သင့်ကိုပါ ကြည်နူးစေမယ့် ချစ်သူနှစ်ဦးရဲ့ ပျော်စရာ အခိုက်အတန့် ပုံရိပ် (၁၀) ခု

ဘယ်သူမဆို အထီးကျန်တယ်ဆိုတဲ့ အခိုက်အတန့်ကို ကြုံဖူးမှာပါ။ ရည်းစားမရှိတဲ့ သူတွေလည်း တစ်ခါတလေ ချစ်သူလိုချင်မှာပါ။ ဒီလိုပဲ ရည်းစားရှိတဲ့ သူတွေကလည်း တစ်ခါတလေ Single ဖြစ်ချင်ကြပြန်ပါတယ်။ ဘယ်လိုပဲဖြစ်ချင်ပါစေ ကိုယ်ရထားတဲ့ အခိုက်အတန့်တိုင်းကို တန်ဖိုးထားသင့်ပါတယ်။ ဒီလိုမှ ဘဝက နေရကျိုးနပ်မှာပါ။

ချစ်သူတွေ ဖြစ်လာပြီဆိုရင် တစ်ယောက်နဲ့ တစ်ယောက် သဘောကျတဲ့ အချက်တွေကော၊ မကြိုက်တဲ့ အချက်တွေပါ ရှိနိုင်ပါတယ်။ ဒါကို အချင်းချင်း ညှိယူရင်းမှ ပျော်ရွှင်ဖွယ် အချစ်ရေး ဖြစ်လာတာပါ။

ရည်းစားရှိတိုင်းလည်း ပျော်ရတာ မဟုတ်ပါဘူး။ ကိုယ်ပိုင်ဆိုင်ထားတဲ့ အချစ်ရေးကို တန်ဖိုးထားမှ ပျော်ရွှင်တဲ့၊ အချိန်ကုန်ရကျိုး နပ်တဲ့ ဆက်ဆံရေးကို ရရှိမှာပါ။ ချစ်သူတွေရဲ့ ပျော်စရာ အခိုက်အတန့်ကို ပုံအဖော်နိုင်ဆုံးသူတွေကတော့- ပန်းချီဆရာ Artist တွေ၊ သီချင်းဆိုသူတွေ၊ ကဗျာရေးသူတွေပဲ ဖြစ်ပါတယ်။ လက်ရာမြောက်တဲ့ ဖန်တီးမှုတွေကို မြင်လိုက်တာနဲ့ ကိုယ်တိုင်ပါ အဲ့ထဲ ရောက်နေသလို ကြည်နူးရပါတယ်။ ဒီတစ်ခေါက်မှာတော့ ကိုယ်တိုင် ချစ်ရသူနဲ့ ပျော်ရွှင်ကြည်နူးနေရသလို ခံစားချက်ကို ပေးစွမ်းနိုင်မယ့် ပန်းချီဆရာတွေရဲ့ လက်ရာမြောက်တဲ့ ရေးဆွဲမှု ပုံရိပ်တွေကို ဖော်ပြလိုက်ပါတယ်။