အခုခေတ်မှာ လူတိုင်း အလုပ်တွေများလာကြတယ်။ အခုလို အလုပ်များလာတာနဲ့ အမျှ စိတ်ဖိစီးမှုတွေများလာကြပါတယ်။ အဲဒါကြောင့် ညဖက်မှာ အိပ်ပျော်ဖို့ခက်တဲ့ ဝေဒနာတွေကိုလည်း ခံစားလာကြရပါတယ်။ အခုလို သင်ကြုံတွေ့နေရတဲ့ အိပ်ရခက်တဲ့ ဝေဒနာကို ဖြေရှင်းနိုင်ဖို့ နည်းလမ်းတွေကို မျှဝေပေးချင်ပါတယ်။
၁။ ခြေထောက်နွေးထွေးနေပါစေ
ခြေဖဝါးအေးနေရင် အိပ်လို့မပျော်ပါဘူး။ ဒါ့ကြောင့် ခြေဖဝါးကို နွေးနေအောင်ထားထားပါ။ ခြေအိတ်စွပ်ပြီးမအိပ်ချင်ရင် ရေနွေးအိတ်ကို ခြေထောက်နားမှာ ထားပြီးအိတ်ပါ။
၂။ လေဝင်လေထွက်ကောင်းတဲ့ အိပ်ခန်းကိုရွေးပါ
လေတဖြူးဖြူးတိုက်နေတဲ့အခါ ပိုပြီး သက်သောင့်သက်သာရှိသလို အိပ်လို့လည်းပိုကောင်းပါတယ်။ လေဝင်လေထွက်မရှိဘဲ အလုံပိတ်နေတဲ့အခန်းထက် လေဝန်လေထွက်ရှိတဲ့အခန်းကို ရွေးချယ်ပါ။
၃။ မအိပ်ခင် ပြင်ဆင်ပါ
အိပ်ယာမဝင်ခင် ၁၀ နာရီအလို ကော်ဖီမသောက်ပါနဲ့။
အိပ်ယာမဝင်ခင် ၃ နာရီအလို အရက် (သို့) အစာမစားပါနဲ့။
အိပ်ယာမဝင်ခင် ၂ နာရီအလို အလုပ်မလုပ်ပါနဲ့။
အိပ်ယာမဝင်ခင် ၁ နာရီအလို ဖုန်း၊ တီဗီ၊ ကွန်ပျူတာ၊ စာအုပ်မကြည့်ပါနဲ့။
၄။ အိပ်တဲ့အနေအထား မှန်ပါစေ
ကိုယ်အိပ်တဲ့ ကိုယ်အနေအထား မှန်ပါစေ။ဘယ်ဖက် ဘေးစောင်းလေးအိပ်ပြီး ခေါင်းအုံးကို ခုအိပ်ပါ။ အဲဒီလို ဘယ်ဖက် ဘေးစောင်းပြီးအိပ်တာဟာ သွေးလည်ပတ်မှုကိုကောင်းမွန်စေပြီး အစာချေစနစ်ကို ကောင်းမွန်စေတယ်လို့ဆိုပါတယ်။
၅။ အဖော်နဲ့အိပ်ပါ
အိမ်ထောင်ကျပြီးသားဆိုရင် မိမိရဲ့ အိမ်ထောင်ဖက်နဲ့ အတူတူ အိပ်ပါ။ တစ်ဦးနဲ့ တစ်ဦး ထွေးပွေ့ပြီး အိပ်ပေးတာဟာ သင့်ရဲ့ စိတ်ခံစားချက်ကို ကောင်းမွန်စေပါတယ်။
၆။ မအိပ်ခင် ရေတွက်ပါ
အိပ်ယာထဲဝင်နေချိန်မှာ နာရီလက်တံကို ရေတွက်နေတာမျိုး လုပ်ပေးပါ။ ဒါမှမဟုတ်လည်း ဝင်သက် ထွက်သက် မှတ်တာမျိုး လုပ်ပေးနိုင်ပါတယ်။
၇။ မနက်စောစောထပါ
မနက်စောစောထတာဟာ သင့်ရဲ့ စိတ်ကူးစိတ်သန်းကို ကောင်းမွန်စေသလို သင့်အတွက် အချိန်ပိုတွေလည်း အများကြီးထွက်လာပါတယ်။
၈။ နေ့စဉ်လေ့ကျင့်ခန်းလုပ်ပါ
မနက်စောစာထပြီး ပေါ့ပေါ့ပါးပါး လေ့ကျင့်ခန်းလုပ်ပါ။ အကြောလျှော့တာ၊ အသက်ရှုလေ့ကျင့်ခန်းလုပ်တာ၊ မျက်လုံးကို နှိပ်နယ်ပေးတာမျိုး လုပ်နိုင်ပါတယ်။