အပြစ်ကင်းစင်တဲ့အပြုံးချိုချိုလေးတွေပိုင်ဆိုင်ထားတဲ့ IVE အဖွဲ့ခေါင်းဆောင် Yujin ရဲ့ ဖက်ရှင်များ

မင်္ဂလာပါနော်။ ဒီတစ်ခေါက် Idol ဖက်ရှင်စိတ်ဝင်စားသူတို့အတွက် ဖော်ပြပေးချင်တဲ့ အနုပညာရှင်ကတော့ ငယ်ရွယ်ပြီး ပြည့်စုံတဲ့ Visual တွေကို ပိုင်ဆိုင်ထားကြတဲ့ တက်သစ်စ ဆယ်ကျော်သက် Idol အဖွဲ့ IVE ရဲ့အဖွဲ့ခေါင်းဆောင် Yujin ပဲဖြစ်ပါတယ်နော်။ ၂၀၀၃ ခုနှစ်မှာမွေးဖွားခဲ့ပြီး အသက် ၁၉နှစ်သာရှိသေးတဲ့ Yujin ဟာဆိုရင် ၂၀၁၈ ခုနှစ်ကတည်းက Produce 48 ပြိုင်ပွဲကတစ်ဆင့် ‘IZ*ONE’ အဖွဲ့ဝင်အနေနဲ့ စပွဲဦးထွက်ခဲ့တာဖြစ်ပြီး ၂၀၂၁ ခုနှစ်မှာ IVE အဖွဲ့ဝင်ခေါင်းဆောင်တစ်ဦးအနေနဲ့ ပါဝင်လာခဲ့တာပါ။

သူမဟာ Music Video အချို့မှာလည်း ပါဝင်သရုပ်ဆောင်ခဲ့ဖူးတဲ့အပြင် အစီအစဉ်တင်ဆက်သူ၊ အလှအပ Brand တွေရဲ့ ကြော်ငြာမော်ဒယ် စတာတွေလည်း လုပ်ခဲ့ဖူးတာကြောင့် ငယ်ငယ်ရွယ်ရွယ်နဲ့ အရည်အချင်းရှိတဲ့ အနုပညာရှင်တစ်ယောက်ဆိုရင်လည်းမမှားပါဘူး။

နာမည်အပြည့်အစုံ Ah Yu Jin ဖြစ်ပြီး လက်ရှိ IVE အဖွဲ့ရဲ့ ခေါင်းဆောင်နဲ့ Vocalist အဖြစ် တာဝန်ယူထားသူတစ်ဦးဖြစ်ပါတယ်။ နှာတံစင်းစင်း၊ မျက်ဝိုင်းဝိုင်းဝိုင်းလေးတွေနဲ့ သဘာဝဆန်ပြီး ပြည့်စုံတဲ့ အလှကြောင့် ဖက်ရှင်မဂ္ဂဇင်းတွေရဲ့ရှေ့ဖုံးမော်ဒယ်အဖြစ် မကြာခဏဖော်ပြခံရသူလေးလည်း ဖြစ်ပါတယ်နော်။