Golf အားကစားဟာ Luxury ဆန်တဲ့ အားကစားတစ်ခုဖြစ်ပြီး ဖက်ရှင်ကျကာ ကြည့်ကောင်းနေစေပါတယ်။ Golf ရိုက်တာကို အခုမှ စလုပ်မယ် သူတို့အနေနဲ့ ဂေါ့ဖ်ရိုက်ထွက်ရင် ဘယ်လိုအားကစားအဝတ်အစားမျိုးကို ဝတ်ဆင်ရမလဲဆိုတာသည်လည်း စဉ်းစားရခက်တဲ့အလုပ်တစ်လုပ်ပါပဲ။
ကိုယ် ဝတ်စားသွားတဲ့ အားကစားအဝတ်အစားက မလိုက်မဖက်ဖြစ်နေတဲ့အခါ လူ ရယ်စရာများ ဖြစ်နေမလားဆိုပြီး စိတ်ပူနေတယ်ဆိုရင်တော့ အခုဖော်ပြပေးမယ့် ဖက်ရှင် Tips များကို လိုက်နာနိုင်ပါတယ်။
အရောင်တွေကို ရွေးချယ်ဝတ်ဆင်တဲ့အခါ အရိုးရှင်းဆုံးအရောင်တွေကို ရွေးချယ်ဝတ်ဆင်သင့်ပါတယ်။
ထူထဲလွန်းတဲ့ အဝတ်အစားများ ဝတ်ဆင်ခြင်းကို ရှောင်ကြဉ်ရပါမယ်။ အထူးသဖြင့် နွေရာသီလို ပူပြင်းခြောက်သွေ့တဲ့အချိန်မျိုးမှာ လေဝင်လေထွက်ကောင်းပြီး သက်သောင့်သက်သာရှိတဲ့ အဝတ်အစားမျိုးကို ရွေးချယ်ဝတ်ဆင်ပေးလိုက်ပါ။
နေပူထဲမှာ Golf ရိုက်ရတဲ့သူတို့အနေနဲ့ နေပူရှိန်ရဲ့ အန္တရာယ်မှ ကာကွယ်ပြီး ဖက်ရှင်ကျဖို့အတွက် ဦးထုပ်ဟာ မရှိမဖြစ်လိုအပ်တဲ့ အသုံးအဆောင်ပစ္စည်းတစ်ခုပါပဲ။
ဘောင်းဘီတိုဖက်ရှင်များသည်လည်း အအိုက်သက်သာစေတာကြောင့် ရွေးချယ်သင့်တဲ့ ဖက်ရှင်စတိုင်လ်တစ်မျိုးပါပဲ။
ဒီတစ်ခါ Golf ရိုက်ထွက်တဲ့အခါ ဒီဖက်ရှင်တွေကို ရွေးချယ်ကာ စတိုင်လ်ကျလိုက်ပါ။
