ညဘက်ဆိုရင် ဗိုက်က အော်တိုဆာတတ်လာပါတယ်။ ဝိတ်ချတဲ့ရက်ဆိုရင် ပိုဆိုးပါတယ်။ ဘယ်လိုမှ မနေနိုင်တဲ့အဆုံး စားမိတတ်တာပါပဲ။ နောက်နေ့ကျတော့လည်း ညဘက် စားထားတာကြောင့် ဗိုက်ကပူ စသဖြင့် သံသရာလည်တတ်ကြပါတယ်။ ညဘက်ဗိုက်မဆာဖို့ သုံးနာရီခြားတစ်ခါ နည်းနည်းစီစားပေးတာက ကောင်းမွန်တဲ့အလေ့အကျင့်တစ်ခုပါ။ ဒါပေမဲ့ ညဘက် ဗိုက်ဆာပြီး မဖြစ်မနေ စားချင်လာတယ်ဆိုရင်တော့ ဒီအစားအသောက်တွေကိုရွေးစားနိုင်ပါတယ်။

၁။ အစေ့အဆံ


အစေ့အဆံတွေမှာ ပရိုတင်းဓာတ်နဲ့ ကျန်းမာရေးနဲ့ညီညွတ်တဲ့ အဆီဓာတ်တွေပါဝင်ပါတယ်။ Almond စေ့၊ Pistachios အစေ့၊ အငန်ပါဝင်မှုနည်းတဲ့ အစေ့တွေကို အဆင်သင့်ဝယ်ထားသင့်ပါတယ်။

၂။ ဘယ်ရီသီး၊ စပျစ်သီး


ရေခဲစိမ်ထားတဲ့ ဘလူးဘယ်ရီသီး၊စပျစ်သီးစတဲ့ အသီးအနှံတွေက ညဘက် အချိုစားချင်သူတွေအတွက် သင့်တော်ပါတယ်။

၃။ ဒိန်ချဉ်


အဆီနဲ့ သကြားပါဝင်မှု နည်းတဲ့ ဒိန်ချဉ်ကလည်း သင့်တော်တဲ့ ညဘက်မုန့်တစ်ခုပါ။ ဒိန်ချဉ်ထဲကို အသီးအနှံတွေထည့်စားပြီး သီးစုံဒိန်ချဉ်ဖန်တီးလို့ရပါတယ်။

၄။ ထောပတ်သီး


ထောပတ်သီးမှာ Monounsaturated အဆီပါဝင်ပါတယ်။ ညဘက် ထောပတ်သီးစားပေးတာကလည်း သင့်ကို ဗိုက်ဆာသက်သာစေမှာပါ။

၅။ ပေါက်ပေါက်ဆုပ်

ထောပတ်မပါတဲ့ ပေါက်ပေါက်ဆုပ်ကလည်း ညဘက် စားသင့်တဲ့ အစားအစာတစ်မျိုးပါ။

၆။ မုန်လာဥနီ


မုန်လာဥနီကို ဖျော်ရည်လုပ်သောက်နိုင်သလို ကြော်စားလို့ရပါတယ်။ သုပ်စားလို့လည်းရပါတယ်။

၇။ အနက်ရောင်ချော့ကလက်


သင်က အချိုစားရတာ ကြိုက်တဲ့သူဆိုရင် အနက်ရောင်ချော့ကလက်ကလည်း အဆင်ပြေပါတယ်။

ဒီအစားအစာတွေကတော့ ညဘက် စားနိုင်တဲ့အစားအစာတွေဖြစ်ပါတယ်။ ထမင်းကတော့ မစားတာ အကောင်းဆုံးပါပဲ။

Photo Source: Pinterest

By MyStyle Myanmar