အားလုံးပဲ မင်္ဂလာပါ။ Jeon Mi-do ဆိုတဲ့ တောင်ကိုရီးယားမင်းသမီးကို မီဒိုဆိုပြီး မြန်မာပရိသတ်တွေ နှုတ်ဖျားထက်မှာ ရေပန်းစားလာအောင် ပြုလုပ်ပေးတဲ့ ဇာတ်ကားလေးကတော့ Hospital Playlist လို့ အမည်ပေးထားတဲ့ ကိုရီးယားဇာတ်လမ်းတွဲလေးပဲဖြစ်ပါတယ်။

သူမကို ၁၉၈၂ ခုနှစ်၊ ဩဂုတ်လ ၄ ရက်နေ့မှာ တောင်ကိုရီးယားနိုင်ငံ၊ ဘူဆန်မှာ မွေးဖွားခဲ့ပြီး ရာသီခွင်ကတော့ Leo ဖြစ်ပါတယ်။ အရပ်အမြင့်က ၅ ပေ ၈ လက်မ နီးနီးရှိပြီး ကိုယ်အလေးချိန်ကတော့ ၉၉ ပေါင်ရှိတယ်လို့ သိထားပါတယ်။

လူငယ်တွေကြားမှာ ပိုပြီးလူသိများတဲ့ မင်းသမီး Jeon Mi-do ဟာ လက်ရှိအသက်ထက် ပိုပြီးငယ်တယ်လို့ ထင်ရစေလောက်အောင် ကလေးမျက်နှာပိုင်ရှင်တစ်ဦးလည်းဖြစ်ပါတယ်။ သူမက ကိုရီးယားဘာသာစကားအပြင် အင်္ဂလိပ်ဘာသာစကားကိုလည်း ကျွမ်းကျွမ်းကျင်ကျင်ပြောတတ်ပါသေးတယ်။

၂၀၀၆ ခုနှစ်မှာ Mr Mouse လို့ အမည်ရတဲ့ တေးသရုပ်ဖော်နဲ့အတူ အနုပညာလောကထဲကို ဝင်ရောက်လာခဲ့ပြီး ဂစ်တာကိုလည်း ကျွမ်းကျွမ်းကျင်ကျင် တီးခတ်နိုင်တယ်ဆိုတာကိုတော့ Hospital Playlist ကြည့်ဖူးတဲ့ ပရိတ်သတ်တွေ သိပြီးသားဖြစ်မှာပါ။

၂၀၁၃ ခုနှစ် ဧပြီလ ၁၃ ရက်နေ့မှာ သူမရဲ့ချစ်သူနဲ့ လက်ထပ်ခဲ့ပါတယ်။ အနုပညာနယ်ပယ်ထဲကလူမဟုတ်တဲ့အတွက် ခင်ပွန်းဖြစ်သူရဲ့အသေးစိတ်ကိုတော့ ပရိတ်သတ်တွေသေချာမသိကြပါဘူး။

ကိုရီးယားနိုင်ငံမှာဆိုရင် မင်းသမီး Jeon Mi-do ကိုတော့ ဇာတ်ကားတွေထက် တေးသရုပ်ဖော် (Musical) တွေနဲ့ ပိုပြီးလူသိများတာဖြစ်ပြီး ဇာတ်ကားတွေအနေနဲ့ကတော့ Mother, Hospital Playlist 1, 2, Thirty-Nine တို့ပဲဖြစ်ပါတယ်။

မျက်လုံးမှေးမှေးလေးနဲ့ ချစ်စရာကောင်းတဲ့ မီဒိုရဲ့ ချစ်ပရိတ်သတ်တွေအတွက် သူမရဲ့ဖက်ရှင်လေးတွေကို ဝေမျှပေးလိုက်တယ်နော်။

Image Source: Pinterest