မျက်နှာအကျပေါ်မူတည်ပြီး လိုက်ဖက်ညီမယ့် မျက်မှန်ဒီဇိုင်းတွေနဲ့ စတိုင်ကျစေမယ့် နည်းလမ်းများ

မျက်စိအားနည်းတဲ့အတွက် မျက်မှန်လည်း တပ်ရတော့မယ်၊ ကိုယ်နဲ့မလိုက်ဖက်မှာလည်း စိတ်ညစ်နေတယ်ဆိုတဲ့ အမျိုးသားတွေ အောက်ပါအချက်တွေကို သတိပြုသင့်ပါတယ်။ ကိုယ့်မျက်နှာနဲ့မလိုက်ဖက်တဲ့ မျက်မှန်ပုံစံမျိုးကိုရွေးမိရင် ပိုကြည့်ရဆိုးသွားတတ်လို့ဖြစ်ပါတယ်။

လေးထောင့်ကျကျ မျက်နှာပိုင်ရှင်လား

Photo: Freepik

ယောကျ်ားပီပီသသ လေးထောင့်စပ်စပ်မျက်နှာကို ပိုင်ဆိုင်ထားပါသလား။ မျက်မှန်တပ်တော့မယ်ဆိုရင် ခပ်ဝိုင်းဝိုင်းနဲ့စတိုင်ကျတဲ့ မျက်မှန်မျိုးကိုရွေးချယ်သင့်ပါတယ်။

ဝိုင်းတဲ့မျက်နှာပိုင်ရှင်လား

Photo: Let’s Eat Cake

အနည်းငယ်ဝပေမယ့် စတိုင်ကျတဲ့ခပ်ဝိုင်းဝိုင်းမျက်နှာပုံစံမျိုးကို ပိုင်ဆိုင်ထားပါသလား။ ဒါဆိုရင်တော့ မျက်မှန်လေးထောင့်လေးတွေကို ရွေးချယ်ပြီးစတိုင်ထုတ်လိုက်ပါ။

သွယ်လျတဲ့မျက်နှာပိုင်ရှင်လား

Photo: Medium

မျက်နှာသွယ်သွယ်ကိုပိုင်ဆိုင်ထားရင်တော့ ကံကောင်းတဲ့သူလို့ပြောလို့ရပါတယ်။ မျက်နှာကျသွယ်လျတဲ့ အမျိုးသားတွေဟာ မျက်မှန်အဝိုင်းဖြစ်စေ၊ လေးထောင့်ဖြစ်စေ လိုက်ဖက်ညီနေလို့ပါပဲ။ ဘဲဥပုံမျက်မှန်တွေကိုလည်း စိတ်တိုင်းကျရွေးချယ်လို့ရပါတယ်။