ဝက်ခြံတွေက အသားအရေနှင့် အရေပြားအောက်ရှိ တစ်သျှူးများကို ပျက်စီးစေပါတယ်။ သင့်ခန္ဓာကိုယ်က ပျက်စီးသွားတဲ့အသားအရေကို ပြန်လည်ပြုပြင်ပေးဖို့အတွက် ကောလဂျင်တွေ ထုတ်လုပ်ပေးရပါတယ်။ တကယ်လို့ သင့်ခန္ဓာကိုယ်က ကောလဂျင်ကို အနည်းငယ် (သို့) အလွန်အကျွံ ထုတ်လုပ်မိတဲ့အခါ အမာရွတ်ဖြစ်သွားပါလိမ့်မယ်။

ဝက်ခြံတွေနဲ့ အမာရွတ်တွေကို ဖယ်ရှားနိုင်တဲ့ နည်းလမ်းတွေကတော့ အများကြီးပါပဲ။ ထိုနည်းလမ်းတွေထဲကမှ အလွယ်ကူဆုံးနဲ့ ထိရောက်မှုအရှိဆုံးနည်းလမ်းကတော့ ကျန်းမာရေးနဲ့ ညီညွှတ်ပြီး အာဟာရပြည့်ဝတဲ့အစားအစာများ စားသုံးပေးဖို့ပဲဖြစ်ပါတယ်။

သင့်အနေနဲ့ ဝက်ခြံနှင့် အမာရွတ်များ မြန်မြန်ပျောက်ချင်တယ်ဆိုရင်တော့ ဝက်ခြံသက်သာစေတဲ့ အစားအစာတွေက ဘယ်အစားအစာတွေလဲဆိုတာ သိထားသင့်ပါတယ်။

ရွှေဖရုံသီး

ရွှေဖရုံသီးက သွေးလှည့်ပတ်မှုကို ကောင်းမွန်စေပြီး ဆဲလ်များအသစ်ပြန်လည်ဖြစ်ပွားလာအောင် ကူညီပေးပါတယ်။ သူ့ထဲမှာပါဝင်တဲ့ ဗီတာမင်အေကတော့ ဝက်ခြံကြောင့် ကျန်ခဲ့တဲ့ အမာရွတ်များကို သက်သာစေပါတယ်။

ကိုက်လန်

ကိုက်လန်ထဲမှာပါဝင်တဲ့ ဗီတာမင်ဓာတ်၊ သတ္တုဓာတ်နှင့် Antioxidants များက အသားအရေ မညီမညာဖြစ်ခြင်းမှ ကာကွယ်ပေးပါတယ်။ သူ့ထဲမှာပါဝင်တဲ့ ဗီတာမင်ကေကတော့ အသားအရေပေါ်ရှိ အမဲစက်များကို လျော့ချပေးပြီး သံဓာတ်ကတော့ အမာရွတ်များကို အမြန်သက်သာစေပါတယ်။

သံပုယိုသီး

သင့်ရဲ့တစ်နေ့တာကို ရေနွေးနွေးထဲ သံပုယိုရည် အနည်းငယ် ညှစ်ထည့်ကာ အစပြုလိုက်ပါ။ ဒါမှမဟုတ် အသုပ် သုတ်စားတဲ့အခါ သံပုယိုရည်များများ ညှစ်ထည့်ပေးလိုက်ပါ။ သံပုယိုရည်က သင့်အသားအရေကို တင်းတင်းရင်းရင်းဖြစ်စေပြီး အမဲစက်များကိုလည်း ဖယ်ရှားပေးပါတယ်။

ကန်စွန်းဥ

ကန်စွန်းဥ စားသုံးခြင်းသည် ဝက်ခြံနှင့် အမဲစက်များ၊ အမာရွတ်များ၊ အရေးအကြောင်းများကု သက်သာစေပါတယ်။ ဘာ့ကြောင့်လဲဆိုတော့ သူ့ထဲမှာ အသားအရေ တင်းရင်းလှပစေပြီး ရောင်ရမ်းမှုကို လျော့ချပေးနိုင်တဲ့ ဗီတာမင်အေ ပါဝင်လို့ပဲဖြစ်ပါတယ်။

သင်္ဘောသီး

သင်္ဘောသီးကတော့ ဆဲလ်သေများကို ဖယ်ရှားပေးပြီး ချွေးပေါက်ပိတ်ခြင်းမှ ကာကွယ်ပေးပြီး အမာရွတ်များကို တဖြည်းဖြည်းအရောင်မှိန်သွားစေပြီး သက်သာပျောက်ကင်းသွားစေပါတယ်။

Source: Brightside.me