ဆံကေသာဆိုတာ ကျွန်မတို့ မိန်းမသားတွေအတွက် ဒုတိယမျက်နှာပါပဲ။ ဆံကေသာကျန်းမာသန်စွမ်းမှ သင့်ကိုပိုပြီး ဆွဲဆောင်မှုရှိစေမှာဖြစ်သလို ယုံကြည်မှုလည်းရှိစေမှာပါ။
ဆံသားထိခိုက်ပျက်စီးစေတဲ့ သင်အမြဲလုပ်မိတဲ့အမှား ၁၅ ခုကို မျှဝေပေးပါမယ်။
၁။ ခေါင်းလျှော်ရည်
သင်နဲ့မတည့်တဲ့ ခေါင်းလျှော်ရည်ကိုသုံးတာဟာ သင့်ကိုဆံကေသာထိခိုက်ပျက်စီးစေပါတယ်။ သင့်ဆံကေသာနဲ့သင့်တော်တဲ့ ခေါင်းလျှော်ရည်ကိုသုံးပါ။
၂။ ခေါင်းမကြာခဏလျှော်ခြင်း (သို့) ခေါင်းမလျှော်ခြင်း
ခေါင်းကို မကြာခဏလျှော်ပေးတာဟာလည်း ဆံကေသာအတွက်မကောင်းသလို ခေါင်းကို အကြာကြီးနေမှ တစ်ခါလျှော်ပေးတာကလည်း ဆံကေသာကို ထိခိုက်ပျက်စီးစေပါတယ်။ ဆံကေကာကို ၂ ရက်ခြား (သို့) ၁ ရက်ခြားတစ်ခါလျှော်ပေးပါ။
၃။ ခေါင်းလျှော်ရည်အမှန်မသုံးခြင်း
ခေါင်းမလျှော်ခင်ခေါင်းကိုအရင်ဖြီးပေးပါ။ ပြီးရင် ခေါင်းလျှော်ရည်ကိုသုံးပေးပါ။ ခေါင်းလျှော်ရည်ကို အများကြီးလည်းမသုံးသင့်သလို နည်းနည်းလေးလည်းမသုံးသင့်ပါဘူး။
ခေါင်းလျှော်ရည်ကို လက်ပေါ်အရင်တင်ပြီးမှ ပွတ်လိုက်ပါ။ ပြီးရင် ခေါင်းမှာလိမ်းပေးပြီးခေါင်းလျှော်ပါ။
၄။ ဆံပင်ပေါင်းမတင်ပေးခြင်း
ဆံပင်ခဏခဏကျွတ်တာဟာ ဆံကေသာကို ပေါင်းမတင်ပေးတာကြောင့်လည်းပါပါတယ်။ ဆံကေသာထိခိုက်ပျက်စီးခြင်းကနေကာကွယ်ဖို့ ဆံပင်ကို သဘာဝနည်းအတိုင်းပေါင်းတင်ပေးပါ။
၅။ ရေပူပူ
ခေါင်းလျှော်တဲ့အခါ ရေအရမ်းပူတာနဲ့မလျှော်ပါနဲ့။ အဲလိုလျှော်ပေးတာဟာ သင့်ရဲ့ ဆံပင်တွေကို ကျွတ်စေပါတယ်။ ပြီးရင် ဦးရေပြားမှာ အဆီပြန်စေပါတယ်။
၆။ တဘက်နဲ့ ခေါင်းခြောက်အောင်သုတ်ခြင်း
တဘက်ကိုအသုံးပြုပြီး ခေါင်းခြောက်အောင်သုတ်တာ တဘက်နဲ့ ဆံပင်ကိုပေါင်းထားပေးတာဟာသင့်ရဲ့ ဆံကေသာကို ထိခိုက်ပျက်စီးစေပါတယ်။ ပြီးရင် ဆံသားကိုခြောက်သွေ့စေပါတယ်။ အဲဒီအစား တီရှပ်အဟောင်းတစ်ထည်နဲ့ ဆံပင်ကိုသုတ်ပေး ပေါင်းပေးထားပါ။
၇။ ခဏခဏခေါင်းဖြီးခြင်း
ခေါင်းကိုမကြာခဏဖြီးပေးတာဟာ ဆံကေသာကို ထိခိုက်စေသလို ဆံပင်ပိုကျွတ်စေပါတယ်။ ခေါင်းလျှော်ပြီး ရေစိုနေချိန်မှာလည်း ခေါင်းမဖြီးပေးပါနဲ့။ လက်နဲ့ပဲ သေချာဖြီးပေးပါ။
၅။ မကြာခဏ ဆံပင်ပုံသွင်းခြင်း
ဆံပင်ကိုအခြောက်ခံလိုက် ကောက်လိုက် ဖြောင့်လိုက် ပုံသွင်းလိုက်လုပ်နေတာဟာ ဆံကေသာကို ထိခိုက်ပျက်စီးစေသလို ဆံဖျားနှစ်ခွဖြစ်စေပါတယ်။
၉။ ဆံပင်အခြောက်ခံစက် အသုံးပြုပုံမမှန်ခြင်း
ဆံပင်အခြောက်ခံစက်ကို မှန်မှန်ကန်ကန်အသုံးမပြုပေးတာဟာ ဆံကေသာကို ထိခိုက်ပျက်စီးစေပြီး ဆံပင်ကျွတ်စေပါတယ်။ အရင်ဆုံး ဆံကေသာကို အရင်ကနေစပြီး လေမှုန်ပေးသင့်ပါတယ်။ ပြီးတော့ ဦးရေပြားနဲ့ နီးနီးကပ်ကပ်မထားသင့်ပါဘူး။
၁၀။ ကျန်းမာရေးနဲ့မညီညွှတ်တဲ့အစားအစာတွေ
အစားအစာတွေဟာလည်း ဆံကေသာကောင်းခြင်းမကောင်းခြင်းနဲ့ ဆက်စပ်နေပါတယ်။ ကျန်းမာရေးနဲ့ညီညွှတ်ပြီး အဟာရပြည့်ဝတဲ့ အစားအစာကိုစားပေးတာဟာ ဆံကေသာကို ပိုမိုကောင်းမွန်စေမှာပါ။
၁၁။ ဆေးလိပ်သောက်ခြင်းနဲ့ ကျန်းမာရေးကိုဂရုမစိုက်ခြင်း
အအေးမိဖျားနာတာမျိုးဖြစ်တာက ဆံပင်ကျွတ်စေပါတယ်။ ထို့အတူပဲ ဆေးလိပ်သောက်ပေးတာ၊ စိတ်ဖိစီးမှုများတာတွေဟာလည်း ဆံပင်ကို ထိခိုက်ပျက်စီးစေပါတယ်။
၁၂။ ဦးထုပ်မဆောင်းခြင်း
နေပူထဲထွက်တဲ့အခါ ဦးထုပ်(သို့) ထီးတစ်ခုခု မဆောင်းတာဟာလည်း ဆံကေသာကို နေရောင်ခြည်နဲ့ထိတွေ့စေပြီး ဆံပင်အဆီပြန်တာ ဆံသားခြောက်သွေ့တာမျိုးဖြစ်စေပါတယ်။
၁၃။ ခေါင်းဘီးတွေကို သန့်ရှင်းရေးမလုပ်ခြင်း
ခေါင်းဘီးတွေကို တစ်ပတ်တစ်ခါ သန့်ရှင်းရေးလုပ်ပေးသင့်ပါတယ်။ ခေါင်းဘီးကို သန့်ရှင်းရေးလုပ်ပေးဖို့မမေ့ပါနဲ့။
၁၄။ ဆံပင်အဖျားတွေကို မတိခြင်း
ဆံပင်အဖျားတွေကို ၂ လတစ်ခါ ၃ လတစ်ခါလောက် တိပေးသင့်ပါတယ်။ ဒါမှ ဆံသားနှစ်ခွဖြစ်တာကို ကာကွယ်နိုင်မှာပါ။
၁၅။ ဆံပင်ချပြီးအိပ်ခြင်း
ဆံပင်ရှည်တဲ့သူ အတော်အသင့်ရှည်တဲ့သူတွေဟာ ဆံပင်ကိုစည်းပြီး အိပ်ယာဝင်ပေးသင့်ပါတယ်။ မဟုတ်ရင် ဆံပင်ကျွတ်ပြီး ဆံပင်ပွတာ ဆံပင်ညှိတာ ရှုပ်တာမျိုးဖြစ်စေပါတယ်။
