အားလုံးပဲမင်္ဂလာပါနော်။ နေပူထဲထွက်တာများရင် အသားအရေလေးက နေလောင်ပြီး ညိုမည်းလာတတ်ပါတယ်။ နွေပဲဖြစ်ဖြစ်၊ မိုးပဲဖြစ်ဖြစ်၊ ဆောင်းရာသီပဲဖြစ်ဖြစ်၊ ပူအိုက်တဲ့ဒေသမှာ နေထိုင်သူတွေအတွက်တော့ နေရောင်ခြည်ဒဏ်က မဖြစ်မနေရင်ဆိုင်ကြရပါတယ်။
ဆိုတော့ အသားအရေက ညိုမည်းပျက်စီးလာပါတယ်။
သဘာဝအတိုင်း အသားအရေကို ပြန်လည်အားပြည့်စေပြီး ကျန်းမာစေမယ့် နည်းလမ်းကောင်းလေးတွေကို မျှဝေပေးချင်ပါတယ်နော်။
ပါဝင်ပစ္စည်း
ပျားရည် စားပွဲတင်ဇွန်း ၂ ဇွန်း
သံပုယိုရည် လက်ဖက်ရည်ဇွန်း ၁ ဇွန်း
နှင်းဆီရည် လက်ဖက်ရည်ဇွန်း ၁ ဇွန်း
ပြုလုပ်နည်း
ပါဝင်ပစ္စည်းတွေအားလုံးကို သေချာမွှေပေးလိုက်ပါ။ ပြီးရင်တော့ ညိုမည်းနေတဲ့ နေရာမှာလိမ်းပေးပါ။
အဲဒီနောက် မိနစ် ၂၀ ကနေ ၃၀ အထိထားပါ။
ပြီးရင် ရေနဲ့ ဆေးချပေးလိုက်ပါ။
ပြီးရင်တော့ မျက်နှာကို တဘက်နဲ့ ခြောက်အောင်သုတ်ပြီး Moisturizer လိမ်းပေးလိုက်ပါ။
ပျားရည်က အသားအရေကို ကြည်လင်ပြီး ဖြူဝင်းစေပါတယ်။ သံပုယိုသီးက ဘက်တီးရီးယားကို သေစေနိုင်သလို အသားအရေကို ဖြူဝင်းစေပါတယ်။
Source: www.beautyofgirls.com
