တစ်နှစ်ထက် တစ်နှစ် ဂီတလမ်းကြောင်းပေါ်မှာ တက်သစ်စ လူငယ်ကြယ်ပွင့်တွေ အများကြီး ထွက်ပေါ်လာနေဆဲ ဖြစ်ပါတယ်။ ဆန်းသစ်တက်ကြွတဲ့ ဂီတဖန်တီးမှုပုံစံတွေနဲ့အတူ လူကြီးလူငယ် ပရိသတ်တွေရဲ့ နှလုံးသားတွေကို သိမ်းပိုက်ထားကြပါတယ်။
ဒီထဲကမှ လက်ရှိ လူကြိုက်အများဆုံးနဲ့ အအောင်မြင်ဆုံး အသက် ၂၅ နှစ်အောက် အမျိုးသမီး အဆိုတော် ၄ ဦးအကြောင်း ပြောပြချင်ပါတယ်။
(၁) Billie Eilish
Billie Eilish ဟာ လက်ရှိ ရေပန်းအစားဆုံး အမျိုးသမီး ပေါ့ပ်အဆိုတော်တွေထဲမှ တစ်ဦးဖြစ်ပါတယ်။ Bad Guy ၊ My Future သီချင်းတွေလို ဆန်းသစ်တဲ့ ဂီတပုံစံတွေနဲ့ ထိုးဖောက်လာခဲ့သူ ဖြစ်ပါတယ်။
၂၀၁၅ ခုနှစ်မှာ SoundCloud ပေါ်တင်ခဲ့တဲ့ Ocean Eyes သီချင်းနဲ့အတူ ဂီတလမ်းကြောင်းပေါ် စတင်လျှောက်လှမ်းလာခဲ့တာဖြစ်ပြီး ဒီသီချင်းဟာ ၂၀၁၈ ခုနှစ် ဖေဖော်ဝါရီလမှာ Spotify ရဲ့ နားထောင်သူ ၃၅ သန်းကျော်အထိ ရှိလာခဲ့တဲ့ အအောင်မြင်ဆုံး သီချင်းတစ်ပုဒ် ဖြစ်ခဲ့ပါတယ်။
၂၀၁၉ ခုနှစ်မှာ ပွဲဦးထွက် အယ်လ်ဘမ် When We All Fall Asleep, Where Do We Go? ထွက်ရှိခဲ့ပြီး ရက်ပိုင်းအတွင်းမှာတင် Billboard 200 ရဲ့ ထိပ်ဆုံးမှာ ရပ်တည်နိုင်ခဲ့တဲ့အထိ အောင်မြင်မှု အကြီးအကျယ် ရရှိခဲ့ပါတယ်။
Billie ဟာ ၂၀၀၁ ခုနှစ် ဒီဇင်ဘာ ၁၈ ရက်နေ့မှာ မွေးခဲ့တာဖြစ်ပြီး အသက် ၂၀ ကျော်ဝန်းကျင်သာ ရှိသေးတဲ့ အအောင်မြင်ဆုံး အမျိုးသမီး အဆိုတော် တစ်ဦးဖြစ်ပါတယ်။
(၂) Olivia Rodrigo
အမေရိကန် အဆိုတော် ၊ တေးရေးဆရာနဲ့ သရုပ်ဆောင်တစ်ဦးတဲ့ Olivia Rodrigo ကတော့ လက်ရှိ လူကြိုက်အများဆုံး တက်သစ်စလူငယ် ကြယ်ပွင့်တစ်ဦး ဖြစ်ပါတယ်။
ဒစ္စနေး ရုပ်သံအစီအစဉ် Bizaardvark နဲ့ High School Musical: The Musical: The Series တွေမှာ ပါဝင်ခဲ့ပြီး လူသိများရေပန်းစားလာခဲ့သူ ဖြစ်ပါတယ်။
သူမရဲ့ ပွဲဦးထွက်သီချင်း Drivers License ဟာ ဆိုရင်လည်း Stream ပေါင်း ၁ ဘီလီယံကို ရရှိခဲ့ပြီး စံချိန်တင် အောင်မြင်မှုများစွာရခဲ့တဲ့ သီချင်းတစ်ပုဒ်ဖြစ်ပါတယ်။
၂၀၂၁ ခုနှစ်မှာ သူမရဲ့ ပွဲဦးထွက် စတူဒီယိုအယ်လ်ဘမ် Sour ထွက်ရှိခဲ့ပြီး ပရိသတ်အားပေးမှုများစွာ ထပ်မံသိမ်းပိုက်နိုင်ခဲ့ပါတယ်။ Olivia Rodrigo ဟာ ၂၀၀၃ ခုနှစ် ဖေဖော်ဝါရီလ ၂၀ ရက်နေ့မှာ မွေးခဲ့ပြီး အသက် ၂၀ သာ ရှိသေးတဲ့ အအောင်မြင်ဆုံး အမျိုးသမီး အဆိုတော် ဖြစ်ပါတယ်။
(၃) Sabrina Carpenter
အမေရိကန် အဆိုတော် ၊ သရုပ်ဆောင် Sabrina Carpenter ကို ၁၉၉၉ ခုနှစ် မေလ ၁၁ ရက်နေ့မှာ မွေးခဲ့ပါတယ်။ The Goodwin Games နဲ့ Girl Meets World TV Show တွေမှာ ပါဝင်သရုပ်ဆောင်ခဲ့ပြီး ၂၀၁၆ ခုနှစ်က Adventures in Babysitting ဇာတ်ကားမှာလည်း Jenny Parker အဖြစ် သရုပ်ဆောင်ခဲ့ပါတယ်။
၂၀၁၄ ခုနှစ်မှာ သူမရဲ့ ပွဲဦးထွက် EP အယ်လ်ဘမ် Can’t Blame a Girl for Trying ထွက်ရှိခဲ့ပြီး ၂၀၁၅ နဲ့ ၂၀၁၆ ခုနှစ်တွေမှာ ဆက်တိုက်ဆိုသလို Eyes Wide Open နဲ့ Evolution အယ်လ်ဘမ်နှစ်ခု ထွက်ရှိလာခဲ့ပါတယ်။
၂၀၁၈ ခုနှစ်မှာ သူမရဲ့ တတိယမြောက် စတူဒီယိုအယ်လ်ဘမ် Singular: Act I နဲ့အတူ အောင်မြင်မှု များစွာ သိမ်းပိုက်နိုင်ခဲ့ပြီး လက်ရှိ လူကြိုက်အများဆုံး လူငယ်အမျိုးသမီး အဆိုတော်တစ်ဦး ဖြစ်ပါတယ်။
(၄) Tate McRae
ကနေဒါအဆိုတော်၊ သီချင်းရေးဆရာနဲ့ အကသမား တစ်ဦးဖြစ်တဲ့ Tate McRae ကို ၂၀၀၃ ခုနှစ် ဇူလိုင်လ ၁ ရက်နေ့မှာ မွေးခဲ့ပါတယ်။
သူမဟာ One Day သီချင်းလေးနဲ့ အတူ YouTube ပေါ်မှာ လူသိများရေပန်းစားလာခဲ့ပြီး ၂၀၂၀ ခုနှစ် ဇန်နဝါရီလမှာ ပွဲဦးထွက် EP အယ်လ်ဘမ် All the Things I Never Said ထွက်ခဲ့ကာ အောင်မြင်မှုများစွာ သိမ်းပိုက်နိုင်ခဲ့ပါတယ်။
