တောင်ကိုရီးယားနိုင်ငံမှာ အနုပညာရှင်တစ်ယောက်ဖြစ်လာဖို့အတွက် ကုမ္မဏီတွေကနေ ကမ်းလှမ်းလာတဲ့ ပုံစံအမျိုးမျိုးထဲမှာ Street Cast အဖြစ် ရွေးချယ်ခံရတာက အကောင်းဆုံးရွေးချယ်မှုတစ်ခုပါ။
သူများဆီကို တကူးတကသွားပြီး ကိုယ့်ကို အသိအမှတ်ပြုအောင်လို့ ကြိုးစားစရာမလိုသေးဘဲနဲ့ ရုပ်ရည်ချောမောမှုပေါ်မူတည်ပြီးတော့ ကိုယ်ရှိရာနေရာကိုလာပြီးတော့ ရွေးချယ်ခြင်းခံရသူတွေလည်းဖြစ်ပါတယ်။
တောင်ကိုရီးယားနိုင်ငံရဲ့အနုပညာရှင်တွေအများကြီးရှိတဲ့အထဲကမှ အခုတစ်ခါမှာတော့ မင်းသမီးချောလေး ၆ ယောက်ကို ရွေးထုတ်ဖော်ပြပေးချင်ပါတယ်။ သူတို့တွေကတော့ Street Cast အနေနဲ့ ရွေးချယ်မခံရသေးခင်အထိ အောင်မြင်ကျော်ကြားတဲ့ အနုပညာရှင်တစ်ယောက်ဖြစ်လာဖို့အတွက် စိတ်ကူးလုံးဝ မရှိကြပါဘူး။
Han Ga In
တောင်ကိုရီးယားရဲ့ အချောမောအလှပဆုံး ထိပ်သီးမင်းသမီးတွေထဲက တစ်ယောက်အပါအဝင်ဖြစ်တဲ့ Han Ga In ကိုတော့ မသိသူ ရှားလောက်ပါတယ်နော်။ အထက်တန်းကျောင်းသူဘဝကတည်းက သူမရဲ့အလှကြောင့် ကျော်ကြားနေသူတစ်ဦးလည်းဖြစ်ပါတယ်။
ကျောင်းစာကိုအာရုံစိုက်ချင်တဲ့အတွက် အထက်တန်းကျောင်းတက်နေစဥ်မှာ လက်ခံရရှိသမျှ ကုမ္မဏီတွေရဲ့ ကမ်းလှမ်းမှုတွေအားလုံးကို ငြင်းဆိုခဲ့ပါတယ်။ တက္ကသိုလ်ရောက်ပြီး သိပ်မကြာခင်အချိန်ကျတော့မှ Street Cast ကမ်းလှမ်းမှုကို လက်ခံဖို့ဆုံးဖြတ်ခဲ့ပါတယ်။
သူမရဲ့တက္ကသိုလ်မဂ္ဂဇင်း မျက်နှာဖုံးစာမျက်နှာမော်ဒယ်လ်အဖြစ် Debut စထွက်ခဲ့ရာကနေ တဖြည်းဖြည်း အောင်မြင်ကျော်ကြားတဲ့ မင်းသမီးတစ်ဦးအဖြစ် ရပ်တည်နိုင်ခဲ့ပါတယ်။
Kim Tae Hee
တောင်ကိုရီးယားနိုင်ငံရဲ့ အချောမောဆုံး မင်းသမီးစာရင်းထဲက နောက်ထပ်တစ်ယောက်ဖြစ်တဲ့ Kim Tae Hee ဟာဆိုရင်လည်း ကျောင်းသူအရွယ်တုန်းက သူမရဲ့အလှအပအကြောင့်သာမက စာတော်တဲ့အတွက်လည်း Seoul National University မှာ အလွန်လူသိများလှပါတယ်။
ရထားစီးပြီး သူမရဲ့စာသင်ခန်းကို သွားနေစဥ် ကြော်ငြာကုမ္မဏီ တာဝန်ရှိသူတစ်ဦးမှ တွေ့ရှိခဲ့ရာကနေတဆင့် အမျိုးသမီးသုံးပစ္စည်းတစ်ခုရဲ့မော်ဒယ်လ်ဖြစ်လာခဲ့ပြီး အနုပညာလောကကို စတင်ဝင်ရောက်ခဲ့ပါတယ်။
ဒါဟာ သူမရဲ့ ပထမဦးဆုံး Street Cast လို့ ထင်မယ်ဆိုရင်တော့ မှားသွားပါလိမ့်မယ်။
Seo Hyun Jin
အဆိုတော်တစ်ဖြစ်လဲ မင်းသမီး Seo Hyun Jin ကတော့ အသက် ၁၇ နှစ်အရွယ်ကနေစပြီး Street Cast တွေ အများကြီးကို လက်ခံရရှိလာခဲ့ပါတယ်။ ထိုအချိန်မှာ အကမေဂျာကျောင်းသူဖြစ်နေတာကြောင့် အဆိုတော်လမ်းကြောင်းကို စတင်ခဲ့ပါတယ်။
SM Entertainment မှ စင်တင်ပေးခဲ့တဲ့ အမျိုးသမီးအဖွဲ့ M.I.L.K မှာပါဝင်ခဲ့ပြီး ဟိုးအရင်နှစ်တွေကတည်းကပဲ အဖွဲ့ဖျက်သိမ်းခဲ့ပါတယ်။ ထိုမှတဆင့် သရုပ်ဆောင်လမ်းကြောင်းကို ကူးပြောင်းခဲ့ပြီး ယခုအချိန်မှာတော့ အင်မတန်လူကြိုက်များတဲ့ မင်းသမီးတစ်လက်ဖြစ်နေပါပြီ။
Seo Ji Hye
Street Cast ကျေးဇူးနဲ့ အနုပညာလောကထဲကို ဝင်ရောက်လာခဲ့သူတွေထဲမှာ မင်းသမီးချော Seo Ji Hye လည်း တစ်ယောက်အပါအဝင်ဖြစ်ပါတယ်။ ထိုစဥ်တုန်းက အထက်တန်းကျောင်းသူအရွယ်သာရှိသေးပြီး သူမစာချုပ်ချုပ်ဆိုခဲ့တဲ့ ကုမ္မဏီ Representative ရွေးချယ်မှုကို ခံခဲ့ရတာလည်းဖြစ်ပါတယ်။
တက္ကသိုလ်မှာဆိုရင်လည်း သူမရဲ့အလှအပကြောင့် အင်မတန်ကျော်ကြားခဲ့ပြီး ထိုစဥ်က ကျင်းပခဲ့သမျှ Popularity Contest တွေမှန်သမျှမှာ ပထမဆုကိုချည်း ရရှိခဲ့ပါသေးတယ်။ ၂၀၀၃ ခုနှစ်တုန်းက ထွက်ရှိခဲ့တဲ့ သီချင်းအမ်တီဗွီတစ်ခုမှာ ပါဝင်သရုပ်ဆောင်ခဲ့ရာကတဆင့် သရုပ်ဆောင်ဘဝကို စတင်ခဲ့ပါတယ်။
Song Ji Hyo
Running Man ပရိတ်သတ်တို့ရဲ့ အသည်းကျော် Song Ji Hyo ကတော့ ကော်ဖီဆိုင်တစ်ခုမှာ အချိန်ပိုင်းအလုပ်လုပ်နေရာကတဆင့် အရွေးခံခဲ့ရတာပါ။
ထိုမှတဆင့် Shinchon နဲ့ ပွဲဦးစထွက်ခဲ့ပြီး လက်ရှိအချိန်မှာတော့ တစ်ကမ္ဘာလုံးက ပရိတ်သတ်အများအပြားရဲ့ ချစ်ခြင်းကိုခံရတဲ့ မင်းသမီးတစ်လက်ဖြစ်လာခဲ့ပါတယ်။
Kim Ji Won
Kim Ji Won Street Cast လုပ်ခံရတဲ့အချိန်ကတော့ အလယ်တန်းကျောင်းသူဘဝကတည်းက ဖြစ်ပါတယ်။ အေဂျင်စီရဲ့ရွေးချယ်ခံရပြီး သရုပ်ဆောင်နဲ့ အဆိုတော်သင်တန်းတွေကို တက်ရောက်ပြီး ပွဲဦးစထွက်ဖို့ စတင်ပြင်ဆင်ပါတော့တယ်။
၃ နှစ်ကြာပြီးနောက်မှာတော့ ကြော်ငြာရိုက်ရင်း အနုပညာလောကကို ဝင်ရောက်ခဲ့ပြီး အခုချိန်မှာတော့ လျှမ်းလျှမ်းတောက်အောင်မြင်နေတဲ့ မင်းသမီးတစ်လက်ဖြစ်လာခဲ့ပါပြီ။
