အရွယ်မတိုင်သေးဘဲ ဆံပင်ဖြူလာတာကို သက်သာစေမယ့် သဘာဝနည်းလမ်းတစ်ချို့

ဆံပင်ဖြူတာကို လူတိုင်းနှစ်သက်ကြတာတော့မဟုတ်ပါဘူး။ တချို့ဆို အသက်ကငယ်ငယ်လေးပေမယ့် ဆံပင်ဖြူကြပြီး တချို့ကတော့ အသက်ကြီးနေပေမယ့် ဆံပင်မဖြူတာတွေလည်း တွေ့ဖူးကြမှာပါ။ ဟော်မုန်းကြောင့်လည်းဖြစ်နိုင်ပြီး အာဟာရချို့တဲ့တာကြောင့်လည်း ဆံပင်ဖြူကြပါတယ်။

အိန္ဒိယ ဇီးဖြူသီး နဲ့ သံပုရာရည် (သို့) သံပုယိုရည်

အိန္ဒိယဇီးဖြူသီးဟာ ဆံပင်ဖြူတာကို သက်သာစေဖို့အတွက် အကောင်းဆုံးသဘာဝဆေးနည်းအဖြစ် အသုံးပြုကြပါတယ်။ ဒါ့အပြင် ဆံကေသာနဲ့ပတ်သတ်တဲ့ ပြဿနာတွေကိုလည်း ဖြေရှင်းပေးနိုင်ပါတယ်။

အိန္ဒိယဇီးဖြူသီးအရွက်ကို နည်းနည်းယူပြီး နေရောင်အောက်မှာ ရက်အနည်းငယ်ထားကာ အခြောက်ခံပါ။ ပြီးရင် ကြိတ်စက်ထဲထည့်ကာချေလိုက်ပြီး အမှုန့်ဖြစ်အောင်ကြိတ်လိုက်ပါ။

သံပုယိုသီး ၁ လုံး (သို့) သံပုရာသီးတစ်လုံးကိုအရည်ညှစ်လိုက်ပြီး စောစောက ဇီးဖြူရွက်ကြိတ်ထားတဲ့အမှုန့်ထဲထည့်ရောလိုက်ပါ။ အဲဒီနောက် ဦးရေပြားနဲ့ဆံကေသာပေါ်လိမ်းပေးပြီး မိနစ် ၂၀ လောက်ထားကာ ရေအေးနဲ့ ခေါင်းလျှော်ချပါ။

ကြက်သွန်နီနဲ့ သံပုရာရည်

ကြက်သွန်နီမှာဆိုရင် ဆံပင်ဖြူတာကို သက်သာစေဖို့အတွက် အသုံးပြုနိုင်တဲ့ အဟာရဓါတ်တွေအများအပြားပါဝင်ပါတယ်။ ပုံမမှန်ဆံပင်ဖြူတာတွေကို ကုသပေးနိုင်ပါတယ်။

ကြက်သွန်နီ ၂ လုံးကိုယူပြီး အတုံးသေးသေးလေးလှီးလိုက်ပါ။ အဲဒီနောက် ကြိတ်စက်ထဲထည့်ပြီးကြိတ်ပေးလိုက်ပါ။ ပြီးတော့ အဝတ်စသန့်သန့်ထဲထည့်ပြီး အရည်ညှစ်ချပါ။ အဲဒီနောက် အဲဒီအရည်ကိုခွက်တစ်လုံးထဲထည့်ပြီး သံပုရာသီးတစ်လုံးကိုအရည်လှစ်ထည့်ပါ။ ဦးရေပြားနဲ့ ဆံကေသာပေါ်လိမ်းပေးပြီး မိနစ် ၃၀ လောက်ထားကာ ခေါင်းလျှော်ရည်နဲ့ ခေါင်းလျှော်ချပါ။

ရေနွေးကြမ်း

လက်ဖက်အနက်အခြောက်ကို ရေနွေးနဲ့စိမ်ပြီး မနစ် အနည်းငယ်ထားပါ။ ရေကို အေးအောင်ထားပြီးရင် ဆားနည်းနည်းထည့်ပါ။ ဆားက ဦးရေပြားပေါ်က အညှစ်အကြေးတွေကို သန့်စင်ပေးနိုင်မှာပါ။ အဲဒီနောက် အဲဒီရေနွေးကြမ်းနဲ့ ခေါင်းလျှော်ချပေးပါ။

Featured Image Source: Henna Hut