေ LCD ၊ LED TV အဖြစ်ကူးပြောင်းလာခဲ့ပါတယ်။ အဲ့ဒီအချိန်ကစတင်ပြီး TV တွေဟာလည်း တဖြည်းဖြည်းပိုပြီး ပါးလွှာပေါ့ပါးလာပါတော့တယ်။ နောက်ဆုံးအနေနဲ့ကတော့ Player သို့မဟုတ် Set-top Box နဲ့ ချိတ်ဆက်စရာမလိုဘဲ Internet ကနေတစ်ဆင့် စိတ်ကြိုက်ကြည့်ရှုနိုင်တဲ့ Smart TV တွေအဆင့်ကို ရောက်ရှိလာပြီဖြစ်ပါတယ်။

ဒီလိုမျိုး TV တွေရဲ့ တိုးတက်ပြောင်းလဲမှုဟာ အရွယ်အစားနဲ့ နည်းပညာပိုင်းတင်မဟုတ်ဘဲ ပုံထွက်အရည်အသွေးလို့ပြောရမယ့် Resolution ပိုင်းမှာပါ တိုးတက်လာခဲ့တာဖြစ်ပါတယ်။ CRT TV ကနေ LCD ၊ LED TV ကို ကူးပြောင်းတဲ့အချိန်မှာ Standard Definition (SD) ကနေ High Definition (HD) အဆင့်ကိုပါ ရောက်ရှိလာခဲ့ပါတယ်။ ဒါပေမယ့် အဆိုပါ HD TV တွေဟာ 720P အဆင့်သာရှိခဲ့ပြီးတော့ Full HD (1080P) အရည်အသွေးရှိတဲ့ TV တွေက စျေးနှုန်းမြင့်မားခဲ့တာ ဖြစ်ပါတယ်။

အခုအချိန်မှာတော့ Full HD Resolution ထက်တောင် ၄ ဆ ပိုကောင်းတဲ့ Ultra HD 4K TV တွေကို စျေးနှုန်းသက်သက်သာသာနဲ့ ဝယ်ယူနိုင်နေတဲ့အဆင့်အထိကို ရောက်ရှိနေပြီဖြစ်ပါတယ်။ ဒါတင်မဟုတ်သေးဘဲ Ultra HD 4K TV တွေထက်တောင် ရုပ်ထွက်အရည်အသွေး ၄ ဆ ပိုကောင်းပြီး HD နဲ့ယှဥ်မယ်ဆိုရင် ၁၆ ဆအထိပိုကောင်းတဲ့ 8K QLED Smart TV တွေကိုပါ Samsung Myanmar ကနေ ရောင်းချနေပြီလို့ သိရပါတယ်။

အဆိုပါ Samsung ကနေ ရောင်းချနေတဲ့ 8K QLED Smart TV တွေဟာ အရွယ်အစားအနေနဲ့လည်း 55” ၊ 65” ၊ 75” ၊ 82” နဲ့ 85” ဆိုပြီး စိတ်ကြိုက်အရွယ်အစားကို ရွေးချယ်နိုင်မှာဖြစ်သလို စျေးနှုန်းတွေအနေနဲ့လည်း ၄,၄၉၀,၀၀၀ ကျပ်ကနေ ၂၁,၁၉၀,၀၀၀ ကျပ်အထိရှိမယ်လို့ သိရပါတယ်။ ဒီ 8K QLED TV တွေဟာ Pixel ပေါင်း ၃၃ သန်းကျော်ပါဝင်တဲ့အပြင် Screen-to-Body Ratio 99% အထိရှိတဲ့အတွက် ဘေးဘောင်တွေလုံးဝမပါဝင်တဲ့ Infinity Screen တစ်ခုကို ကြည့်နေရသလိုမျိုး Immersive ဖြစ်နေမှာဖြစ်ပါတယ်။

ဒီလိုမျိုး 8K QLED TV ဝယ်ယူထားပြီးတော့ ကြည့်စရာ 8K Content မရှိဘူးဆိုရင်လည်း ပုံမှန် HD Content တွေကို 8K Resolution အထိ Upscale ပြုလုပ်ပေးနိုင်မယ့် AI 8K Upscale နည်းပညာကိုလည်း ထည့်သွင်းပေးထားဦးမယ်လို့ သိရပါတယ်။ အဲ့ဒီအတွက် ပုံမှန် 4K ရုပ်ရှင်တွေကို 8K အရည်အသွေးအတိုင်း ကြည့်ရှုနိုင်မှာပါ။

ဒါတင်မဟုတ်သေးဘဲ ဖွင့်ထားတဲ့ရုပ်ရှင်တွေရဲ့ Object လှုပ်ရှားမှုတွေကို လိုက်ပြီး အသံထွက်ကိုခွဲခြမ်းစိတ်ဖြာပြီး မြင်ရတာနဲ့ထပ်တူကြတဲ့ ခံစားမှုကိုပေးစွမ်းနိုင်မယ့် Object Tracking Sounds+ ၊ စကားပြောဆိုတဲ့အသံတွေကို ပိုကောင်းအောင်ပြုလုပ်ပေးမယ့် Active Voice Amplifier ၊ ဖုန်းနဲ့ချိတ်ဆက်ပြီး Screen ကို ၂ ခြမ်းခွဲပြီး အသုံးပြုနိုင်တဲ့ Mobile View ၊ Remote တစ်ခုထဲနဲ့ Device အများအပြားကို ခိုင်းစေနိုင်တဲ့ OneRemote လိုမျိုး Feature တွေပါ ပါဝင်ဦးမှာဖြစ်ပါတယ်။

တကယ်လို့ 8K QLED Smart TV တွေအထိမဟုတ်ရင်လည်း Samsung ကနေ ၂၀၂၀ အတွက် Model အသစ်တွေဖြစ်တဲ့ TU Series Smart TV တွေ၊ Crystal 4K UHD TV တွေကိုလည်း Samsung တရားဝင်အရောင်းပြခန်းတွေနဲ့ အီလက်ထရောနစ်အရောင်းဆိုင်တွေမှာ အလွယ်တကူဝယ်ယူနိုင်မယ်လို့ သိရပါတယ်။ အဆိုပါ Samsung TU Series Smart TV တွေဟာ 32” ကနေ 85” အထိ အရွယ်အစားမျိုးစုံရွေးချယ်နိုင်မှာဖြစ်ပြီး Mulit-View ၊ OneRemote လိုမျိုး Feature တွေလည်းပါဝင်မှာပါ။ အဆိုပါ Samsung TV အသစ်တွေကို ဝယ်ယူမယ်ဆိုရင်တော့ ၁ နှစ်တိတိအာမခံရရှိမှာဖြစ်ပါတယ်။

ဘာပဲဖြစ်ဖြစ် အရင်တုန်းက CRT TV ခေတ်ကနေ အချိန်တိုအတွင်းမှာ အခုလိုမျိုး နည်းပညာမြင့် 8K QLED TV တွေအထိ တိုးတက်လာတာကတော့ တကယ်ကိုအံ့မခန်းလို့တောင် ပြောရမှာပါ။