ညှပ်ကလစ်က ပျိုမေတိုင်း ဆောင်ထားသင့်တဲ့ Hair Accessories တွေထဲ တစ်ခု အပါအဝင်ဖြစ်ပါတယ်။ ညှပ်ကလစ် ရောင်စုံလေးတွေ ရှိရုံနဲ့တင် သင့်ဆံပင်ကို ပုံစံ အမျိုးမျိုး စည်းနိုင်ပါတယ်။ ဆံပင် ထူတဲ့ သူတွေအတွက် ညှပ်ကလစ်က အထူးသင့်တော်ပါတယ်။ ဆံပင် ပါးတဲ့ သူတွေအနေနဲ့တော့ ညှပ် ကလစ် Size အလယ်အလတ်လောက်ဆိုရင် အဆင်ပြေမှာပါ။ ဒီတော့ ညှပ်ကလစ်နဲ့ ဆံပင်စည်းနည်း အိုင်ဒီယာတွေကို ကြည့်လိုက်ရအောင်နော်-

၁။ ဆံပင် အမြင့်စည်းနည်း

ဆံပင်ကို အပေါ် ပင့်တင်ပြီးနောက် ညှပ်ကလစ်နဲ့ နောက်က ညှပ်လိုက်ရုံပါပဲ။

၂။ ဆံပင်ထုံးမယ်

ဆံပင်အရှည်အလိုက် ဆံပင်ကို စုပြီး ကလစ်နဲ့ ညှပ်ချရမှာပါ။ ဒါဆိုရင်တော့ ထုံးထားတဲ့ ပုံစံ ရမှာပါ။

၃။ တစ်ဝက်အမြင့်စည်းမယ်

ဆံပင်တစ်ဝက်လောက်ကို ယူပြီး အနည်းငယ် အထုံးလုပ်ကာ ညှပ်ကလစ်ကို အပေါ် က ညှပ်ပေးရပါမယ်။

၄။ တစ်ဝက် အနိမ့်စည်းမယ်

ဒါကတော့ ဆံပင်ကို ထုံး စရာ မလိုတော့ဘဲ ဆံပင် တစ်ဝက်ယူကာ ညှပ်ကလစ်နဲ့ ညှပ်ပေးရပါမယ်။

၅။ ညှပ်ကလစ်နှစ်ခုနဲ့

ညှပ်ကလစ် အသေးနှစ်ခုနဲ့ ဆံပင်ကို တစ်ဝက်နောက်မှာ စည်းပြီး ကျန်တဲ့ တစ်ဝက်ကို ကလစ်နဲ့ ညှပ်ပေးရပါမယ်။

Photo Source: Pinterest

By MyStyle Myanmar