အားလုံးပဲမင်္ဂလာပါနော်။ ကလေးသရုပ်ဆောင် စတင်လုပ်ဆောင်ခဲ့ချိန်တည်းကစပြီး ပရိသတ်တွေ အားပေးမှုကို ရရှိခဲ့တဲ့ မင်းသမီးချော Moon Ga-young ကို မြန်မာပရိတ်သတ်တွေ သေချာပေါက် ရင်းနှီးကြမယ်ထင်ပါတယ်။
True Beauty, Find Me in Your Memory, Delightfully Deceitful ဇာတ်ကားတွေနဲ့ ပိုပြီး လူသိများလာခဲ့တဲ့ သူမကတော့ အခုဆိုရင် ကြော်ငြာတွေ၊ တခြားဇာတ်လမ်းတွဲတွေပါ အများကြီး ရိုက်ကူးနေရပါပြီနော်။
Moon Ga-young ကိုတော့ ဂျာမနီနိုင်ငံ Karlsruhe မြို့မှာ မွေးဖွားခဲ့တာဖြစ်ပြီး သူမရဲ့မွေးနေကတော့ ဇူလိုင် ၁၀ ရက်နေ့၊ ၁၉၉၆ ခုနှစ်ပါ။
သူမရဲ့ တခြားလူသိကြအုံးမယ့် ဇာတ်လမ်းတွဲတွေကတော့ Heartstrings, EXO Next Door, Tempted, Welcome to Waikiki 2 စတာတွေပဲဖြစ်ပါတယ်။
သရုပ်ဆောင်အလုပ်ကို စတင်လုပ်ကိုင်ချိန်ကတည်းကစပြီး ဘယ်လိုဝေဖန်တိုက်ခိုက်မှုတွေရှိရှိ ဂရုမစိုက်ဘဲ သူမ ယုံကြည်ရာကို တစိုက်မတ်မတ်လုပ်တတ်သူတစ်ဦးလည်းဖြစ်ပါတယ်။
ပွဲတွေတက်ပြီဆိုရင်လည်း အလန်းစားဖက်ရှင်တွေနဲ့ တက်လေ့ရှိတဲ့ သူမက Suit ဖက်ရှင်တွေကိုလည်း နှစ်နှစ်ခြိုက်ခြိုက် ဝတ်ဆင်လေ့ရှိပါတယ်နော်။
Moon Ga-young ကို ချစ်ကြတဲ့သူတွေအတွက်ကော ဖက်ရှင်ချစ်သူတွေအတွက်ပါ အထာအပြည့်နဲ့ ဖက်ရှင်ကျတဲ့ Suit ဖက်ရှင်တချို့ကို မျှဝေပေးလိုက်ပါတယ်နော်။
Image Source: Pinterest
