မိန်းကလေးတို့အချစ်တော် Barbie အရုပ်လေးတွေဆီကနေ အတုယူဝတ်ဆင်လို့ရမယ့် ဖက်ရှင်များ

မင်္ဂလာပါနော်။ မိန်းကလေးမှန်ရင်တော့ ဘာဘီကို အားလုံးသိကြမယ်လို့ထင်ပါတယ်။ ဘယ်လိုနိုင်ငံမှာပဲနေနေ မိန်းကလေးတွေရဲ့ ငယ်ဘဝမှာ ဘာဘီအရုပ်လေးတွေက ပါဝင်ခဲ့တာပါနော်။

Barbie ကာတွန်းကားတွေကဆိုရင်လည်း ဘယ်အချိန်ကြည့်ကြည့် ကြည့်လို့ကောင်းနေတာပါပဲ။ ဥပမာ Barbie in the Nutcracker, Barbie as Rapunzel, Barbie of Swan Lake, Barbie as the Princess and the Pauper, Barbie: Fairytopia, Barbie and the Magic of Pegasus, Barbie Fairytopia: Mermaidia ဇာတ်ကားတွေဆို နာမည်ကြားလိုက်တာနဲ့ ဘယ်လိုဇာတ်လမ်းလဲ တန်းပြီးသိကြမယ်ထင်ပါတယ်။

ကိုယ်တွေငယ်ငယ်ကဆို ဘာဘီအရုပ်တွေကိုင်ပြီး ဖီးလိမ်းပြင်ဆင်လိုက် အကျီလေးတွေဝတ်ပေးလိုက်နဲ့ ဆော့ရတာလည်းအမောပါပဲ။

အခုတစ်ခါမှာတော့ ဖက်ရှင်ကိုစိတ်ပါဝင်စားတဲ့ ပျိုမေလေးတွေအနေနဲ့ အခုလိုမျိုး မိန်းကလေးတွေချစ်ကြတဲ့ ဘာဘီအရုပ်လေးတွေကနေပြီး ပျိုမေတို့လိုက်လံဝတ်ဆင်နိုင်မယ့် ဖက်ရှင်တွေထဲက ဖက်ရှင်တွေကို မျှဝေပေးလိုက်ပါတယ်။