မိန်းကလေးတွေအတွက် ခရီးသွားတဲ့အခါမှာ ထည့်သွားသင့်တဲ့ ဖက်ရှင်များ

မိန်းကလေးတွေကတော့ ခရီးသွားတော့မယ်ဆိုရင် အဝတ်အစားအစုံကို ထည့်တာပါပဲ။ ကိုယ်ဝတ်ချင်တဲ့ အဝတ်အစားတွေ၊ အလှဆုံးဆိုတာတွေကိုထည့်ပြီး အရေးကြီးတာတွေ၊ လိုအပ်တာတွေကို မေ့ခဲ့တတ်ပါတယ်။ ဒါကြောင့် မိန်းကလေးတွေအတွက် ခရီးသွားတဲ့အခါမှာ ထည့်သွားသင့်တဲ့ ဖက်ရှင်တွေကို ပြောပြပေးလိုက်ပါတယ်။

နေကာမျက်မှန်

ခရီးသွားရင် အဝတ်အစားတွေပဲ ထည့်နေပြီး ဖက်ရှင် accessories လေးတွေကိုတော့ မေ့ကျန်နေခဲ့တတ်ပါတယ်။ ခရီးသွားတဲ့အခါမှာ မဖြစ်မနေယူသွားရမှာမယ့်ထဲမှာ နေကာမျက်မှန်က မပါမဖြစ်ပါပဲ။ နေကာမျက်မှန်နဲ့ ရှိုးထုတ်လို့လည်းရသလို လျှောက်သွားတဲ့အခါမှာ နေပူဒဏ်လည်း ကာကွယ်လို့ရပါတယ်။

ဦးထုပ်

ခရီးသွားတဲ့အခါမှာ နေကာမျက်မှန်လိုပဲ ဦးထုပ်ကလည်း လိုအပ်ပါတယ်။ ခရီးသွားဖက်ရှင်အဖြစ်နဲ့ ရှိုးထုတ်လို့ရသလို၊ လျှောက်သွားတဲ့အခါမှာ ဆံပင်ကေမပျက်ဖို့နဲ့ နေပူဒဏ်ကာကွယ်ဖို့အတွက် ထည့်သွားသင့်ပါတယ်။

အပေါ်ထပ်အင်္ကျီ

ခရီးသွားတဲ့အခါမှာ အဝတ်အစားထည့်မယ်ဆိုရင် အပေါ်ထပ်အင်္ကျီလေးတွေလည်း ထည့်ဖို့မမေ့ပါနဲ့။ အရမ်းအသုံးဝင်ပါတယ်။ ကိုယ်သွားမယ့်နေရာနဲ့ လိုက်ဖက်မယ့် အပေါ်ထပ်မျိုးကို ရွေးထည့်ပါ။

Sneakers

ခရီးသွားတဲ့အခါမှာ လျှောက်သွားမယ်ဆိုရင် ဒေါက်ဖိနပ်တွေ၊ slipper တွေထက် sneakers လေးတွေက ပိုပြီးစီးလို့ကောင်းပါတယ်။ ဖက်ရှင်လည်းကျစေပါတယ်။ ဒါကြောင့် ထည့်သွားဖို့မမေ့ပါနဲ့။

Swimsuit

ခရီးသွားတဲ့အခါမှာ ကိုယ်တည်းမယ့် hotel က ရေကူးကန်ပါတယ်ဆိုရင် swimsuit လေးထည့်သွားဖို့ မမေ့ပါနဲ့။ Swimsuit လေးနဲ့ ရေကူးရင်လှသလို၊ ဓာတ်ပုံရိုက်ရင်လည်း အရမ်းလှပါတယ်။ နောက်ဆုံး ရေမကူးတတ်ရင်တောင်မှ အလှဓာတ်ပုံရိုက်လို့ရတာကြောင့် ဓာတ်ပုံရိုက်ရတာ ဝါသနာပါရင် ထည့်သွားပါ။

Pajama Set

ခရီးသွားတဲ့အခါမှာ hotel တည်းမယ်ဆိုရင် ကို့ယို့ကားယားပုံတွေ ဝတ်မယ့်အစား pajama လှလှလေးတွေကို ဝတ်ပါ။ ချစ်ဖို့လည်းကောင်းသလို ဓာတ်ပုံရိုက်မယ်ဆိုလည်း အရမ်းအဆင်ပြေပါတယ်။ Satin pajama set လေးတွေဆိုရင် ဓာတ်ပုံရိုက်ရင် အရမ်းလှတာကြောင့် ခရီးသွားရင် hotel တည်းမယ်ဆို ဝတ်သင့်ပါတယ်။

photo source:www.pinterest.com