Hollywood သရုပ်ဆောင်တွေရဲ့ ဘဝက တကယ်ကို မလွယ်ကူပါဘူး။ သူတို့ဖြတ်သန်းခဲ့ရတဲ့ ဘဝတစ်လျှောက် စိတ်ဝင်စားစရာ ဇာတ်လမ်းတွေ၊ ဟာသတွေနဲ့ ရူးကြောင်ကြောင် အဖြစ်အပျက်တွေ အများကြီးကြုံခဲ့ကြရပါတယ်။
အခု ထင်ရှားကျော်ကြားတဲ့ Hollywood သရုပ်ဆောင်တွေရဲ့ စိတ်ဝင်စားစရာ တကယ့်အပြင်ဘဝဇာက်လမ်းအချို့ကို ဖော်ပြပေးသွားမှာပါ။
(၁) Emilia Clarke ဟာ GOT စီးရီး မရိုက်ခင် အိမ်ငှားခပေးနိုင်ဖို့အတွက် အလုပ် ၆ ခု လုပ်ခဲ့ရပါတယ်။
Emilia Clarke (အဲမီလီယာ ကလက်ခ်) ဟာ ဒရာမာ ကျောင်းကနေ ဘွဲ့ရခဲ့တာပါ။ ပြီးတော့ GOT စီးရီးအတွက် လူရွေးပွဲ မတိုင်ခင်အထိ အိမ်လခပေးနိူင်ဖို့အတွက် အလုပ် ၆ ခုတောင် လုပ်ခဲ့ရပါတယ်။
လူရွေးပွဲမှာ သူမဟာ GOT စီးရီးရဲ့ Daenerys (ဒနေးရိစ်) နေရာအတွက် အကောင်းဆုံး လုပ်ဆောင်နိုင်ခဲ့ပြီး အင်တာဗျူးသူတွေက သဘောကျခဲ့ကြပါတယ်။ ဒုတိယမြောက် အင်တာဗျူးမှာ HBO ရဲ့ဥက္ကဌ သဘောကျအောင် ကပြခဲ့ရပါသေးတယ်။
(၂) Kit Harington ဟာ GOT အတွက် လူရွေးပွဲ မလာခင်မှာ အမျိုးသမီးတစ်ယောက်ရဲ့ သိက္ခာကိုကာကွယ်ဖို့အတွက် ရန်ဖြစ်ခဲ့ရပါတယ်။
Kit Harington (ကစ် ဟာရင်တန်) ဟာ GOT လူရွေးပွဲမလာခင် တစ်ရက်အလိုမှာ အမျိုးသမီးတယောက်နဲ့ McDonald’s ဆိုင်ကို သွားထိုင်ခဲ့ပါတယ်။ အဲ့နေမှာ လူများပြီး ထိုင်စရာခုံတွေမရှိတာနဲ့ အတွဲတစ်တွဲနဲ့အတူတူ တွဲထိုင်ခဲ့ရပါတယ်။
သူတို့နဲ့ အတူထိုင်နေတဲ့ ယောကျ်ားတစ်ယောက်က ဟာရင်တန်နဲ့အတူပါလာတဲ့ ကောင်မလေးကို သိက္ခာကျအောင်ပြောဆိုနေတာကြောင့် ဟာရင်တန်နဲ့ ထိပ်တိုက်တွေ့ခဲ့ကြပါတယ်။ တစ်ဖက်လူက သူ့ထက် အကောင်ပိုကြီးတာကြောင့် ခံခဲ့ရပြီး လူရွေးပွဲးမှာ ညိုမည်းနေတဲ့ မျက်လုံးနဲ့ လာခဲ့ရပါတယ်။
(၃) ဟာသရုပ်ဆောင် Jim Carrey ဟာ ငယ်ငယ်တုန်းက မိသားစုကို ကူညီဖို့အတွက် ကျောင်းပြီးတာနဲ့ စက်ရုံမှာ အလုပ်လုပ်ခဲ့ရတယ်။
ဟာသရုပ်ဆောင် Jim Carrey ငယ်ငယ်တုန်းက သူ့အဖေဟာ အလုပ်လက်မဲ့ ဖြစ်ခဲ့တာကြောင့် မိသားစုတစ်စုလုံး ဗန်ကားထဲမှာနေရတဲ့ ဘဝအထိ ဒုက္ခရောက်ဖူးပါတယ်။ သူအသက် ၈ နှစ်လောက်ရောက်တော့ မိသားစုကို တဖက်တလမ်းကနေ ကူညီဖို့အတွက် ကျောင်းဆင်းပြီဆိုတာနဲ့ စက်ရုံတစ်ခုမှာ ၈ နာရီကြာအလုပ်လုပ်ခဲ့ပါတယ်။
ဒါပေမယ့် ဂျင်ဟာ သူ့ရဲ့အိပ်မက်တစ်ခုဖြစ်တဲ့ ဟာသသရုပ်ဆောင်ဖြစ်ဖို့ လုံးဝလက်မလျှော့ခဲ့ပါဘူး။ အသက် ၁၅ နှစ်အရွယ်မှာ နာမည်ကျော်ဟာသ သရုပ်ဆောင်ဖြစ်လာမဲ့ ဂျင်ဟာ Toronto (တိုရန်တို) မြို့က ဟာသကလပ်တခုနဲ့ ပူးပေါင်းခဲ့ပါတယ်။
နောက်ပိုင်းမှာ ဂျင်ဟာ ဟာသဖက်မှာ ထူးချွန်တာကြောင့် ဟာသဇာတ်ကားတွေရိုက်ဖို့ ကမ်းလှမ်းခြင်းခံခဲ့ရပါတယ်။
(၄) Robert Downey Jr. ဟာ သွေးထွက်နေတဲ့ အမျိုးသမီးတစ်ယောက်ကို အကူအညီပေးဖူးတယ်
ဝီးချဲပေါ်ကနေ လိမ့်ကျပြီး ဒဏ်ရာရ သွေးထွက်နေတဲ့ အမျိုးသမီးကြီးတစ်ယောက်ကို Robert က သူ့ရဲ့ဂျာကင်ကို အသုံးပြုပြီး သွေးထွက်တိတ်သွားအောင် ကူညီပေးခဲ့ဖူးပါတယ်။ ပြီးတော့ အမျိုးသမီးကို သူမရဲ့ခြေထောက်ဟာ အရမ်းလှကြောင်း မြှောက်ပင့်ပြောဆိုပေးခဲ့ပါတယ်။
Robert က လူနာတင်ကားရောက်မလာတဲ့အထိ အမျိုးသမီးကြီး ဝေဒနာမခံစားရအောင် အာရုံလွဲနိုင်ခဲ့ပါတယ်။ ပြီးတော့ ဒဏ်ရာက သက်သာလာရင် နေလည်စာအတူစားရအောင် သူ့ကို ဖုန်းခေါ်ဖို့ ပြောခဲ့ပါသေးတယ်။ Robert ဟာ တကယ်ကို စိတ်ရင်းစေတနာ ကောင်းပြီး သူတစ်ပါးအပေါ် ကူညီချင်စိတ်အပြည့်ရှိတဲ့သူပါ။
သူဟာ သီချင်းလည်း ကောင်းကောင်းဆိုတတ်ပြီး မကြာခင် ညစ်ညမ်းနေတဲ့ ကမ္ဘာကြီးကို သန့်ရှင်းရေးလုပ်ဖို့အတွက် ပရောဂျက်တစ်ခုကို စတင်ဖို့ လုပ်နေပါတယ်။
Source: Bright Side
