သီချင်းတစ်ပုဒ်ရဲ့ အရည်အသွေးဟာ နောက်ကွယ်က ဖန်တီးသူ တေးရေးဆရာရဲ့ အရည်အချင်းနဲ့ ကျွမ်းကျင်မှု ပေါ်မှာလည်း အများကြီး မူတည်နေပါတယ်။
များသောအားဖြင့် နာမည်ကြီး တေးရေးဆရာတွေဟာ လေ့လာမှုအားကောင်းပြီး ခံစားတက်တဲ့ နှလုံးသားတစ်စုံ ပိုင်ဆိုင်ထားကြသလို သွေးကြောတစ်လျောက် အနုပညာသွေးရည်တွေ စီးဆင်းနေကြသူတွေ ဖြစ်ပါတယ်။
တစ်နည်းအားဖြင့် သီချင်းတစ်ပုဒ်ကို ဦးနှောက်ကတွေး နှလုံးသားနဲ့ ခံစားရေးစပ်ကြသူတွေ ဖြစ်ပါတယ်။ ဂီတနယ်ပယ်ထဲမှာ ဒီလိုကျွမ်းကျင်ပြီး ထူးချွန်တဲ့ တေးရေးဆရာတွေ များစွာရှိပါတယ်။
ဒီထဲကမှ Kpop Idols များအနက် အကျော်ကြားဆုံး တေးရေးဆရာ (၅) ဦး အကြောင်း တင်ဆက်ပေးချင်ပါတယ်။
G-DRAGON (BIGBANG)
BIGBANG အဖွဲ့ခေါင်းဆောင် G-DRAGON (နာမည်အရင်း Kwon Ji-yong) ကို ၁၉၈၈ ခုနှစ် ဩဂုတ်လ ၁၈ ရက်နေ့မှာ မွေးဖွားခဲ့ပါတယ်။ ဂီတနယ်ပယ်မှာ နှစ်ပေါင်း ၁၈ ကျော်ကြာ ဖြတ်သန်းခဲ့ပြီး နာမည်အကြီးဆုံး အိုင်ဒေါ တေးရေးဆရာတွေထဲက တစ်ဦးဖြစ်ပါတယ်။ သူ့သီချင်းပေါင်းကတော့ ၁၇၂ ပုဒ်ဖြစ်ပါတယ်။
Zico (Block B)
Zico ဟာ Block B ရဲ့ အဖွဲ့ခေါင်းဆောင်လည်းဖြစ်သလို တစ်ကိုယ်တော်အဖြစ်လည်း ကျော်ကြားတဲ့ အဆိုတော်၊ တေးရေးဆရာနဲ့ ထုတ်လုပ်သူ ဖြစ်ပါတယ်။ အိုင်ဒေါတွေကြားက အအောင်မြင်ဆုံး တေးရေးဆရာတွေထဲက တစ်ဦးဖြစ်ပြီး Producer အဖြစ်လည်း ဆက်လက်လုပ်ကိုင်နေပါတယ်။ သူ့မှာတော့ သီချင်းပေါင်း ၁၇၁ ပုဒ် ရှိပါတယ်။
RM (BTS)
RM (နာမည်အရင်း Kim Nam Joon) ဟာ အောင်မြင်ကျော်ကြားတဲ့ BTS အဖွဲ့ဝင် ၊ တေးရေးဆရာဖြစ်ပါတယ်။ BTS အဖွဲ့ရဲ့ ခေါင်းဆောင်တစ်ယောက်ဖြစ်ပါတယ်။ လက်ရှိမှာတော့ သီချင်းပေါင်း ၂၁၈ ပုဒ် ရှိပါတယ်။
Suga (BTS)
BTS အဖွဲ့ရဲ့ နောက်ထပ်အဖွဲ့ဝင် Suga ကလည်း သီချင်းရေးစပ်တဲ့ အိုင်ဒေါအဖြစ် ကျော်ကြားပါတယ်။ လက်ရှိမှာတော့ သူ့နာမည်နဲ့ သီချင်းပေါင်း ၁၆၉ ပုဒ်ရှိပါတယ်။
Woozi (SEVENTEEN)
SEVENTEEN အဖွဲ့ဝင် Woozi ဟာဆိုရင်လည်း သူ့အဖွဲ့ရဲ့သီချင်းတွေကို အကုန်ရေးပေးသူပါ။ Producer ဆုကိုလည်း ရရှိခဲ့ဖူးပြီးတော့ လက်ရှိမှာ သီချင်းပေါင်း ၁၅၇ ပုဒ်ရှိပါပြီ။
