Nam Joo Hyuk ရဲ့ ပရိသတ်တွေအတွက်ကတော့ တကယ်ကို သတင်းကောင်းပါပဲနော်။ အခုပြသနေတဲ့ Start Up က ဒီဇင်ဘာ ၆ ရက်နေ့မှာ ဇာတ်သိမ်းမှာဖြစ်ပြီး ဒီဇင်ဘာ ၁၀ ရက်နေ့မှာတော့ Nam Joo Hyuk ပါဝင်သရုပ်ဆောင်ထားတဲ့ “Josee, the Tiger and the Fish” ဆိုတဲ့ Movie ကို ကိုရီးယားက ရုပ်ရှင်ရုံတွေမှာ ပြသတော့မှာပဲဖြစ်ပါတယ်။
“Josee, the Tiger and the Fish” ရုပ်ရှင်ကတော့ ၂၀၀၃ ခုနှစ်မှာ ရိုက်ကူးခဲ့တဲ့ ဂျပန်ရုပ်ရှင်ကို ပြန်လည်ရိုက်ကူးထားတာပါ။ ဒီရုပ်ရှင်ထဲမှာတော့ Nam Joo Hyuk နဲ့ မင်းသမီး Han Ji Min တို့က ပါဝင်သရုပ်ဆောင်ထားပါတယ်။
မသန်မစွမ်းကောင်မလေး Josee နဲ့ ကျောင်းတက်ရင်း အချိန်ပိုင်းအလုပ်လုပ်နေတဲ့ ကောင်လေး Young Seok တို့ရဲ့ အချစ်ဇာတ်လမ်းလေးကို ပုံဖော်ရိုက်ကူးထားတာပဲဖြစ်ပါတယ်။
Nam Joo Hyuk နဲ့ Han Ji Min တို့က ၂၀၁၉ မှာတုန်းကလည်း The Light in Your Eyes ဆိုတဲ့ ဇာတ်လမ်းတွဲလေးမှာ တူတူသရုပ်ဆောင်ဖူးပါတယ်နော်။
