ဆံပင်ရှည်တဲ့ မိန်းကလေးတွေအတွက် ရုံးတက်တဲ့နေ့တွေမှာပြင်ဆင်ဖို့ တည်ငြိမ်လှပတဲ့ Hairstyle တွေကို မျှဝေပေးလိုက်ပါတယ်။ ဆံပင်ကို အမျိုးမျိုး လှလှပပလေး ပြင်ဆင်ချင်တယ်ဆိုရင်တော့ ဒီ Hairstyle လေးတွေအတိုင်း ပြင်ကြည့်လိုက်တော့နော်။
ဆံပင်ကို နောက်လျှောဆံထုံးလေးထုံးတဲ့ ဒီ Hairstyle လေးတွေဆိုရင် လူကြီးလည်းမဆန်ပဲ တည်ငြိမ်လှပတဲ့ Look မျိုး ရစေပါတယ်။ သပ်သပ်ရပ်ရပ်လေးနဲ့ လှတာကြောင့် ရုံးတက်ပြင်ဆင်ဖို့ဆိုလည်း ကွက်တိပဲနော်။
ရိုးရိုးလေးနဲ့ တည်ငြိမ်ပြီးလှအောင်လို့ ဆံပင်ကိုရိုးရိုးအနိမ့်လေးစည်းပြီး ဖဲပြားကလစ်လေးတွေ တပ်တာမျိုးလည်း ပြင်ဆင်ကြည့်ပါ။
လူငယ်ပိုဆန်ချင်ရင်တော့ ဆံပင်ကို အမြင့်လေးစည်းပြီး ဒီလိုဖဲပြားကလစ်လေးတွေ တပ်လိုက်နော်။ သပ်သပ်ရပ်ရပ်လေးနဲ့ လှပါတယ်။
ဆံပင်ကို တစ်ဝက်စည်းမယ်ဆိုလည်း သပ်ရပ်လှပပြီး တည်ငြိမ်တဲ့ပုံစံလေးဖြစ်အောင် ဒီလို Hairstyle လေးအတိုင်း ပြင်ဆင်ကြည့်လိုက်နော်။
ရုံးတက်တဲ့သူတွေနဲ့ အလိုက်ဖက်ဆုံးသော နောက်ထပ် Hairstyle လေးတွေပါ။ သပ်ရပ်လှပပြီး တည်ငြိမ်တဲ့ Look လေး အပြည့်အဝရစေပါတယ်။
ကျစ်ဆံမြီးကို ရိုးရိုးပုံစံကြီးမကျစ်ချင်ဘူးဆိုရင် ဒီလို Hairstyle လေးတွေအတိုင်း ကျစ်ကြည့်လိုက်နော်။ သပ်သပ်ရပ်ရပ်လေးနဲ့ တည်ငြိမ်ပြီးလှနေစေမှာ သေချာပါတယ်။
ဆံပင်ကိုရိုးရိုးရှင်းရှင်းလေး တစ်ဝက်စည်းမယ်ဆိုရင် ဒီ Hairstyle လေးအတိုင်း စည်းကြည့်ပါ။ ဆံပင်ကောက်ထားရင်၊ လိပ်ထားရင်တော့ ပိုလှပါတယ်။
ဆံပင်ကောက်ထားတဲ့သူတွေဆိုရင် ဆံပင်ကို ဆံပင်နဲ့ပြန်စည်းထားတဲ့ ဒီလို Hairstyle လေးတွေအတိုင်းလည်း ပြင်ဆင်ကြည့်ပါ။ တည်ငြိမ်လှပပြီး သပ်သပ်ရပ်ရပ်လေးဖြစ်လို့ ရုံးတက်အတွက် အရမ်းကိုလိုက်ဖက်မှုရှိပါတယ်။
ဆံပင်ကို ဖားလျားချမယ်ဆိုရင် ဆံပင်တစ်ဖက်ကို ကလစ်တပ်တဲ့ ဒီ Hairstyle လေးတွေအတိုင်း ပြင်ဆင်ကြည့်ပါ။ မိန်းကလေးဆန်ပြီး လှပသလို ပိုပြီးတော့လည်း သပ်သပ်ရပ်ရပ်လေး ဖြစ်ပါတယ်။
