အသက်ကြီးပေမယ့်အထာကျနိုင်သေးကြောင်း သက်သေပြလိုက်တဲ့ ပင်မင်းဆိုင်ပိုင်ရှင် ဇနီးမောင်နှံ

သင်က စတိုင်ကျဖို့ ပိုက်ဆံအများအပြားသုံးဖို့ လိုကြောင်း ထင်မှတ်ထားသူတစ်ဦးဆိုရင် ပြန်စဉ်းစားဖို့လိုနေပါပြီ။ ထိုင်ဝမ်နိုင်ငံက ပင်မင်းဆိုင်ပိုင်ရှင် ဘိုးဘွားဇနီးမောင်နှံကတော့ ဒီလိုမဟုတ်ပါဘူး။ အဖိုးနဲ့အဖွားက သူတို့ဆိုင်မှာ ဖောက်သည်တွေထားခဲ့တဲ့ အဝတ်အစားတွေကို ဝတ်ပြီး မယုံနိုင်စရာ ဖက်ရှင်ပုံစံတွေကို ချပြခဲ့ပါတယ်။

လူအများစုက ကိုယ့်မှာအဝတ်အစားတွေအများကြီးရှိရင်တောင် ဘာဝတ်ရမှန်းမသိဖြစ်တတ်ပါတယ်။ ဇနီးမောင်နှံနှစ်ဦးဖြစ်တဲ့ Hsu Sho-Er နဲ့ Chang Wan Ji ကတော့ အဝတ်အစားအဟောင်းတွေနဲ့လည်း ပြန်လည်ဖက်ရှင်ကျအောင် ဝတ်ဆင်နိုင်ကြောင်း သက်သေပြထားပါတယ်။ တချို့အဝတ်အစားတွေဆိုရင် အချိန်တော်တော်ကြာနေပြီဆိုတာ သင်သတိထားမိမှာပါ။

ဒီအဖိုးအဖွားဇနီးမောင်နှံက Instagram မှာ Follower 600k တောင် ပိုင်ဆိုင်ထားပါပြီ။ သူတို့ရဲ့ Ig Account က လွန်ခဲ့တဲ့တစ်လကမှ စဖွင့်ထားတာပါ။ မြေးဖြစ်သူက အဖိုးနဲ့အဖွား မပျင်းရအောင် ဖန်တီးပေးရင်း ဒီအိုင်ဒီယာကို ရရှိခဲ့တာဖြစ်ပါတယ်။

ဒီအဖိုးနဲ့အဖွားက အသက် ၈၀ ကျော်အရွယ်မှာတောင် အဝတ်အစားကို ယုံကြည်မှုရှိရှိ ဝတ်တတ်မယ်ဆိုရင် လှနိုင်သေးကြောင်း သက်သေပြခဲ့ကြပါတယ်။

အဖိုးနဲ့အဖွားက သွက်လက်နေကြပြီး ပျော်နေတာကို သတိထားမိမှာပါ။ မြေးဖြစ်သူကပဲ Instagram Account ကိုကိုင်ထားပြီး အဖိုးနဲ့အဖွားက အကောင်းဆုံးကိုယ်နေဟန်ထား အကောင်းဆုံးဝတ်ဆင်ပုံတွေနဲ့ ဓာတ်ပုံရိုက်နိုင်ခဲ့ကြပါတယ်။