စာဖတ်ပရိသတ်တွေအတွက် ဗဟုသုတရပြီး အကျိုးရှိစေမယ့် နည်းလမ်းလေးတွေကို မျှဝေပေးချင်ပါတယ်။ ဒီတစ်ခါမှာတော့ glue gun ကော်ကို အကျိုးရှိအောင် အသုံးချလို့ရမယ့်အရာတွေကို ပြောပြပေးလိုက်ပါတယ်။ ဒီတော့ glue gun ကော်ရှိရုံနဲ့ ဘယ်လိုနေရာတွေမှာ အသုံးချလို့ရမလဲဆိုတာကို လေ့လာကြည့်လိုက်ရအောင်။

ရာဘာလက်အိတ်မှာ glue gun နဲ့ အစက်လေးတွေများများချပေးလိုက်ပြီး လက်မှာစွပ်ကာ ကြောင်လေးတွေ၊ ခွေးလေးတွေကို ဇိမ်ခံလို့ရအောင် ပွတ်ပေးလို့ရသလို အမွှေးဖယ်ပေးချင်ရင်လည်း ပွတ်ပေးလို့ရပါတယ်။

နားကပ်နောက်ပိတ်လေးတွေ ပျောက်သွားတဲ့အခါမှာလည်း glue gun ကို တစ်ခုခုပေါ် အစက်လေးချပြီး ခြောက်သွားရင် နောက်ပိတ်အဖြစ် ယူသုံးလို့ရပါတယ်။

ခဲတံမှာ glue gun နဲ့ အလိမ်လေးတွေချပြီး ခြောက်သွားရင် ဆွဲထုတ်လိုက်ပါ။ ပြီးရင် ထိပ်နှစ်ခုကို glue gun တို့ပြီး ကပ်လိုက်ပါ။ ဒါဆိုရင်တော့ ခေါင်းစည်းကြိုးအဖြစ် သုံးလို့ရပါတယ်။

လက်စွပ်ချောင်နေတာမျိုးဆိုရင် လက်စွပ်အတွင်းဘက်မှာ glue gun သုတ်ပြီး ခြောက်သွားရင် ဝတ်လို့ရပါတယ်။

Source: www.blossom