အခုပြောပြမယ့် ဆံပင်ထိန်းသိမ်းနည်းကတော့ တစ်ခါ ပြုလုပ်ရုံနဲ့ သင့်ဆံသားကို တောက်ပပြီး ပျော့အိစေမှာပါ။ ပါဝင်ပစ္စည်းတွေကလည်း သင် ဝယ်ပြီးသား ပစ္စည်းတွေချည်းပဲ ဖြစ်နိုင်ပါတယ်။ ဆံပင်ကို ဓာတုပစ္စည်းတွေ အထိများတဲ့အခါ ဆံသားဖွာလာတတ်ပါတယ်။ ဆံသားဖွာတဲ့အခါ ကျန်းမာတဲ့ ဆံကေသာ ပုံစံ မမြင်ရတော့ပါဘူး။ သင်က သင့်ဆံသားကို နူးညံ့စိုပြေပြီး တောက်ပနေစေဖို့ ထိန်းသိမ်းမှု ပြုလုပ်ပေးသင့်ပါတယ်။

ဒီထိန်းသိမ်းနည်းအတွက် လိုအပ်တဲ့ ပစ္စည်းတွေကတော့-

၁။ Mayo

မဟောနိစ် အနှစ်က ဆံကေသာကို တောက်ပစေပြီး ဆံသားခိုင်မာစေပါတယ်။ ဆံပင်ပြတ်ကျတာ သက်သာစေပါတယ်။

Photo Source: Girlstyle.com

၂။ အုန်းဆီ

Photo Source: PureWow

အုန်းဆီက ဦးရေပြားကို အစိုဓာတ်ပေးပါတယ်။ သင်လိုချင်တဲ့ ဆံကေသာ စိုစိုလေးကို အုန်းဆီက ဖြည့်ဆည်းပေးနိုင်မှာပါ။

၃။ ပျားရည် ဒါမှမဟုတ် သံလွင်ဆီ

Photo Source: Pinterest

သင့်အိမ်မှာရှိတဲ့ ပစ္စည်းတစ်မျိုးကို ရွေးထည့်နိုင်ပါတယ်။ ပျားရည်နဲ့ သံလွင်ဆီရဲ့ အဓိက အကျိုးကျေးဇူးက ဆံပင်ကို အစိုဓာတ်ပေးပြီး တောက်ပစေပါတယ်။

၄။ ကြက်ဥအနှစ်

ကြက်ဥအနှစ်မှာ ပါဝင်တဲ့ ဗီတာမင်ဓာတ်တွေက ခြောက်သွေ့တဲ့ ဦးရေပြားနဲ့ သင့်တော်ပါတယ်။ ဆံသားကို ကျန်းမာစေပါတယ်။

Photo Source: Pinterest

ဒီပါဝင်ပစ္စည်းလေးမျိုးကို ခွက်တစ်ခွက်ထဲ ရောထည့်ပေးရပါမယ်။ ပြီးနောက် ဦးရေပြားနဲ့ ဆံပင်အဖျားပေါ် လိမ်းပေးရပါမယ်။ လိမ်းပြီးနောက် မိနစ် ၃၀ ထားပေးရပါမယ်။

ပြီးနောက် ပုံမှန်ခေါင်းလျှော်ပေးရုံပါပဲ။ ဒီထိန်းသိမ်းနည်းက ဆံပင်အဆီ မလိမ်းရင်တောင် သင့်ဆံပင်ကို သဘာဝအတိုင်း တောက်ပပြီး စိုပြေနေစေမှာပါ။

By MyStyle Myanmar