ဖက်ရှင်အကြောင်းစိတ်ဝင်စားကြတဲ့ ပျိုမေတို့အားလုံးပဲ မင်္ဂလာပါနော်။ ဒီတစ်ခေါက်မှာ လူကောင်သေးသေးလေးနဲ့ Cute Type ကောင်မလေးတွေအတွက် သက်တောင့်သက်သာလည်းဖြစ်ပြီး စတိုင်ကျကျဝတ်လို့ရတဲ့ Outfit အတွဲအစပ် အိုင်ဒီယာလေးတွေကိုဖော်ပြပေးလိုက်ပါတယ်။ ပုံမှန်ထက် အရပ်ထွက်လာသလို မြင်ရပြီး အထာကျကျနဲ့ပေါ်လွင်နေမယ့် ဖက်ရှင်လေးတွေဖြစ်တာမို့ စိတ်ဝင်စားရင်ကြည့်လိုက်ရအောင်ပါ။
၁။ Jumpsuit ဝမ်းဆက်နဲ့ ဒေါက်ဖိနပ်
Jumpsuit လေးတွေက သက်တောင့်သက်သာရှိသလို စမတ်လည်းကျပါတယ်။ Jumpsuit ဝမ်းဆက်လေးကို အောက်က ဒေါက်အမြင့်လေးနဲ့တွဲပြီး ဝတ်ကြည့်ပါ။ အသက်အရွယ်မရွေးဝတ်လို့လှတဲ့ ဖက်ရှင်လေးဖြစ်ပါတယ်။
၂။ Tube Top အင်္ကျီနဲ့ စကပ်ရှည်
ဒီလို အင်္ကျီလက်မပါတဲ့ Tube Top ကိုယ်ကျပ်လေးလေးတွေက ခန္ဓာကိုယ်ပေါ်တာမို့ လူကောင်သေးတဲ့သူတွေနဲ့ အရမ်းလိုက်ပါတယ်။ စကပ်ရှည်လေးတွေနဲ့ တွဲဝတ်ကြည့်ပါ။ ပွဲသွားပွဲလာအဆင်ပြေတဲ့ ချစ်စရာဖက်ရှင်လေးရစေမှာပါ။
၃။ တီရှပ်အပေါ်က Blazer နဲ့ ဘောင်းဘီအကား အရှည်
ပေါ့ပေါ့ပါးပါးနဲ့ စမတ်ကျတာမျိုးဝတ်ချင်တဲ့သူတွေအတွက် ဒီလိုပုံစံလေးက အရမ်းလှပါတယ်။ ရုံးတက်ရတဲ့ပျိုမေတို့အတွက် အဆင်ပြေမယ့် ဖက်ရှင်အတွဲအစပ်လေးပါ။
၄။ အင်္ကျီလက်ပြတ်၊ စကပ်တိုနဲ့ Sneaker ဖိနပ်
လူကောင်သေးတဲ့ကောင်မလေးတွေက Mini စကပ်၊ တင်းနစ်စကပ်တွေနဲ့လည်း အရမ်းလိုက်ပါတယ်။ ဒီလို ကြိုးတစ်လုံး ဒါမှမဟုတ် လက်ပြတ်အင်္ကျီလေးတွေနဲ့ စကပ်တို၊ Sneaker လေးတွေတွဲပြီးဝတ်ကြည့်ပါ။ လူငယ်ဆန်ဆန် Cute Type လေးရစေမှာပါ။
၅။ Tube Top အင်္ကျီ၊ Mini စကပ်နဲ့ Boots ဖိနပ်
Boots ဖိနပ်တွေက စတိုင်ကျသလို ဝတ်ထားတဲ့ဖက်ရှင်ကိုပိုပေါ်လွင်စေပါတယ်။ ဒါကြောင့်မို့ ဒီလိုအတွဲအစပ်လေးက သင့်ကိုချစ်စရာကောင်းသလို အထာလည်းကျစေမှာပါ။
၆။ Crop Top အင်္ကျီနဲ့ ဘောင်းဘီရှည်အပွ
Crop Top လေးတွေကို အောက်က ဘောင်းဘီအပွခပ်ရှည်ရှည်လေးတွေနဲ့တွဲဝတ်တာကလည်း သက်တောင့်သက်သာရှိသလို ဓာတ်ပုံထဲမှာ လူကောင်ကြီးသလိုမြင်ရပြီး စတိုင်ကျစေမှာပါ။
၇။ ကြိုးတစ်လုံးအင်္ကျီနဲ့ စကပ်ဘေးကွဲ
လူကောင်သေးတဲ့သူတွေအတွက် ဒီလိုစတိုင်လေးက ခရီးသွားရင်း ပေါ့ပေါ့ပါးပါးဝတ်လို့ကောင်းသလို ဆွဲဆောင်မှုလည်းရှိတဲ့ပုံစံလေးပါ။
၈။ Crop Top နဲ့ Denim ဘောင်းဘီ
Crop Top ကိုမှ အောက်က Denim ဘောင်းဘီလေးတွေနဲ့တွဲဝတ်တာမျိုးကလည်း လူကောင်သေးတဲ့သူတွေ ခါးသေးသေးလေးရှိတဲ့သူတွေနဲ့ အရမ်းကိုလိုက်ဖက်ပါတယ်။ ထွေထွေထူးထူးပြင်ဆင်ဖို့မလိုဘဲ အမိုက်စားစတိုင်လေးရစေမှာပါ။
Photo Source: Pinterest, preview.ph
